Salmos 91:1-16

  • Diospa pakasqa lugarnenqa pakakunapaj sumaj

    • “Diosqa librasonqa pʼisqosta japʼejpa trampasninmanta” (3)

    • “Lijrasnin urapi pakakunki” (4)

    • Waranqas urmajtinkupis ni ima pasasonqachu (7)

    • Angelesninta kamachenqa cuidasunankupaj (11)

91  Aswan Patapi kaj Diospa pakasqa lugarninpi tiyakojqa,+Tukuy Atiyniyoj Diospa llanthunpi pakakonqa.+   Jehová Diosta nisaj: “Qanmin kanki pakakunay, qanmin kanki sumaj jarkʼachasqa lugarniy.+ Diosníy, qanllapi atienekuni”,+ nispa.   Diosqa librasonqa pʼisqosta japʼejpa trampasninmanta,tukuchej onqoymantapis.   Lijrasninpa* jatuchaj phurusninwan pakaykusonqa. Lijrasnin urapi pakakunki.+ Atienekunapaj jina kasqanqa+ jatun escudo jina+ kanqa, jatun perqa jinataj.   Tutan mancharichikoj imastaqa mana manchikunkichu,+ni pʼunchaypi phawaj flechatapis.+   Mana manchikunkichu laqhapi purej onqoyta,nitaj khuskan pʼunchayta tukuchej onqoytapis.   Waranqa runas ladoykipi urmanqanku,chunka waranqa runastaj paña ladoykipi. Chaywanpis qantaqa ni ima pasasonqachu.+   Chay imastaqa ñawillaykiwan rikunki,sajra runas castigasqa kashajtinku.   Qan nerqanki: “Jehová Diosqa pakakunay”, nispa. Qanqa Aswan Patapi kaj Diospi pakakorqanki.+ 10  Ni ima desgraciapis chamusonqachu,+nitaj ima onqoypis toldoykiman* chimpamonqachu. 11  Diosqa angelesninta+ kamachenqatukuy ñankunasniykipi cuidasunankupaj.+ 12  Angelesqa makisninkupi japʼisonqanku+ama chakisniykita rumiman takakunaykipaj.+ 13  Maltón leonpa patanta purillanki, cobra nisqa katarej patantapis. Kallpasapa leonta sarunki, jatun kataritapis.+ 14  Dios nerqa: “Paytaqa munakuwasqanrayku salvasaj.+ Sutiyta rejsisqanrayku jarkʼasaj.+ 15  Pay qhaparikamuwanqa, noqataj uyarisaj.+ Llakiypi kashajtin paywan khuska kasaj.+ Noqa librasaj, allinpaj qhawachisaj. 16  Unayta kausachispa bendecisaj.+ Salvanaypaj imastachus ruwasqaytapis rikuchisaj”,+ nispa.

Sutʼinchaykunasnin

Lijra: waj lugarespi ninku ala.
Chayri “carpaykiman”.