Salmos 52:1-9

  • Diospa munakuyninpi atienekuna

    • Sajra imasta ruwasqankumanta runaykachajkunata kʼamin (1-5)

    • Sajra runasqa qhapaj kaynillankupi atienekunku (7)

Takichejpaj. Maskil.* Davidpa takiynin. Edomita Doegqa Saulman willaykamorqa Ahimelecpa wasinman David risqanta.+ 52  Qanrí kallpasapa, ¿imaraykutaj runaykachanki mana allinta ruwasqaykimanta?+ ¿Nichu reparanki Diospa munakuynin mana tukukuyniyoj kasqanta?+   Qalluykeqa filo cuchillo jina.*+ Runata chʼaukiyanaykipajqa* sumajta yuyaychakunki, llullakunkitaj.+   Allin kajta ruwanaykimantaqa, sajra kajta ruwayllamanta wañurinki. Maychus kajta parlanaykimantaqa, llullakunaykipaj churasqa kanki. (Sélah).*   Simiykeqa llullakunanpaj churasqa. Parlasqaykiwan runaspa sonqonta nanachinki. Chaypajqa churasqa kanki.   Chayrayku Diosqa ujllata pampacharpasonqa.+ Ujllata japʼispa toldo wasiykimanta* orqhosonqa.+ Kay jallpʼamanta tʼirasonqa.+ (Sélah).   Cheqan kausayniyoj runastaj chayta rikuspa tʼukonqanku,+qanmanta asikuspataj+ nenqanku:   “Kay runaqa mana Diospi atienekorqachu,+may chhika imasnillanman atienesqa karqa.+ Kay runaqa atienekun sajra imasta yuyaychakusqan allin rinanpi”, nispa.   Noqarí Diospa wasinpi olivo sachʼa jina qhallallarisaj. Noqaqa atienekuni Dios wiñaypaj wiñaynintinpaj munakunawanpi.+   Wiñaypaj wiñaynintinpaj jatunchasqayki yanapawasqaykirayku.+ Ruwasqayki sumaj kasqanraykusutiyki may atiyniyoj kasqanpi atienekusaj,+ qanta kasukojkunaj rikunankuta.

Sutʼinchaykunasnin

Glosariopi maskil nisqata leeriy.
Chayri “filo navaja jina”.
Chayri “engañanaykipajqa”.
Glosariopi sélah nisqata leeriy.
Chayri “carpa wasiykimanta”.