Salmos 72:1-20
Salomonmanta.
72 Diosníy, reyman leyesniykita rejsichiy.
Reypa wawanmanpis justiciaykita rejsichiy.+
2 Diosníy, pay kamachisniykita justiciawan jarkʼakuchun.
Wajcha kamachisniykitapis justiciawan jarkʼakuchun.+
3 Orqosqa allin kausayta runaspaj apamuchunku.
Lomaspis justiciata apamuchunku.
4 Reyqa wajchasta jarkʼakuchun,wajchaspa wawasninta salvachun,chʼauka runatataj tukuchichun.*+
5 Diosníy, inti kashajtin,killapis kashajtinpaykunaqa yupaychasonqanku wiñaypaj wiñaynintinpaj.+
6 Payqa kʼutusqa pastopaj para jina kanqa,jallpʼata qarpaj chhulla para jina.+
7 Pay kamachishajtenqa cheqan runas tʼikarenqanku.+
Allin kausaytaj wiñaypaj kanqa,+ cielopi killa mana kanankama.
8 Pay kamachenqa ujnin mar qochamantapacha ujnin mar qochakama,Mayumantapacha* jallpʼaj kʼuchusninkama.+
9 Chʼaki jallpʼaspi tiyakojkunaqa reypa ñaupaqenpi kʼumuykukonqanku.
Reyqa enemigosninta atipanqa.+
10 Tarsismanta reyes, yaku chaupipi churusmanta* reyespis regalosta apamonqanku.+
Sabamanta reyes, Sebamanta reyespis regalosta reyman jaywanqanku.+
11 Tukuy reyes paypa ñaupaqenman kʼumuykukonqanku.
Tukuy naciones payta sirvenqanku.
12 Pay pobresta salvanqa yanapata mañakuspa qhaparikojtinku.
Salvallanqataj wajchasta, mana piniyojkunatapis.
13 Payqa mana imayoj runasta, wajchastapis khuyanqa.
Paymin pobresta* salvanqa.
14 Paykunataqa ñakʼarichej runasmanta, sajra runasmantawan salvanqa.
Paykunaj kausayninkoqa* paypa qhawayninpi may valorniyoj kanqa.
15 Reyqa unayta kausachun. Paymanqa Sabamanta qorita qochunku.+
Runasqa mana saykʼuspa Diosmanta paypaj mañapuchunku,tuta pʼunchay jatunchachunku.
16 Jallpʼapeqa ashkha trigo poqonqa.+
Orqo puntaspi trigoqa mana oqhariy atinata poqonqa.
Reypa chajrasnenqa maytapuni poqorenqa, Líbano monte sachʼas jinapuni.+
Llajtaspitaj runasqa may chhika kanqanku jallpʼantinmanta pasto jinapuni.+
17 Sutenqa wiñaypaj kallachunpuni,+inti jina wiñaypaj kallachunpuni.
Runasqa paynejta bendicionta japʼichunku.+
Tukuy nacionestaj kusisqa kasqanta nichunku.
18 Jehová Diosqa jatunchasqa kachun, paymin Israelpa Diosnin.+
Paylla tʼukuna imasta ruwan.+
19 Sumaj sutenqa wiñaypaj jatunchasqa kachun.+
Jatun kaynintaj jallpʼantinman juntʼaykuchun.+
Amén, amén.*
20 Kaypi tukukun Jesejpa wawan David Diosmanta mañakusqanqa.+
Sutʼinchaykunasnin
^ Chayri “engañaj runatataj tukuchichun”.
^ Mayu nispaqa Éufrates mayumanta parlashan.
^ Chayri “islasmanta”.
^ Chayri “wajchaspa kausayninkuta”.
^ Hebreo parlaypeqa nin, “yawarninkoqa”.
