Salmos 145:1-21
Davidpa takisqan alabanza.
א [álef]
145 Diosníy, Reyníy, qanta jatunchasqayki.+
Sutiykita jatunchasaj wiñaypaj wiñaynintinpaj.+
ב [bet]
2 Tuta pʼunchay jatunchasqayki.+
Sutiykita jatunchasaj wiñaypaj wiñaynintinpaj.+
ג [guímel]
3 Jehová Diosqa may jatun, paylla tukuy imamantapis jatunchanapaj jina.+
Jatun kaynenqa mana yachay atina.+
ד [dálet]
4 Kay tiempo runaspis, qhepaman jamoj runaspis ruwasqasniykita rikuspa jatunchasonqanku,jatun atiyniykiwan ruwasqasniykimanta parlanqanku.+
ה [he]
5 May tʼukuna jatun kayniykimanta parlanqanku.+
Noqataj may tʼukuna ruwasqasniykipi tʼukurisaj.
ו [waw]
6 Paykunaqa tʼukuna ruwasqasniykimanta parlanqanku.
Noqataj jatun kayniykimanta parlasaj.
ז [zayin]
7 Paykunaqa manchay kʼacha kasqaykita yuyarikuspa mayta jatunchasonqanku.+
Justiciaykirayku paykunaqa kusiymanta qhaparenqanku.+
ח [jet]
8 Jehová Diosqa kʼacha sonqoyoj,* khuyakuyniyoj,+pacienciayoj,* jatun munakuyniyojtaj.+
ט [tet]
9 Jehová Diosqa tukuywan kʼacha,+khuyakuynenqa tukuy ruwasqasninpi sutʼi rikukun.
י [yod]
10 Jehová Diosníy, tukuy ruwasqasniyki qanta jatunchasonqanku.+
Kasusojkunaqa qanta jatunchasonqanku.+
כ [kaf]
11 Paykunaqa sumaj gobiernoykimanta willanqanku,+jatun atiyniykimantapis parlanqanku.+
ל [lámed]
12 Ajinamanta runasman rejsichenqanku atiyniyoj ruwasqasniykita,+may sumaj gobiernoykitapis.+
מ [mem]
13 Gobiernoykeqa wiñaypaj gobierno,gobiernoykeqa wiñaypaj wiñaynintinpaj kallanqapuni.+
ס [sámekh]
14 Jehová Diosqa tukuy urmajkunata yanapan,+ñakʼarejkunatapis oqharin.+
ע [ayin]
15 Diosníy, tukuy runas yanapanaykita suyakunku,paykunamanqa tiemponpi mikhunankuta qonki.+
פ [pe]
16 Qanmin makiykita kicharispatukuy runasman, tukuy animalesmanpis munasqankuta qonki.+
צ [sadé]
17 Jehová Diospa tukuy ñankunasnenqa cheqan kanku,+atienekunapaj jina kasqanqa tukuy ima ruwasqanpi yachakun.+
ק [qof]
18 Jehová Diosqa pikunachus payman qhaparikunku chaykunaj qayllankupi kashan,+pikunachus paymanta tukuy sonqo mañakunku chaykunaj qayllankupi kashan.+
ר [resh]
19 Diosqa payta manchachikojkunaman munasqankuta qon,+yanapata mañakuspa qhaparikusqankuta uyarin, salvantaj.+
ש [shin]
20 Jehová Diosqa payta munakojkunata tukuyninkuta cuidan,+sajra runastarí tukuyninkuta tukuchenqa.+
ת [taw]
21 Noqaqa Jehová Diosta jatunchasaj.*+
Tukuy runasqa Diospa santo sutinta jatunchachunku wiñaypaj wiñaynintinpaj.+
Sutʼinchaykunasnin
^ Kʼacha sonqoyoj: waj lugarespi ninku jatun sonqoyoj.
^ Chayri “mana usqhayllata phiñarparikoj”.
^ Hebreo parlaypeqa nin, “Simeyqa Jehová Diosta jatunchanqa”.
