Salmos 9:1-20

  • Diospa tʼukuna ruwasqasninmanta willakun

    • Jehová Diosqa sumaj pakakuna (9)

    • Diospa sutinta rejsejkunaqa paypi atienekunku (10)

Takichejpaj. Mut-labenman jina* takinapaj. Davidpa takiynin. א [álef] 9  Jehová Diosníy, tukuy sonqoywan jatunchasqayki. Tʼukuna imasta ruwasqaykimantapis willarasaj.+   Maytapuni kusikusaj. Diosníy, qanrayku kusikusaj. Aswan Patapi kaj Diosníy, sutiykita jatunchaspa takisaj.+ ב [bet]   Enemigosneyqa ayqekushajtinku+ñaupaqeykipi urmaspa wañonqanku.   Qanmin noqaman sayasqa kanki, justiciatapis ruwapuwanki. Kamachina tiyanaykipi tiyaykukuspa justiciawan juzganki.+ ג [guímel]   Qanmin nacionesta juchachanki,+ sajra runastapis tukuchinki,sutisninkuta wiñaypaj wiñaynintinpaj chinkachispa.   Enemigosniytaqa wiñaypajña chinkachinki. Diosníy, qanmin llajtasninkuta chinkasqata chinkachinki,nitaj pipis paykunataqa yuyarenqañachu.+ ה [he]   Jehová Diostajrí wiñaypaj kamachenqa kamachina tiyananpi.+ Payqa kamachina tiyananman tiyaykun justiciawan juzgananpaj.+   Diosqa kay jallpʼapi tiyakojkunata justiciawan juzganqa.+ Payqa tukuy nacionesta cheqan kajman jina juzganqa.+ ו [waw]   Jehová Diosqa ñakʼarejkunaj pakakunanku kanqa,+llakiy tiempopi pakakunankupaj.+ 10  Sutiykita rejsejkunaqa qanpi atienekonqanku.+ Jehová Diosníy, qanta maskʼasojkunataqa* ni jaykʼaj saqerparinkichu.+ ז [zayin] 11  Sion orqopi tiyakoj Jehová Diosman takiykunata takiychej. Ruwasqasninmanta tukuy laya* runasman willaychej.+ 12  Diosqa llakiypi kajkunamanta yuyarikonqa, paykunata wañuchejkunawantaj pagachikonqa.+ Payqa mana qonqanqachu yanapata mañakusqankuta.+ ח [jet] 13  Jehová Diosníy, khuyarikuway ari. Qhawarimuy ari, chejniwajkunaqa ñakʼarichishawanku. Qanllamin wañuy patapi kashajtiy librawayta yachanki.+ 14  Chaywanqa tʼukuna ruwasqasniykita willarasaj Sion llajtaj punkusninpi,*+maytataj kusikusaj salvawasqaykimanta.+ ט [tet] 15  Nacionesqa allasqanku tʼoqollamantaj chinkaykunku. Chakisninkutapis pakasqanku chʼipasllapitaj chʼipaykuchikunku.+ 16  Jehová Diosqa rejsisqamin juiciopi nisqanta ruwachisqanrayku.+ Sajra runarí makinpa ruwasqasnillanpitaj chʼipaykukun.+ Higayón.* (Sélah).* י [yod] 17  Sajra runasqa Sepulturaman* chayanqanku. Diosmanta qonqapoj tukuy nacionespis chayllamantaj chayanqanku. 18  Wajchasrí qonqasqa jina kajtinkupis, manapuni qonqasqachu kanqanku.+ Llampʼu sonqoyojkunaj suyakusqankupis juntʼakonqapuni.+ כ [kaf] 19  Jehová Diosníy, sayarikuy. Ama runaqa atipachunchu. Nacionesqa ñaupaqeykipi juzgasqa kachunku.+ 20  Jehová Diosníy, paykunata sinchʼita manchaykuchiy.+ Tukuyninku yachachunku wañoj runaslla kasqankuta. (Sélah).

Sutʼinchaykunasnin

Glosariopi mut-laben nisqata leeriy.
Chayri “sirvisojkunataqa”.
Chayri “tukuy rijchʼaj”.
Chayri “Sionpa warmi wawanpa punkusninpi”.
Glosariopi higayón nisqata leeriy.
Glosariopi sélah nisqata leeriy.
Chayri “Seolman”. Glosariopi sepultura nisqata leeriy.