Salmos 8:1-9

  • Diospa jatun kaynin, runaspa allinpaj qhawasqa kayninku

    • “Sutiykeqa may jatunmin” (1, 9)

    • “¿Imataj wañoj runa kasqa?” (4)

    • Diosqa runaman allinpaj qhawasqa kayta coronata jina churaykun (5)

Takichejpaj. Guititman jina* takinapaj. Davidpa takiynin. 8  Señor Jehová Diosniyku, sutiykeqa may jatunmin tukuy jallpʼantinpi. Jatun kayniykitaqa cielomantapis aswan patamanraj churanki.*+   Qanmin enemigosniykiman kallpaykita rikuchinkiwawaspa parlasqankuwan, ñuñushaj wawitaspa parlasqankuwanpis.+ Chaywanqa enemigoykita chʼinyachinki, pichus manchay sajra, churanakusunkitaj chayta.   Makiykiwan* ruwasqasniykita qhawarispa, jinallataj cielota,killata, ruwasqayki estrellastapis qhawarispaqa, noqa nini:+   ¿Imataj wañoj runa kasqa paymanta yuyarikunaykipajri? ¿Imataj runaj wawan kasqa payta cuidanaykipajri?+   Runataqa casi angelesta jina ruwarqanki.* Runamanqa jatun kayta, allinpaj qhawasqa kaytapis coronata jina churaykorqanki.   Makiykiwan ruwasqasniykita runaj mandonman churarqanki.+ Tukuy imata chakisnin uraman churarqanki:   tukuy uywasta, wakasta,kʼita animalesta,+   pʼisqosta, mar qochapi pescadosta,mar qochapi tukuy kausajkunatawan.   Señor Jehová Diosniyku, sutiykeqa may jatunmin tukuy jallpʼantinpi.

Sutʼinchaykunasnin

Glosariopi guitit nisqata leeriy.
Ichá nillanmantaj “Jatun kayniykimantaqa cielomanta aswan patapi willakun”.
Hebreo parlaypeqa nin, “Dedosniykiwan”.
Chayri “Runataqa angelesmanta tumpa menosllata ruwarqanki”.