Salmos 49:1-20

  • Wampus kanku qhapaj kayninkuman atienekojkunaqa

    • Ni pipis runa masinta salvayta atinmanchu (7, 8)

    • Diosqa runata kacharichin Sepulturamanta (15)

    • Qhapaj runaqa mana wañuymanta ayqenqachu (16, 17)

Takichejpaj. Corejpa wawasninpa takiynin.+ 49  Tukuy llajtas kayta uyariychej. Mundontinpi tukuy tiyakojkuna allinta uyariychej.   Tukuy laya runas,*wajchapis qhapajpis, tukuyniykichej uyariychej.   Noqaqa yachaywan parlasaj. Yachakonqataj sonqoypi allin yachaywan yuyaychakusqayta.+   Sumaj yachaywan nisqasta* allinta uyarisaj. Arpata tocaspataj mana entiendey atinasta sutʼinchasaj.   Enemigosniy sajra imasta ruwaspa urmachiyta munawajtinkoqa,ni imarayku manchachikusajchu chay llakiypi kaytaqa.+   Qhapajkunaqa qhapaj kayninkuman atienekunku,+maytataj alabakunku tukuy imayoj kasqankumanta.+   Paykunaqa ni mayqenninku uj runallatapis salvayta atinkumanchu. Nitaj ni imatapis Diosman pagayta atinkumanchu uj runaj kausayninraykoqa.+   Chay runasqa qhapaj kaspapis, kausayninkuta salvanankupaj ni imankuwan pagayta atinkumanchu,kausayninkoqa may chhika valen.   Paykunaqa ni imata pagayta atinkumanchu uj runa mana wañuspa wiñaypaj kausananpajqa.+ 10  Paykunaqa yachanku yachayniyoj runaspis wañusqankuta. Mana yuyayniyoj runaspis wampuspis uj rejta wañunku,+tantasqankutataj wajkunapaj saqenku.+ 11  Paykunaqa munanku wasisninku wiñaypaj kananta. Paykunaqa munanku chay tiyakusqanku wasis wiñaypaj wiñaynintinpaj kananta. Jallpʼasninkumanpis sutisninkuta churanku. 12  Jinapis runasqa allinpaj qhawasqa kaspapis wañunku,+animalesmantaqa mana aswan sumajchu kanku, animales jinallataj wañunku.+ 13  Mana yuyayniyojkunaqa kay ñanta japʼirinku,+paykuna parte kajkunapis, pikunachus qhasi manakaj parlasqankuta japʼikunku chaykuna. (Sélah).* 14  Chay runasqa ovejas jina wañuchisqa kanqanku, chantá Sepulturaman* chayanqanku. Wañoyqa chay runasta ovejasta jina michenqa. Sutʼiyamojtenqa cheqan runas paykunata kamachenqanku.+ Paykunaqa chinkasqata chinkaponqanku.+ Sumaj wasisninkupi tiyakunankumantaqa, Sepulturalla*+ wasinku kanqa.+ 15  Noqatataj Dios kacharichiwanqa Sepulturaj* makinmanta.+ Paymin chaymanta orqhowanqa. (Sélah). 16  Ama llakikuychu uj runa qhapajyajtenqa,wasintapis aswan sumajman tukuchejtenqa. 17  Wañuspaqa ni imata apanqachu.+ Ni kapuynintapis apanqachu.+ 18  Kausashaspaqa mayta kusikun qhapaj kasqanmanta.+ Runasqa qhapajyajkunata alabankupuni.+ 19  Jinapis chay runaqa ñaupa tatasnin jina wañullanqataj. Paykunaqa niña ujtawan kʼanchayta rikonqankuñachu. 20  Chayta mana entiendej runasqa allinpaj qhawasqa kaspapis,+animalesmantaqa mana aswan sumajchu kanku, animales jinallataj wañunku.

Sutʼinchaykunasnin

Chayri “Mana kasuy runapis, may rejsisqa runapis”.
Chayri “Uj proverbiota”. Glosariopi proverbio nisqata leeriy.
Glosariopi sélah nisqata leeriy.
Chayri “Seolman”. Glosariopi sepultura nisqata leeriy.
Chayri “Seollla”. Glosariopi sepultura nisqata leeriy.
Chayri “Seolpa”. Glosariopi sepultura nisqata leeriy.