Josué 15:1-63

  • Judá aylloj herencia jallpʼan (1-12)

  • Caleb warmi wawanman jallpʼata qon (13-19)

  • Judá aylluman chayaj llajtas (20-63)

15  Judá ayllumanta* familiasman chayarqa*+ chay jallpʼasqa karqa Edomwan+ tinkuykama, chantá Zin nisqa chʼin jallpʼa, Neguebpa ura kantunkama.  Chay sur ladoman* lindenkoqa* qallarerqa Kachi qocha*+ kantumantapacha, sur ladoman qhawarisqa kashan chay ura kantumantapacha.  Chay lindeqa rillarqapuni Acrabim+ wichaypa sur ladonkama, Zin nisqa chʼin jallpʼakama. Chantá Cadés-Barneaj+ sur ladonmanta wicharispa Hezronman chayarqa, Addarkama wicharispataj Carcá ladoman muyuykorqa.  Chaymanta rillarqapuni Azmonkama,+ chaymantataj rerqa Egipto mayunta,*+ chantá Jatun marpi* tukukorqa. Chaymin karqa sur ladoman lindeqa.  Inti llojsimuy ladopi lindeqa karqa Kachi qocha,* Jordán mayu tukukun chaykama. Norte ladopi* lindej esquinantaj qallarerqa chay qocha kantumantapacha, maypichus Jordán mayu+ tukukun chaymantapacha.  Chay lindeqa wicharerqa Bet-Hoglakama,+ chaymanta rerqa Bet-Arabaj+ norte ladonman, chaymantataj wicharerqa Bohán nisqa rumikama. Bohanqa+ Rubenpa wawan karqa.  Chaymantataj wicharerqa Acor+ ura pampaspi Debirman, chantá rerqa Guilgal+ ladoman, norte ladoman. Chayqa kashan Adumim wichay chimpapi, chay wichaytaj kashan mayoj ura ladonpi. Chantá lindeqa rillarqapuni En-Semes+ yakuskama, En-Roguelkama+ ima.  Chaymanta rerqa Hinón wayqʼoman,*+ jebuseospa+ llajtankoj kinrayninpa* ura ladonman, chay llajtankoqa karqa Jerusalén.+ Chaymanta lindeqa wicharerqa orqo puntakama, chay orqoqa kashan Hinón wayqʼoj inti yaykuynin ladopi, Refaím ura pampaspa kantunpi, norte ladopi.  Chay orqomantapacha lindeqa rillarqapuni Neftóah+ yaku juturikama, chantá rerqa Efrón orqopi llajtaskama. Chaymantataj rerqa Baalakama, nisunman Quiryat-Jearimkama.+ 10  Baalamantataj lindeqa kutirimorqa inti yaykuy ladoman, Seír orqoman, chaymanta rillarqapuni Jearim orqoj norte lado kinrayninta, chayqa kashan Kesalón. Chaymantataj uraykorqa Bet-Semesman,+ rillarqapunitaj Timnakama.+ 11  Chaymanta lindeqa rerqa Ecronpa+ norte lado kinrayninkama, chantá Sikeronkama, chaymantataj Baalá orqokama, chaymantaqa rerqa Jabneelkama, tukukorqataj mar qochapi. 12  Inti yaykuy ladoman lindeqa karqa Jatun mar* kantu.+ Chaykuna karqanku Judamanta miraj familiaspa lindesninku, jallpʼasninkoj muyuynintinpi. 13  Josueqa Jehová Dios kamachisqanman jina, Jefunejpa wawan Calebman+ Judaj miraynin ukhupi jallpʼata qorqa. Payman qorqa Quiryat-Arbá llajtata, nisunman Hebronta.+ (Arbaqa Anacpa tatan karqa). 14  Calebqa chay llajtamanta qharqorqa Anacpa kinsantin wawasninta,+ Sesaita, Ahimanta, Talmaita+ ima, paykunaqa karqanku Anacpa miraynin. 15  Chaymantataj Calebqa wicharerqa Debir+ llajtayojkunawan maqanakoj. (Debirqa ñaupajta sutikorqa Quiryat-Séfer). 16  Chaypacha Calebqa nerqa: “Pichá Quiryat-Séfer llajtawan maqanakonqa, atipaykonqataj chay runamanqa, waway Acsata warmin kananpaj qosaj”, nispa. 17  Chay llajtataqa atipaykorqa Quenazpa+ wawan Otniel.+ Payqa karqa Calebpa hermanonpa wawan. Calebtaj warmi wawan Acsata+ Otnielman qorqa warmin kananpaj. 18  Otniel payta wasinman pusakapushajtin, Acsaqa Otnielta nerqa tatan Calebmanta jallpʼata mañakunanta. Chantá Acsaqa burronmanta uraykorqa.* Calebtaj taporqa: “¿Imatá munanki wawáy?”,+ nispa. 19  Paytaj nerqa: “Ujta mañarikusqayki tatáy. Ñapis qowankiña sur ladopi* jallpʼata. Kunanqa qollawaytaj ari Gulot-Maimtawan”,* nispa. Calebtaj payman qorqa Pata Gulotta, Ura Gulottawan. 20  Kay jallpʼas karqa Judá ayllumanta miraj familiaspa herencianku. 21  Sur ladopi Edomwan tinkuy+ chaynejpi Judá aylluman chayaj llajtasqa kaykuna karqanku: Cabzeel, Éder, Jagur, 22  Quiná, Dimoná, Adadá, 23  Quedes, Hazor, Itnán, 24  Zif, Télem, Bealot, 25  Hazor-Hadatá, Queriyot-Hezrón, ujnin sutenqa karqa Hazor, 26  Amam, Sema, Moladá,+ 27  Hazar-Gadá, Hesmón, Bet-Pélet,+ 28  Hazar-Sual, Beer-Seba,+ Biziotías, 29  Baalá, Iyim, Ézem, 30  Eltolad, Kesil, Hormá,+ 31  Ziclag,+ Madmaná, Sansaná, 32  Lebaot, Silhim, Ain, Rimón+ ima. Tukuyninpi karqanku 29 llajtas, ranchosnintin. 33  Sefelapi+ llajtastaj karqanku: Estaol, Zorá,+ Asná, 34  Zanóah, En-Ganim, Tapúah, Enam, 35  Jarmut, Adulam,+ Socó, Azecá,+ 36  Saaraim,+ Aditaim, Guederá, Guederotaim ima.* Chaykuna karqanku 14 llajtas, ranchosnintin. 37  Chantá kallarqataj Zenán, Hadasá, Migdal-Gad, 38  Dileán, Mizpé, Jocteel, 39  Lakís,+ Bozcat, Eglón, 40  Cabón, Lahmam, Kitlís, 41  Guederot, Bet-Dagón, Naamá, Maquedá+ ima. Chaykuna karqanku 16 llajtas, ranchosnintin. 42  Chantá kallarqataj Libná,+ Éter, Asán,+ 43  Iftá, Asná, Nezib, 44  Queilá, Aczib, Maresá ima. Chaykuna karqanku jisqʼon llajtas, ranchosnintin. 45  Chantá kallarqataj Ecrón, muyuyninpi kaj ranchosnintin, juchʼuy llajtasnintin. 46  Ecronmanta inti yaykuy ladomantaj karqa Asdod qayllapi kaj tukuynin juchʼuy llajtas, ranchosnintin. 47  Chantá kallarqataj Asdod,+ muyuyninpi kaj ranchosnintin, juchʼuy llajtasnintin. Kallarqataj Gaza,+ muyuyninpi kaj ranchosnintin, juchʼuy llajtasnintin, Egipto mayukama, chantá Jatun markama,* mar kantusnintin.+ 48  Orqos chaypitaj kay llajtas karqanku: Samir, Jatir,+ Socó, 49  Daná, Quiryat-Saná, ujnin sutenqa karqa Debir, 50  Anab, Estemó,+ Anim, 51  Gosén,+ Holón, Guiló+ ima. Chaykuna karqanku 11 llajtas, ranchosnintin. 52  Chantá kallarqataj Arab, Dumá, Esán, 53  Janim, Bet-Tapúah, Afecá, 54  Humtá, Quiryat-Arbá, ujnin sutenqa karqa Hebrón,+ Zior ima. Chaykuna karqanku jisqʼon llajtas, ranchosnintin. 55  Chantá kallarqataj Maón,+ Carmelo, Zif,+ Jutá, 56  Jezreel, Jocdeam, Zanóah, 57  Cayín, Guibeá, Timná+ ima. Chaykuna karqanku chunka llajtas, ranchosnintin. 58  Chantá kallarqataj Halhul, Bet-Zur, Guedor, 59  Maarat, Bet-Anot, Eltecón ima. Chaykuna karqanku sojta llajtas, ranchosnintin. 60  Chantaqa kallarqataj Quiryat-Baal, ujnin sutenqa karqa Quiryat-Jearim,+ Rabá ima. Chaykuna karqanku iskay llajtas, ranchosnintin. 61  Chʼin jallpʼaspeqa kay llajtas karqanku: Bet-Arabá,+ Midín, Secacá, 62  Nibsán, Kachi Llajta, En-Guedí+ ima. Chaykuna karqanku sojta llajtas, ranchosnintin. 63  Judaj mirayninmanta kajkunaqa Jerusalenpi+ tiyakoj jebuseosta+ mana wijchʼuyta aterqankuchu.+ Chayrayku jebuseosqa kunankama Jerusalenpi tiyakushanku, Judá aylluwan khuska.

Sutʼinchaykunasnin

Uj aylloqa uj familiamanta miraj ashkha familias kanku.
Chayri “sorteaspa qorqanku”.
Chayri “ura ladoman”.
Linde: waj lugarespi ninku lindero.
Chay Kachi qochaqa sutikun Wañusqa qocha.
Chayri “Egipto wayqʼonta”.
Chay Jatun marqa sutikun mar Mediterráneo.
Chay Kachi qochaqa sutikun Wañusqa qocha.
Chayri “Pata ladopi”.
Hebreo parlaypeqa nin, “Hinonpa wawanpa wayqʼonman”.
Chayri “faldasninpa”.
Chay Jatun marqa sutikun mar Mediterráneo.
Ichá nillanmantaj “Chantá Acsaqa burronpi lloqʼasqa kashaspa makinta tʼajllarqa”.
Chayri “Neguebpi”.
Gulot-Maim suteqa niyta munan yaku tʼoqos, yaku fuentes.
Ichá nillanmantaj “Guederá oveja corralesninwan ima”.
Chay Jatun marqa sutikun mar Mediterráneo.