Salmos 92:1-15

  • Jehová Diosqa wiñaypaj wiñaynintinpaj jatunchasqa

    • Diospa ruwasqasnenqa manchay tʼukuna, yachayninpis may jina (5)

    • “Cheqan runastajrí, palmera jina tʼikarenqanku” (12)

    • “Machuyaspapis poqollanqankupuni” (14)

Salmo. Samarikuna pʼunchaypi takinapaj. 92  Allinpuni Jehová Diosman graciasta qoyqa.+ Aswan Patapi kaj Diosníy, allinpuni sutiykipaj alabanzasta takeyqa.   Tutamantaqa allinpuni munakuyniykimanta parlayqa.+ Chʼisisninpis allinpuni atienekunapaj jina kasqaykimanta parlayqa.   Chayta ruwasaj chunka cuerdasniyoj tocanata tocarispa, laudta* tocarispa,sumajta waqarej arpata tocarispa.+   Qanmin Jehová Diosníy, ruwasqasniykiwan kusichiwanki. Makiykej ruwasqasninta rikuspa kusiywan qhaparirini.   Jehová Diosníy, ruwasqasniykeqa manchay tʼukuna kanku.+ May jina yachayniyojpuni kanki.+   Mana allin yuyayniyoj runaqa chaykunata mana rejsiyta atinmanchu. Ni pi wampu runapis kaytaqa entiendeyta atinmanchu:+   Sajra runas qhora jina wiñajtinku,sajra ruwajkunapis tukuyninku tʼikarejtinku,wiñaypaj tukuchisqa kanqanku.+   Qantajrí Jehová Diosníy, wiñaypaj jatunchasqa kanki.   Jehová Diosníy, qhawariy enemigosniyki atipasqa kasqankuta. Enemigosniykeqa tukuchisqapuni kanqanku. Diosníy, qanmin tukuy sajra ruwajkunata ayqerachinki.+ 10  Noqatarí aswan kallpayojta ruwawanki, kʼita toro jina kallpayoj kanaypaj. Sumajta frescarej aceitewan jawikusaj.+ 11  Ñawisniywan kusisqa rikusaj contrariosniy atipasqa kasqankuta.+ Ninrisniywan uyarisaj noqawan tinkushanku chay sajra runas atipasqa kasqankuta. 12  Cheqan runastajrí, palmera jina tʼikarenqanku,jatunta wiñanqanku Líbano orqospi cedro sachʼas jina.+ 13  Jehová Diospa wasinpi plantasqa kashanku,Diosninchejpa patiosninpi tʼikarinku.+ 14  Machuyaspapis* poqollanqankupuni.+ Kallpayojllapuni* kanqanku, qhallallarenqankutaj+ 15  Jehová Dios cheqan kasqanta willaspa. Paymin pakakunay Chhanka,+ payqa ni jaykʼaj ima sajratapis ruwanchu.

Sutʼinchaykunasnin

Laudqa cuerdasniyoj unay tocana karqa, guitarraman rijchʼakoj.
Chayri “Yuraj umaña kajtinkupis”.
Chayri “Wirallapuni”.