Salmos 14:1-7

  • Mana yuyayniyoj runasmanta

    • “Mana Jehová Diosqa kanchu” (1)

    • “Ni pipis allin kajtaqa ruwanchu” (3)

Takichejpaj. Davidpa takiynin. 14  Mana yuyayniyoj runasqa* sonqonkupi ninku: “Mana Jehová Diosqa kanchu”,+ nispa. Paykunaqa sajra imasta ruwanku, ruwasqasninkoqa manchay millachikunapaj jina. Ni pipis allin kajtaqa ruwanchu.+   Jehová Diostajrí cielomantapacha runasta qhawamushan,uj yachayniyoj runallatapis rikunanpaj, Jehová Diosta maskʼaj uj runallatapis rikunanpaj.+   Tukuyninku sajra ñanta japʼirinku.+ Tukuyninku sajra imasllata ruwanku. Ni pipis allin kajtaqa ruwanchu,nipuni ujllapis.   ¿Nichu ujnillankupis chay sajra runasmantaqa entiendenku?* Paykunaqa llajta masisniyta mana khuyarispa ñakʼarichinku.* Jehová Diosmanpis mana qhaparikunkuchu.   Chay sajra runasqa sinchʼitapuni mancharikonqanku,+Jehová Dios cheqan runaswan kasqanrayku.   Qankuna sajra runasqa, wajcha runaj yuyaychakusqanta pantachiyta munashankichej. Chay wajcha runatajrí Jehová Diospi pakakun.+   Israelpa salvacionnenqa Sionmanta chayamuchun.+ Jehová Dios presochasqa llajtanta kacharichispa pusakanpojtin,Jacobqa mayta kusikuchun, chaypacha Israelqa mayta kusikuchun.

Sutʼinchaykunasnin

Chayri “Wampu runasqa”.
Chayri “reparakunku”.
Hebreo parlaypeqa nin, “Paykunaqa llajta masisniyta oqoykushanku, tʼantatapis mikhushankuman jina”.