Salmos 26:1-12

  • “Mana juchachana kausakuni”

    • “Jehová Diosníy, allinta sonqoyta qhawaykuriway” (2)

    • Sajra runaswanqa mana khuskachakunachu (4, 5)

    • “Diosníy, altarniykita muyuykusaj” (6)

Davidpa takiynin. 26  Jehová Diosníy, justiciata ruwapuway ari, noqaqa mana juchachana kausakuni.+ Noqaqa mana iskayrayaspa Jehová Diospipuni atienekuni.+   Jehová Diosníy, allinta sonqoyta qhawaykuriway, imaynachus kasqaytapis tanteariway. Sonqoyta, sonqoy ukhupi yuyasqaytapis llimphuchaway.*+   Diosníy, munakuwasqaykita yuyarikuspa,cheqan ñanniykita purini.+   Mana llulla runaswanqa purinichu.+ Puraj uya runasmantapis karunchakuni.*   Juchasapa runaswan masichakuytaqa nipuni allinpajchu qhawani.+ Ni imarayku sajra runaswanqa purinichu.*+   Mana juchayoj kasqayta rikuchinaypaj makisniyta mayllakusaj. Jehová Diosníy, altarniykita* muyuykusaj,   jatunmanta “gracias” nisunaypaj,+ tʼukuna ruwasqasniykitapis willanaypaj.   Jehová Diosníy, tiyakusqayki wasitaqa mayta munakuni.*+ Jatun kʼanchayniyki lliphipirishan chay lugartaqa mayta munakuni.+   Ama juchasapastawan khuskataqa chinkachiwaychu.+ Ama runa wañuchistawan khuskataqa wañuchiwaychu. 10  Chay runaspa makisninkoqa millay ruwaykunawan juntʼa kashan. Paykunaqa llukʼichikuymanta mayta wañurishanku.* 11  Noqatajrí mana juchachana kausakusaj. Diosníy, salvaway ari. Diosníy, khuyarikuway ari. 12  Sumaj pampapi sayashani mana urmanaypaj jina.+ Ashkha tantasqa runas* ukhupi Jehová Diosta yupaychasaj.+

Sutʼinchaykunasnin

Hebreo parlaypi llimphuchay palabraqa oqharikun metalta unuyachispa chʼuwachanamanta parlanapaj.
Chayri “Mana puraj uya runaswanqa masichakunichu”.
Hebreo parlaypeqa nin, “tiyaykukunichu”.
Glosariopi altar nisqata leeriy.
Chayri “tiyakusqayki waseqa noqapaj munasqa”.
Chayri “Paykunaqa wajkunata llukʼiykuymanta wañurishanku”. Llukʼiy: waj lugarespi ninku coimeay.
Chayri “Congregación”.