Salmos 27:1-14
Davidpa takiynin.
27 Jehová Diosqa kʼanchawajniy,+ salvawajniytaj,¿pitá manchikuymanri?+
Jehová Diosqa kausayniyta waqaychan,+¿pitá manchachikuymanri?
2 Sajra enemigosniy wañuchinawankupaj phawaykamuwajtinku,+paykunallataj lluskʼaspa urmanku.
3 May chhika soldadospis contrayta oqharikuspa muyuykuwachunku,mana manchachikusajchu.*+
Guerrapis contrayta jatarichun,Diosllapipuni atienekusaj.
4 Uj imata Jehová Diosmanta mañakuni,chaytapunitaj maskʼasaj.
Jehová Diospa wasinpi kakuyta munani tukuy kausayniypi.+
Ajinamanta imayna kʼachachus Jehová Dios kasqanta reparanaypaj,templontapis jatunpaj qhawanaypaj.*+
5 Llakiy tiempopi Diosqa chʼujllanpi pakaykuwanqa,+sumaj pakasqa toldo wasinpi* pakaykuwanqa.+
Chhankaj pata puntanmantaj churawanqa, enemigosniy mana imananawankupaj.+
6 Chayrayku kunanqa atipani muyuykuwanku chay enemigosniyta.
Kusiywan qhaparirispa Diospa toldo wasinpi uywa wañuchisqata jaywasaj.
Jehová Diosta jatunchaspa takirisaj.
7 Jehová Diosníy, qhaparikamusqayta uyarillaway ari.+
Khuyarikuwaspa uyarimullaway ari.+
8 Sonqoyqa nin: “Qanmin kayta kamachiwarqayku:
‘Noqata maskʼawaychej’, nispa”.
Jehová Diosníy, maskʼasqaykipuni.+
9 Ama noqamanta uyaykita pakaychu.+
Ama kamachiykitaqa phiñakuyniykipi qhesachaychu.
Qanlla yanapawajniy kanki.+
Salvawaj Diosníy, ama wijchʼurpariwaychu, ama sapayta saqerpariwaychu.
10 Tatay mamay saqerpariwajtinkupis,+Jehová Dios uywakapuwanqa.*+
11 Jehová Diosníy, ñanniykita rejsichiway,+cheqan ñanta pusaway enemigosniy mana imananawankupaj.
12 Ama enemigosniyman jaywaykuwaychu,+imaraykuchus llulla testigos contrayta parlashanku,+paykunaqa maqasaj nishawanku.
13 Sichus mana creeymanchu karqa kausashaspallaraj Jehová Diospa kʼacha kayninta rikunayta chayqa,imapichus tukuymanpis karqa.+
14 Jehová Diospipuni atienekuy.+
Kallpachakuy, sinchʼita sayallaypuni.+
Jehová Diospipuni atienekuy.
Sutʼinchaykunasnin
^ Hebreo parlaypeqa nin, “sonqoyqa mana manchachikonqachu”.
^ Chayri “templontapis tʼukuspa qhawanaypaj”.
^ Chayri “carpa wasinpi”.
^ Chayri “Jehová Diosqa mana saqerpariwanqachu”.
