Proverbios 29:1-27
29 Uj runata manchayta kʼamishajtinkupis kʼullukojtenqa,*+ujllata mana allinman chayanqa, nitaj kutirikuytapis atenqañachu.+
2 Cheqan runas ashkha kajtinku runasqa kusikunku.
Sajra runa kamachejtintaj runasqa llakiyllata kausakunku.+
3 Pichus yachayniyoj kayta munakojqa tatanta kusichin.+
Khuchi warmiswan* purej runataj qolqenta wayrachin.+
4 Reyqa justiciawan uj nacionta allinta sayachin.+
Llukʼichikuyllata* munaj runataj nacionta mana allinman chayachin.
5 Runa masinta llunkʼukoj runaqa,runa masinpa chakisninman trampata churaykushan.*+
6 Sajra runataqa juchasnillantaj chʼipaykonqa,+cheqan runataj kusisqa qhaparirenqa, sonqo juntʼasqataj kanqa.+
7 Cheqan runaqa pobrespaj justicia kananpaj purin,*+sajra runamantaj mana chayqa importanchu.+
8 Runaykachaj runasqa llajtapi chʼajwata jatarichinku.+
Yachayniyoj runastajrí phiñanakusta thasnunku.+
9 Uj yachayniyoj runa wampu runawan demandanakunku chayqa,chʼajwalla kanqa, asikuylla kanqa, nitaj ima allinpis kanqachu.+
10 Runa wañuchisqa chejnikunku mana juchayoj runata,+chay runasqa cheqan runata maskʼanku wañuchinankupaj.
11 Mana yuyayniyoj runaqa rabianwan atipachikuspa imatapis ruwarpallan,+yachayniyoj runataj mana phiñakullanchu, kakullan.+
12 Uj kamachej runa llulleriosta creejtin,tukuy kamachisnenqa mana allin imasta ruwanqanku.+
13 Wajcha runapis, ñakʼarichej runapis uj imapi kikillan kanku:
Iskayninkuman Jehová Diosqa kausayta qon.
14 Uj rey wajchaspaj justiciata ruwajtin,+gobiernonqa sinchʼita sayanqa.+
15 Varapis, kʼamiypis allin yachayta qon.+
Uj wawata ni imata nejtinkutaj mamanta pʼenqaypi rikhurichin.
16 Sajra runas mirajtinku, mana allin ruwaykunapis yapakullantaj,cheqan runastajrí rikonqanku chay sajra runas urmasqankuta.+
17 Wawaykita kʼamiy,* paytaj samarichisonqa,sonqoykitapis juntʼanqa.+
18 Diospa yanapaynin mana kajtenqa runasqa imastapis ruwaykullanku.+
Leyta kasukojkunataj kusisqa kanku.+
19 Uj kamachi runaqa qhasillata kʼamichikun,entiendeshaspapis mana kasukunchu.+
20 ¿Rejsinkichu imatapis parlarpallaj runata?+
Wampu runaraj cambiayta atinman chay runamanta nisqaqa.+
21 Sichus uj kamachita wawamantapacha lulunku* chayqa,jatunyaspaqa malagradecido kanqa.
22 Usqhayllata phiñarpakoj runaqa chʼajwasta rikhurichin.+
Imallamantapis phiñakuyman yachasqa runaqa ashkha kutista pantan.+
23 Runataqa runaykachasqallantaj kʼumuykachachenqa.+
Kʼumuykukoj sonqoyoj runataj allinpaj qhawasqa kanqa.+
24 Suwa runawan purejqa pay kikinta chejnikun.
Testigosta declaranankupaj wajyashajtinkupis payqa mana declaraj rinchu.+
25 Runasta manchachikoyqa uj trampa.+
Jehová Diospi atienekojtaj jarkʼasqa kanqa.+
26 Ashkha runas uj kamachejwan parlayta munanku justiciata ruwananpaj,jinapis Jehová Dioslla runapajqa justiciata ruwan.+
27 Cheqan runaqa chejnikun mana allin imasta ruwaj runata.+
Sajra runataj chejnikun cheqan kausayniyoj runata.+
Sutʼinchaykunasnin
^ Chayri “terco kajtenqa”.
^ Khuchi warmi nispaqa parlashan qhariswan puñuykoj warmimanta, astawanqa qolqerayku.
^ Llukʼiy: waj lugarespi ninku coima.
^ Chayri “chakisninpaj chʼipata churaykushan”.
^ Chayri “pobrespa derechosninrayku purin”.
^ Chayri “castigay”.
^ Luluy: waj lugarespi ninku wawachay.
