Salmos 3:1-8
Davidpa takiynin, wawan Absalonmanta ayqekushajtin.+
3 Ay Jehová Diosníy, ¿imaraykutaj enemigosniy chay chhikapuni kankuri?+
¿Imaraykutaj chay chhikapuni contrayta oqharikushankuri?+
2 Ashkhas noqapaj parlashanku:
“Diosqa payta mana salvanqachu”,+ nispa. (Sélah).*
3 Qantajrí Jehová Diosníy, muyuyniypi jarkʼawaj escudo jina kanki.+
Qanmin jatunchawanki,+ qanmin kallpachawanki.+
4 Jehová Diosman jatunmanta qhaparikusaj,paytaj parlamuwanqa santo orqonmantapacha.+ (Sélah).
5 Noqaqa winkuykuytawan* puñukapusaj,mana imanasqataj rijchʼarisaj.
Jehová Diosqa yanapawanpuni.+
6 Tropa tropalla jamuspa waranqa waranqas muyuykuwanku,chaykunataqa mana manchachikunichu.+
7 Jehová Diosníy, sayarispa yanapariway. Diosníy, salvaway ari.+
Qanmin tukuy enemigosniyta quijadasninkupi sajmanki.
Qanmin sajraspa kirusninkutapis muchharanki.+
8 Jehová Diosníy, salvacionqa qanllamanta jamun.+
Bendicionniykeqa nacionniyki patapi kashan. (Sélah).
