Salmos 2:1-12

  • Jehová Diosmanta ajllasqanmantawan

    • Jehová Diosqa nacionesmanta asikun (4)

    • Jehová Diosqa ajllakusqan reyta churan (6)

    • “Diospa wawanta jatunchaychej” (12)

2  ¿Imajtintaj naciones chʼajwashankuri? ¿Imajtintaj runaspis manakajta thutushankuri?+   Jallpʼapi kaj reyesqa maqanakupaj wakichikunku,kuraj autoridadespis ujchaykukuspa uj runa jinalla oqharikunku+Jehová Diospa contranta, ajllakusqanpa contrantawan.*+   Paykunaqa ninku: “Watawarqanchej chay cadenasninta pʼitirana,*waskhasnintapis phaskarakuspa choqana”, nispa.   Cielopi kamachej Reyqa asiykukonqa. Jehová Diosqa paykunata asipayanqa.   Jaqay tiempopi Diosqa sinchʼi phiñakuyninpi paykunawan parlanqa. Sinchʼi kʼajaj phiñakuyninwan paykunata mancharichenqa,   kay jinata nispa: “Noqamin reyniyta churani+Sion orqopi,+ santo orqoypi”, nispa.   Jehová Diospa nisqanta* willasaj. Pay niwarqa: “Qanmin waway kanki,+kunanmanta jaqaymanqa tatayki kasaj.+   Mañakullaway, noqataj nacionesta herenciata jina qopusqayki,jallpʼatapis tukuyninta qopusqayki.+   Qanmin fierro varawan chay nacionesta pʼakiranki,+tʼuru mankasta jina phiriranki”,+ nispa. 10  Chayrayku reyes, kunanqa yachayniyoj kasqaykichej yachakuchun. Jallpʼapi kaj jueces, qankunapis kʼamichikusqaykichejta japʼikuychej. 11  Jehová Diosta sirviychej payta manchachikuspa. Kusikuychej payta jatunpaj qhawaspa. 12  Diospa wawanta jatunchaychej.*+ Pajtataj Diosqa phiñakuspakausay ñanmanta chinkachisunkichejman.+ Imajtinchus payqa ujllata sinchʼita phiñakun. Kusisqamin kanku Diospi tukuy pakakojkunaqa.

Sutʼinchaykunasnin

Chayri “Cristonpa contrantawan”.
Pʼitiy: waj lugarespi ninku tʼipiy.
Hebreo parlaypeqa nin, “kamachisqanta”.
Hebreo parlaypeqa nin, “muchʼaychej”.