Salmos 122:1-9

  • Uj mañakuy Jerusalenpi allin kausay kananpaj

    • Jehová Diospa wasinman reyqa jatun kusiy (1)

    • Jerusalenqa ujllapis kanman jina sumaj ujchasqa (3)

Llajtaman wicharinapaj takiy.* Davidpa takiynin. 122  Kusikorqani niwajtinku: “Jaku rinachej Jehová Diospa wasinman”,+ nispa.   Jerusalén, kunanqa chayamuykuña,punkusniykita yaykumuspa kaypiña kashayku.+   Jerusalenqa sumaj ruwasqa llajta,ujllapis kanman jina sumaj ujchasqa kashan.+   Jerusalenmanqa ayllus* wicharinku,Jehová* Diospa ayllusnin wicharinku,Israelman kamachisqa kasqanman jina,Jehová Diospa sutinta jatunchanankupaj.+   Chaypeqa kamachina tiyanas churasqa karqa juzganankupaj.+ Chay kamachina tiyanasqa churasqa karqa Davidpa wawasninpaj.+   Jerusalenpi allin kausay kananpaj mañakuychej.+ Jerusalén llajta, qanta munakusojkunaqa mana manchachikuspa tiyakonqanku.   Sumaj ruwasqa perqasniyki ukhupeqa allin kausay kachun. Sumaj ruwasqa torresniyki ukhupi tiyakojkunaqa ni imata manchachikuspa tiyakuchunku.   Hermanosniyta, compañerosniyta munakuspa nisaj: “Jerusalén llajta, qanpeqa allin kausay kachun”, nispa.   Jehová Diosninchejpa wasinta munakusqayrayku,+qanpaj Jerusalén allin kajta mañapusqayki.

Sutʼinchaykunasnin

Glosariopi llajtaman wicharinapaj takiy nisqata leeriy.
Uj aylloqa uj familiamanta miraj ashkha familias kanku.
Hebreo parlaypeqa nin, “Jah”. Jah suteqa pisi letrasllapi Jehová niyta munan.