Salmos 20:1-9
-
Diospa ajllasqan reypaj salvación tiyan
-
Wakenqa carretaspi, caballospi atienekunku, noqanchejrí Jehová Diosninchejpa sutinta oqharinchej (7)
-
Takichejpaj. Davidpa takiynin.
20 Jehová Diosqa llakiy pʼunchaypi kashajtiyki mañakusqaykita uyarichun.
Jacobpa Diosnin jarkʼasuchun, paypa sutinta oqharisqaykirayku.+
2 Diosqa santo lugarninmantapacha yanapata kachaykamusuchun.+
Sionmantapacha kallpachamusuchun.+
3 Diosqa tukuy jaywanasta qosqaykita yuyarikuchun.
Tukuy sonqo japʼikuchun* qʼolachina* ofrendaykita. (Sélah).*
4 Sonqoykej munasqanta qosuchun.+
Yanapasuchuntaj imatachus ruwayta munasqaykipi allin risunanpaj.
5 Kusisqa qhaparisqayku* enemigosniykita atipaspa salvawasqaykumanta.+
Diosninchejpa sutinta jatunchasqayku.+
Jehová Diosqa juntʼachun tukuy mañakusqaykita.
6 Kunanqa allinta yachani Jehová Diosqa ajllakusqanta salvasqanta.+
Diosqa paypa mañakusqanta santo cielonmantapacha kutichimun,may atiyniyoj paña makinwantaj salvan.*+
7 Wakenqa carretasninkupi atienekunku, wakintaj caballosninkupi atienekunku.+
Noqanchejrí Jehová Diosninchejpa sutinta oqharispa yanapata mañakunchej.+
8 Enemigosninchejqa lluskʼaspa urmanku.
Noqanchejrí sayariytawan sinchʼillatapuni sayanchej.+
9 Jehová Diosníy, reyta salvay.+
Diosqa* yanapawasun paymanta yanapata mañakusqanchej pʼunchaypi.+
Sutʼinchaykunasnin
^ Hebreo parlaypeqa nin, “Wirata jina qhawachun”.
^ Chayri “ruphachina”.
^ Qhaparisqayku: waj lugarespi ninku qhaparisajku.
^ Chayri “atipan”.
^ Ichá nillanmantaj “Reyqa”.
