Salmos 28:1-9

  • Salmistaj mañakusqanta Dios uyarin

    • “Jehová Diosmin kallpayqa, jarkʼakunay escudotaj” (7)

Davidpa takiynin. 28  Jehová Diosníy, qanman qhaparikamuyki. Qanmin kanki pakakunay Chhankaqa.+ Ama mana uyariwajmanqa tukuychu. Chʼinlla kaspa mana parlamuwajtiykeqa,wañusqa runa jinallaña kasaj.+   Yanapata mañakuspa qhaparikamusqayta uyarimullaway ari. Santo wasiykej aswan ukhu kaj cuarton qhawarisqa makisniyta oqharini, qanmanta mañakusunaypaj.+   Ama sajra runastawan khuskataqa chinkachiwaychu. Paykunaqa sajra imasllata ruwanku,+runa masinkutapis kʼachamanta parlapayanku, sonqonkutajrí sajra imaswan juntʼa kashan.+   Paykunamanqa ruwasqankuman jina pagapuy,+chay sajra ruwasqankuman jina qopuy. Makisninkoj ruwasqanman jina pagapuy,chay ruwasqankuman jina qopuy.+   Paykunaqa Jehová Diospa ruwasqasninta mana reparayta munankuchu,+nillataj makisninwan ruwasqasnintapis.+ Chayrayku Diosqa paykunata urmachenqa, manataj sayarichenqachu.   Jehová Diosqa jatunchasqa kachun,yanapata mañakusqayta uyariwasqanrayku.   Jehová Diosmin kallpayqa,+ jarkʼakunay escudotaj.+ Noqaqa paypi atienekuni.*+ Pay yanapawan, sonqoytaj kusisqa kashan. Chayrayku takispa payta jatunchasaj.   Jehová Diosmin llajtanpaj kallpanqa. Payqa sumaj jarkʼachasqa lugar jina, paymin ajllakusqanta salvan.+   Diosníy, llajtaykita salvay, herenciayki kajkunata bendeciy.+ Paykunataqa ovejitasta jina michiy, wiñaypajtaj marqʼarikuspa* apaykachay.+

Sutʼinchaykunasnin

Hebreo parlaypeqa nin, “Sonqoyqa paypi atienekun”.
Chayri “ichurikuspa”.