Salmos 6:1-10

  • Khuyakuyta tarinapaj uj mañakuy

    • Wañusqasqa Diosta mana yupaychankuchu (5)

    • Diosqa kamachisninpa rogakusqankuta uyarin (9)

Takichejpaj. Kay takiytaqa cuerdasniyoj tocanasta waqachispa takina, seminit* templeman jina. Davidpa takiynin. 6  Jehová Diosníy, ama phiñasqa kashaspaqa kʼamiwaychu. Diosníy, ama sinchʼi phiñasqa kashaspaqa jasutʼiwaychu.+   Jehová Diosníy, khuyarikuway ari, kallpayqa tukukapushanña. Jehová Diosníy, sanoyachiway ari,+ tullusneyqa manchariywan kharkatitishan.   Sinchʼi llakisqa kashani.+ Jehová Diosníy, ¿maykʼajkamataj ñakʼarisajri?+   Jehová Diosníy, jamuy ari libranawaykipaj.+ Diosníy, mayta munakuwasqaykirayku salvaway.+   Wañuspaqa niña pipis qanmanta parlanñachu.* ¿Pitaj Sepulturapi* yupaychasonqari?+   Jikʼun jikʼunta waqasqaypi saykʼuniña.+ Tutantin waqasqaypi camaypis chʼaranllaña.* Chay jinata waqasqaypi puñunaypis qochallaña.+   Waqasqaypi ñawiypis niña ñawichu.+ Enemigosniy chay jinata ñakʼarichiwasqankurayku ñawisniypis chharpullaña.   Qankuna sajra imasta ruwajkuna, chinkaychej ñaupaqeymanta. Imaraykuchus Jehová Diosqa waqasqayta uyarenqapuni.+   Jehová Diosqa rogakusqayta uyarenqa.+ Jehová Diosqa mañakusqayta tukuy sonqo uyarenqa. 10  Tukuy enemigosniy pʼenqaypi rikhurenqanku, llakiypitaj. Ujllata pʼenqaypi rikhurispa ayqenqanku.+

Sutʼinchaykunasnin

Glosariopi seminit nisqata leeriy.
Chayri “yuyarikunñachu”.
Chayri “Seolpi”. Glosariopi sepultura nisqata leeriy.
Chʼaran: waj lugarespi ninku chʼata.