Salmos 135:1-21

  • Jehová Diosta jatunchaychej manchay tʼukuna kasqanrayku

    • Señalesta, milagrostawan Egiptoj contranta ruwarqa (8, 9)

    • “Sutiykeqa wiñaypaj wiñaynintinpaj kallanqapuni” (13)

    • Mana kausayniyoj santos (15-18)

135  Jehová* Diosta jatunchaychej.* Jehová Diospa sutinta jatunchaychej. Jehová Diospa kamachisnin kajkuna, payta jatunchaychej.+   Qankuna Jehová Diospa wasinpi sirvejkuna,Diosninchejpa wasi patiosninpi sirvejkuna,+   Jehová* Diosta jatunchaychej, Jehová Dios kʼacha kasqanrayku.+ Sutinta jatunchaspa takiychej, sutin may sumaj kasqanrayku.   Jehová* Diosqa Jacobta ajllakun paypata kananpaj.+ Israelta ajllakun sumaj nacionnin kananpaj.   Allinta yachani Jehová Diosqa may jatun kasqanta.+ Señorninchejqa tukuy dioskunamanta aswan jatun.   Jehová Diosqa imatachá munan chay tukuy imata ruwan,+cielopipis, jallpʼapipis, mar qochaspipis, mar qocha ukhuspipis.   Diosqa jallpʼaj kʼuchusninmantapacha phuyusta rikhurichin.* Paratawan khuska rayosta kachaykamun. Wayratapis waqaychasninmanta orqhomun.+   Egiptopi wañuracherqakuraj wawasta, animalespa ñaupaj kaj uñasninkutapis.+   Diosqa señalesta, milagrostawan Egiptopi ruwarqa+faraonpa* contranta, kamachisninpa contrantapis.+ 10  Ashkha nacionesta tukucherqa.+ Atiyniyoj reyesta wañuracherqa.+ 11  Amorreospa reyninku Sehonta wañucherqa,+Basanmanta rey Ogtapis wañuchillarqataj.+ Canaán jallpʼasmanta tukuy gobiernosta tukucherqa. 12  Paykunaj jallpʼasninkutaqa herenciata jina qoporqa,Israel nacionninman herenciata jina qoporqa.+ 13  Jehová Diosníy, sutiykeqa wiñaypaj wiñaynintinpaj kallanqapuni. Jehová Diosníy, may rejsisqa kasqaykeqa* wiñaypaj wiñaynintinpaj kanqa.+ 14  Jehová Diosqa nacionninta jarkʼakonqa,+payqa kamachisninta khuyakonqa.+ 15  Nacionespa santosninkoqa qolqellamanta, qorillamanta ruwasqa kanku. Runaj ruwasqallan kanku.+ 16  Simiyoj kanku nitaj parlankuchu.+ Ñawisniyoj kanku nitaj rikunkuchu. 17  Ninrisniyoj kanku nitaj uyarinkuchu. Siminkupitaj ni ima samaypis kanchu.+ 18  Chay santosta ruwajkunaqa chay santos jinallataj kanqanku.+ Chay santospi atienekojkunapis chay santos jinallataj kanqanku.+ 19  Israel nación, Jehová Diosta jatunchaychej. Aaronpa familianmanta kajkuna, Jehová Diosta jatunchaychej. 20  Levijpa familianmanta kajkuna, Jehová Diosta jatunchaychej.+ Qankuna Jehová Diosta manchachikojkuna, Jehová Diosta jatunchaychej. 21  Jehová Diosqa Sionmantapacha jatunchasqa kachun,+payqa Jerusalenpi tiyakushan.+ Jehová* Diosta jatunchaychej.+

Sutʼinchaykunasnin

Hebreo parlaypeqa nin, “Jah”. Jah suteqa pisi letrasllapi Jehová niyta munan.
Chayri “Aleluya”.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Hebreo parlaypeqa nin, “Jah”. Jah suteqa pisi letrasllapi Jehová niyta munan.
Chayri “yaku vausita oqharichin”.
Faraonqa mana sutichu, manaqa Egiptomanta reyesta faraón nej kanku.
Chayri “sutiykeqa”.
Hebreo parlaypeqa nin, “Jah”. Jah suteqa pisi letrasllapi Jehová niyta munan.