Salmos 88:1-18
Takiy. Corejpa wawasninpa+ takiynin. Takichejpaj. Mahalat* tonoman jina por turno takinapaj. Ezrahíta Hemanpa+ takiynin. Maskil.*
88 Jehová Diosníy, salvawaj Diosníy,+pʼunchayqa qhaparikamuyki,tutanqa qayllaykamuyki.+
2 Mañakusqayqa ñaupaqeykiman chayamuchun.+
Kʼumuykakamuspa uyarillaway, yanapata mañakuspa qhaparikamushayki.+
3 Kausayneyqa* ñakʼariywan juntʼa kashan.+
Kausayneyqa Sepulturaman* chinkaykunanpaj jinaña kashan.+
4 Pʼampakuna tʼoqoman chayajkunatawan khuskataña yupawanku.+
Mana piniyoj jina kani.*+
5 Wañusqaswan khuska saqerpayasqa jina kani,imaynatachus wañusqas sepulturapi kashanku ajina.
Chay wañusqasmantaqa manaña yuyarikunkichu,nitaj paykunataqa yanaparinkiñachu.
6 Ukhu ukhu tʼoqoman choqaykuwanki,allin laqhaman wijchʼuykuwanki, chinkay ukhu laqhaman.
7 Allin rabiasqa noqapaj kashanki, ñitʼiykushawasqaykita reparani.+
Imaynatachus yaku oqharikuspa qʼajchakun, ajinata ruwasqasniykeqa noqaman qʼajchakamushanku. (Sélah).*
8 Rejsisqasniyta noqamanta ayqechinki.+
Paykunaj millachikunankuta ruwawanki.
Carcelpi jina wisqʼasqa kashani, mana ayqeyta atinichu.
9 Llakisqa kaspa chay jinata waqasqaypi ñawiypis niña ñawichu.+
Jehová Diosníy, tuta pʼunchay qhaparikamuyki,+makisniyta oqharispa qhaparikamuyki.
10 ¿Wañusqaspaj tʼukunastachu ruwawaj?
¿Wañusqas sayarimunkumanchu alabasunankupaj?+ (Sélah).
11 ¿Aya pʼampanapeqa munakuyniykimanta parlankumanchu?
¿Ayas ismushanku chaypeqa* cheqan Dios kasqaykimanta parlankumanchu?
12 ¿Laqhapeqa yachakunmanchu tʼukunasta ruwasqaykeqa?
¿Justiciaykipis yachakunmanchu saqerasqa chʼin lugarespeqa?+
13 Noqatajrí Jehová Diosníy, yanapanawaykipaj qhaparikamuyki.+
Sapa paqarin mañakusqayta ñaupaqeykiman chayachimuni.+
14 Jehová Diosníy, ¿imajtintaj wijchʼuwanki?+
¿Imajtintaj uyaykita pakaykuwanki?+
15 Joven kasqaymantapachallakisqalla kausakuni, wañuy patapi kani.+
Kay jinata ñakʼarinayta saqellanki, imatachus ruwanaytapis niña yachakunichu.
16 Sinchʼi phiñakuyniyki atiykuwan.+
Chay ruwasqasniykiwan sinchʼita mancharichiwaspa wañuykuchishawanki.
17 Chay mancharichiwasqaykeqa tuta pʼunchay yaku jina muyuykuwan.
Tukuy ladomanta muyuykuwaspa jarkʼaykuwan.
18 Amigosniytapis noqawan kajkunatapis ayqechinki.+
Kunanqa laqhallaña amigoyqa.
Sutʼinchaykunasnin
^ Chayri “Mana kallpayoj jina kani”.
