Josué 18:1-28

  • Jallpʼata Silopi partikun (1-10)

  • Benjaminpa herencia jallpʼan (11-28)

18  Jallpʼasta japʼikapusqankumantaña+ tukuy israelitas Silopi+ tantakorqanku, chaypitaj Dioswan tinkukuna toldota sayaricherqanku.+  Chaywanpis israelitasmanta qanchis ayllusqa* manaraj herencia jallpʼasninkuta partinakusqankuchu.  Chayrayku Josueqa israelitasman nerqa: “¿Imatá suyashankichej ñaupa tatasniykichejpa Diosnin Jehová qosunkichej chay jallpʼasta mana usqhayta japʼikapunaykichejpajri?+  Sapa ayllumanta kinsa qharista pusamuwaychej chay jallpʼasta qhawajta kachanaypaj. Paykunaqa mapasta ruwamonqanku* herencia jallpʼasninkuta partinakunankupaj. Chantá chay qharisqa noqaman kutimuwanqanku.  Jallpʼataqa qanchisman tʼaqamonqanku.+ Sur ladopi* Judaj jallpʼantaqa pachallanta saqeponqanku,+ norte ladopi* Josejpa mirayninmanta kajkunaj jallpʼankutapis pachallanta saqeponqanku.+  Chay waj jallpʼasta qanchisman tʼaqaspa mapasta ruwamuychej, chaytataj noqaman apamuwankichej. Noqataj kaypi suerteta* choqapusqaykichej+ Jehová Diosninchejpa ñaupaqenpi.  Levitastajrí qankuna ukhupi mana ima jallpʼatapis japʼinkuchu,+ paykunaj herenciankoqa Jehová Diospa sacerdotesnin kay.+ Gad aylluwan, Rubén aylluwan, Manasespa khuskan ayllunwanqa,+ ñapis herencia jallpʼata japʼikunkuña Jordán mayoj inti llojsimuynin ladopi. Chay jallpʼastaqa qorqa Jehová Diospa kamachin Moisés”, nispa.  Chantá chay qharisqa rinankupaj wakichikorqanku. Josuetaj kachashaspa paykunata kamacherqa: “Rispa chay jallpʼasta qhawamuychej, mapastataj ruwamuychej. Chaymantaqa noqaman kutimuwankichej. Noqataj kay Silopi suerteta choqapusqaykichej Jehová Diospa ñaupaqenpi”,+ nispa.  Chay qharisqa chay jallpʼasta qhawamuspa mapasta ruwamorqanku, jallpʼata qanchisman tʼaqaspa, mashkha llajtaschus chaypi kasqanman jina. Tukuy chaytaqa uj libropi anotarqanku. Chaymantataj Josueman kutimorqanku, Siló campamentoman.* 10  Josuetaj Silopi paykunapaj suerteta choqarqa Jehová Diospa ñaupaqenpi.+ Chaypi Josueqa israelitasman jallpʼata partiporqa, qanchis ayllusman.+ 11  Ñaupajta suerteqa chayarqa Benjamín ayllumanta familiasman. Paykunamanqa tocarqa Judaj mirayninpatawan+ Josej mirayninpatawan+ jallpʼanku chaupipi. 12  Norte ladoman Benjaminpa lindenqa* qallarerqa Jordán mayumanta. Chaymantataj wicharerqa Jericoj+ norte lado kinrayninman,* chantá wicharerqa inti yaykuy ladopi orqoman, chaymantataj rerqa Bet-Aven+ chʼin jallpʼakama. 13  Chaymanta lindeqa rerqa Luzman, Luzpa sur lado kinrayninman, nisunman Betelpa+ kinrayninman. Chaymantataj Atarot-Addarman+ uraykorqa, Ura Bet-Horonpa+ sur ladonpi kashan chay orqonta. 14  Chaymantaqa inti yaykuy ladoman lindeñataj qallarerqa sur ladoman muyuykuspa, Bet-Horonpa sur ladonpi kashan chay orqomantapacha. Tukukorqataj Quiryat-Baalpi, nisunman Quiryat-Jearimpi,+ chay llajtaqa karqa Judá ayllojta. Chaymin karqa inti yaykuy ladoman lindeqa. 15  Sur ladoman lindeqa qallarerqa Quiryat-Jearim kantupi. Chaymantataj rerqa inti yaykuy ladoman, Neftóah yaku juturiskama.+ 16  Chaymantaqa uraykorqa Hinón wayqʼo*+ qhawarisqa kashan chay orqo kʼuchuman, chayqa kashan Refaím+ ura pampaspa norte ladonpi. Chaymantaqa uraykorqa Hinón wayqʼoman, jebuseospa+ llajtankoj kinrayninpa ura ladonman. Chaymantataj uraykorqa En-Roguelman.+ 17  Chantaqa norte ladoman rerqa, chayarqataj En-Semeskama, Guelilotkama ima, chayqa kashan Adumim+ wichay chimpapi. Chantá uraykorqa Bohán nisqa rumikama.+ Bohanqa Rubenpa wawan karqa.+ 18  Chaymantaqa rerqa Arabá chimpapi lomaspa kinrayninpa norte ladonta. Chaymantataj uraykorqa Arabaman. 19  Chantá rillarqapuni Bet-Hoglaj+ norte lado kinrayninta, tukukorqataj Kachi qocha*+ kantupi, norte ladonpi, Jordán mayoj sur ladonpi, maypichus chay mayu tukukun chaypi. Chaymin karqa sur ladoman lindeqa. 20  Inti llojsimuy ladoman lindeqa Jordán mayu karqa. Chaymin karqa Benjaminmanta miraj familiaspa lindesninku, herencia jallpʼasninkoj muyuynintinpi. 21  Benjamín ayllumanta familiaspa llajtasninkoqa kaykuna karqa: Jericó, Bet-Hoglá, Émec-Queziz, 22  Bet-Arabá,+ Zemaraim, Betel,+ 23  Avim, Pará, Ofrá, 24  Kefar-Amoní, Ofní, Gueba+ ima. Chaykuna karqanku 12 llajtas, ranchosnintin. 25  Chantá kallarqataj: Gabaón,+ Ramá, Beerot, 26  Mizpé, Kefirá, Mozá, 27  Réquem, Irpeel, Taralá, 28  Zelá,+ Ha-Élef, Jebusí, ujnin sutenqa Jerusalén+ karqa, Guibeá,+ Quiryat ima. Chaykuna karqanku 14 llajtas, ranchosnintin. Chaymin karqa Benjaminmanta miraj familiaspa herencia jallpʼasninku.

Sutʼinchaykunasnin

Uj aylloqa uj familiamanta miraj ashkha familias kanku.
Chayri “Paykunaqa rikusqankuta qhelqamonqanku”.
Chayri “Ura ladopi”.
Chayri “pata ladopi”.
Glosariopi suerte nisqata leeriy.
Campamentoqa ashkha toldo wasis.
Linde: waj lugarespi ninku lindero.
Chayri “faldanman”.
Hebreo parlaypeqa nin, “Hinonpa wawanpa wayqʼon”.
Chay Kachi qochaqa sutikun Wañusqa qocha.