Salmos 65:1-13

  • Diosqa jallpʼata cuidan

    • “Diosníy, qanmin runaspa mañakusqankuta uyarinki” (2)

    • ‘Kusisqamin runaqa qan ajllajtiyki’ (4)

    • Diosqa manchay kʼacha (11)

Takichejpaj. Davidpa takiynin. Takiy. 65  Diosníy, Sion orqopi+ jatunchasqa kanki. Imatachus qanpaj ruwasaj nisqaykuta ruwasqayku.*+   Diosníy, qanmin runaspa mañakusqankuta uyarinki, qanman tukuy laya* runas jamonqanku.+   Pantasqasneyqa may chhika kanku, manaña noqapichu kani.+ Jinapis Diosníy, qanmin juchasniykuta perdonayta yachanki.+   Kusisqamin runaqa patiosniykipi tiyakunanpaj qan ajllajtiyki,qanmantaj qayllaykojta saqejtiyki.+ Wasiykipi Diosníy, santo temploykipi+ allin imasta japʼisqaykuwansonqo juntʼasqa kasqayku.+   Qanmin mañakusqaykuta uyarispa justiciaman jina tʼukuna imasta ruwanki.+ Diosníy, qanmin salvawayku. Jallpʼantinmanta tukuy runas qanpi atienekunku,+ mar qocha patapi aswan karupi kajkunapis.   Atiyniykiwan orqosta allinta sayacherqanki. May jina atiyniyoj kanki.+   Qanmin mar qochata tiyaykuchinki qhollchoqeyashajtin.+ Qanmin yakuta tiyaykuchinki oqharikuspa qhollchoqeyashajtin, nacionestapis chʼinyachinki chʼajwashajtinku.+   Karu lugarespi tiyakojkunapis tʼukonqanku chay ruwasqasniykimanta.+ Chay ruwasqasniykirayku inti llojsimuynejmanta inti yaykuynejkama tukuy tiyakojkunaqa kusiywan qhaparenqanku.   Qanmin jallpʼata sumajta cuidanki. Sumaj jallpʼaman tukuchinki, sumajta poqochinki.+ Qanmin mayusmanpis yakuta juntʼachinki. Runas mikhunankupajpis qanmin poqochinki.+ Ajinata jallpʼataqa poqonanpaj ruwarqanki. 10  Qanqa surkʼasta joqʼochanki, llankʼasqa jallpʼatapis pampachanki. Jallpʼataqa parawan llampʼuyachinki. Chay jallpʼataqa bendecinki sumajta poqonanpaj.+ 11  Watantinta allin imasta qowayku. Purinki chay ñankunaqa allin imaswan juntʼa kashan.+ 12  Chʼin jallpʼaspi pastoqa qʼomeryarishan.+ Lomaspis may kʼachituta tʼikarishan.+ 13  Pasto pampaspi uywasqa juntʼa karishan. Ura pampaspipis trigoqa pampasta chinkaykurishan.+ Ajinata tukuy jallpʼantin kusisqa karishan, takirishanmanpis jina.+

Sutʼinchaykunasnin

Ruwasqayku: waj lugarespi ninku ruwasajku.
Chayri “tukuy rijchʼaj”.