Salmos 7:1-17

  • Jehová Diosqa cheqan Juez

    • “Jehová Diosníy, justiciata ruwapuway” (8)

Davidpa llakiy takiynin. Kaytaqa Jehová Diosman takerqa, Cuspa parlasqanrayku, Cusqa Benjamín ayllumanta* karqa. 7  Jehová Diosníy, qanpi pakakuni.+ Tukuy qhatiykachawajkunamanta libraway ari, salvawaytaj.+   Mana salvawajtiykeqa león jina mitharpariwanqanku,*+ni pi jarkʼakuwajtintaj apakapuwankuman.   Jehová Diosníy, sichus juchayoj kani chayqa,sitajchus ima sajratapis ruwarqani chayqa,   sichus allin kajta ruwapuwarqa chay runa masiypaj mana allin kajta ruwarqani chayqa,+sitajchus qhasillamanta enemigoypa imantapis qhechorqani chayqa,*   ujnin enemigoy qhepaymanta taripamuwaspa japʼiwachun. Pampapitaj wañuchinawankama saruwachun. Ajinamanta kʼumuykachachisqa kanaypaj. (Sélah).*   Jehová Diosníy, sinchʼi phiñakuyniykipi sayarikuy. Phiñasqa enemigosniypa contranta sayaykuy.+ Sayarispa yanapariway, justiciatataj ruwachipuway.+   Muyuyniykipi naciones tantakuchunku. Qanrí patamantapacha paykunata juzganki.   Jehová Diosqa tukuy runasta juzganqa.+ Jehová Diosníy, justiciata ruwapuway cheqan kajta ruwasqayman jina,mana juchayoj kasqayman jinataj.+   Diosníy, kayta mañarikuyki, sajra runaspa ruwasqasninkuta tukuchiy. Cheqan runatarí yanapariy.+ Qanllamin cheqan Diosqa kanki.+ Qanmin runaj sonqontaqa allinta qhawaykunki,*+ sonqon ukhupi imatachus yuyasqantapis.+ 10  Diosmin jarkʼawaj escudoyqa.+ Paymin salvan cheqan sonqoyoj runastaqa.+ 11  Diosmin cheqan Juezqa.+ Diosqa sajra runasta sapa día juchachan. 12  Pillapis sajra ruwaykunasninta mana qonqanchu chayqa,+ Diosqa espadanta filochanqa,+flechana arcontapis* matʼispa wakichenqa.+ 13  Diosqa wañuchej armasninta wakichenqa. Payqa laurarishaj flechasninta wakichenqa.+ 14  Qhawariy sajra imasta yuyaychakoj runata. Payqa mana allin imasta wakichin, chantá llullakun.+ 15  Chay runaqa uj tʼoqota ukhuta allan,chantaqa allasqan tʼoqollamantaj urmaykun.+ 16  Chʼajwasta rikhurichisqanqa payllamantaj chayanqa.+ Abusivo kasqanpis payllapajtaj kanqa. 17  Jehová Diosta jatunchasaj cheqan kayninrayku.+ Jehová Diospa sutinpaj takiykunata takisaj,+ payllamin Aswan Patapi kaj Diosqa.+

Sutʼinchaykunasnin

Uj aylloqa uj familiamanta miraj ashkha familias kanku.
Mithay: waj lugarespi ninku wikhay, tʼisay.
Ichá nillanmantaj “sitajchus qhasillamanta contray karqa chay runata perdonarqani chayqa”.
Glosariopi sélah nisqata leeriy.
Chayri “watunki”.
Flechana arco: waj lugarespi ninku camba flecha.