Salmos 147:1-20
147 Jehová* Diosta jatunchaychej.*
Diosninchejpaj alabanzasta takiripoyqa sumajpuni.
Payta jatunchayqa may walejpuni, maychus kajtaj.+
2 Jehová Diosqa Jerusalenta sayarichishan.+
Payqa chʼeqerasqa* israelitasta tantan.+
3 Sonqo pʼakisqa runasta sanoyachin,nanasqasninkuta jampispa vendaykun.
4 Diosqa yachan mashkha estrellaschus kasqanta,sapa ujninkuta sutinkumanta wajyan.+
5 Señorninchejqa manchay tʼukuna, sinchʼi atiyniyojtaj,+yachayninpis mana tukukuyniyoj.+
6 Jehová Diosqa sayarichin llampʼu sonqo runasta,+sajra runastarí pampaman wijchʼun.
7 Jehová Diospaj takiriychej graciasta qospa.
Diosninchejpaj alabanzasta takiriychej arpata tocarispa.
8 Paymin cielosta phuyuykuchin.
Paymin parawan jallpʼata qarpan.+
Paymin orqospi pastota wiñachin.+
9 Paymin animalesman mikhunata qon,+qharqaña irpas yarqhaymanta waqajtinku mikhunata qon.+
10 Diosqa mana tʼukunchu caballoj kallpanmanta,+nillataj tʼukunchu uj runaj chakisnin may kallpayoj kasqanmantapis.+
11 Jehová Diosqa sonqo juntʼasqa kashan payta manchachikojkunawan,+munakuyninpi atienekojkunawanpis.+
12 Jerusalén, Jehová Diosta jatunchay.
Sion, Diosniykita yupaychay.
13 Paymin llajta punkusniykej barrasninta sinchʼiyachin.
Wawasniykitapis llajtayki ukhupi bendecin.
14 Paymin allin kausayta apamun tukuynin jallpʼasniykiman.+
Paymin sumajnin trigowan sajsachisunki.+
15 Payqa kamachisqan leyta jallpʼaman kachamun.
Palabranqa ima jina kachaykukun.
16 Payqa ritʼita parachimun millmata jina,+escarchatapis qhallamun* ushphata jina.+
17 Payqa granizonta tʼakaykamun parti tʼantasta jina.+
¿Pitaj chay chirita aguantanmanri?+
18 Pay kamachejtin chhullunkas chullurpanku.
Payqa wayrata phukuchimun,+ yakustaj puririnku.
19 Payqa Jacobman palabranta willan.
Leyesninta, kamachisqasnintapis Israelman willan.+
20 Diosqa mana waj nacioneswan chayta ruwarqachu.+
Chay waj nacionesqa mana paypa leyesninta ni imaynitata rejsinkuchu.
Jehová* Diosta jatunchaychej.*+
Sutʼinchaykunasnin
^ Hebreo parlaypeqa nin, “Jah”. Jah suteqa pisi letrasllapi Jehová niyta munan.
^ Chayri “Aleluya”.
^ Chʼeqeray: waj lugarespi ninku tʼaqaray.
^ Qhallay: waj lugarespi ninku qhalliy.
^ Hebreo parlaypeqa nin, “Jah”. Jah suteqa pisi letrasllapi Jehová niyta munan.
^ Chayri “Aleluya”.
