Salmos 54:1-7

  • Enemigosnin chaupimanta Diosman qhaparikun

    • “Diosmin noqataqa yanapawan” (4)

Takichejpaj. Kay takiytaqa cuerdasniyoj tocanasta waqachispa takina. Maskil.* Davidpa takiynin. Maypachachus zifeosqa Saulman willaykamorqanku: “Davidqa jallpʼasniykupi pakakushan”, nispa chaypacha.+ 54  Diosníy, sutiykirayku salvaway ari.+ Atiyniykiwan jarkʼakuway ari.+   Diosníy, mañakusqayta uyarillaway ari.+ Parlasusqayta uyarillaway ari.   Enemigosneyqa contrayta oqharikunku. Mana sonqoyoj runas wañuchiwayta munanku.*+ Chay runasqa mana Diosta valechinkuchu.+ (Sélah).*   Diosmin noqataqa yanapawan.+ Noqaman kutisqa kajkunatapis Jehová Dios yanapashan.   Diosqa enemigosniypa millay sajra ruwasqasninkuta paykunallamantaj kutiykuchenqa.+ Diosníy, nisqaykiman jina paykunata tukuchiy.+   Diosníy, tukuy sonqo uywa wañuchisqasta jaywasqayki.+ Jehová Diosníy, sutiykita jatunchasaj chay ruwasqayki sumaj kasqanrayku.+   Diosmin ima llakiypi kashajtiypis librawan.+ Noqaqa kikin ñawisniywan rikusaj enemigosniy urmasqankuta.+

Sutʼinchaykunasnin

Glosariopi maskil nisqata leeriy.
Chayri “almayta maskʼanku”. Glosariopi alma nisqata leeriy.
Glosariopi sélah nisqata leeriy.