Josué 10:1-43

  • Israelitas gabaonitasta yanapaj rinku (1-7)

  • Jehová Dios israelitasrayku maqanakun (8-15)

    • Ayqekushajtinku amorreosta granizo wañurachin (11)

    • Inti pachanpi sayan (12-14)

  • Phishqa reyesta wañuchinku (16-28)

  • Sur ladopi llajtasta japʼikapunku (29-43)

10  Jerusalenmanta rey Adoni-Zedecqa uyarerqa Josueqa Hai llajtata, reynintawan chinkachisqanta,+ imaynatachus Jericó llajtata, reynintapis chinkacherqa+ ajinata. Chantá uyarillarqataj Gabaón llajtapi tiyakojkunaqa israelitaswan allinyakuy tratota ruwasqankuta,+ paykunamantaj ujchaykukusqankuta.  Chayrayku mayta mancharikorqa,+ imaraykuchus Gabaón llajtaqa jatun llajta karqa, imaynachus reyniyoj llajtas jatun kanku ajina. Gabaonqa Hai llajtamantapis aswan jatun karqa,+ tukuy runasninpis soldados karqanku.  Chayrayku Jerusalenmanta rey Adoni-Zedecqa, kay jinata willachimorqa Hebronmanta+ rey Hohamman, Jarmutmanta rey Piramman, Lakismanta rey Jafiaman, Eglonmanta+ rey Debirman ima:  “Jamuychej, Gabaonpa contranpi maqanakuyta yanapawaychej. Paykunaqa Josuewan israelitaswan allinyakuy tratota ruwasqanku”,+ nispa.  Jinamanta chay phishqantin amorreo+ reyesqa tantaykukorqanku, Jerusalenmanta, Hebronmanta, Jarmutmanta, Lakismanta, Eglonmanta ima. Chantá tukuynin soldadosninkuwan rispa Gabaón llajtata muyuykamorqanku, chay llajtayojkunawan maqanakunankupaj.  Gabaonpi tiyakojkunataj Guilgalpi+ campamentoman* runasta kachaspa, Josueman willachimorqanku: “Ama kay kamachisniykita sapaykuta saqerpariwaykuchu ari.+ Apurayllata jamuy jarkʼanawaykupaj, yanapanawaykupajtaj. Orqos chaynejmanta tukuynin amorreo reyes ujchaykukunku noqaykuwan maqanakunankupaj”, nispa.  Josuetaj chay ratopacha Guilgalmanta wicharerqa tukuynin soldadosninwan, tukuynin wapu soldadosninwapis.+  Jehová Diostaj Josueta nerqa: “Ama paykunata manchachikuychu.+ Noqaqa paykunata makisniykiman jaywaykusaj.+ Mana ni mayqenninkupis qanman sayaykuyta atenqankuchu”,+ nispa.  Chantá Josueqa Guilgalmanta tutantin rispa, chayaytawankama ujllata amorreoswan maqanakoj churakorqa. 10  Jehová Diostaj manchayta amorreosta manchariykucherqa.+ Ajinamanta israelitasqa ashkha amorreosta Gabaonpi wañuracherqanku. Chaymantataj qhatiykorqanku Bet-Horón llajtaman wicharej ñanninta. Chantá rillarqankupuni amorreosta wañuchispa Azecá llajtakama, Maquedá llajtakama ima. 11  Amorreos Bet-Horón urayta israelitasmanta ayqekushajtinku, Jehová Diosqa jatuchaj granizosta cielomanta kachaykamorqa, Azecaman chayanankukama. Granizoqa aswan ashkha amorreosta wañuracherqa, israelitas espadawan wañurachisqankumanta nisqaqa. 12  Maypachachus Jehová Dios amorreosta israelitaspa ñaupaqenkupi atipaykorqa chaypacha, Josueqa Jehová Diosta parlapayarqa, israelitas rikushajtinkutaj nerqa: “Inti, Gabaón+ patapi sayay.+ Killa, qanpis Ayalón ura pampas patapi sayay”, nispa. 13  Intiwan killawantaj pachanpi sayarqanku, israelitas enemigosninkuta atipaykunankukama. Chayqa Jasar libropi+ qhelqasqa kashan. Inteqa cielo chaupipi sayarqa uj diata jina. 14  Mana jaykʼajpis chay jina jatun pʼunchayqa karqachu, ni ñaupajta, nitaj qhepatapis, maypachachus Jehová Diosqa uj runaj parlasqanta uyarerqa+ chay pʼunchay jinaqa. Imaraykuchus Jehová Diosqa israelitasrayku chaypacha maqanakorqa.+ 15  Chay qhepata Josueqa tukuy israelitaswan Guilgalman+ kutiporqa, campamentoman. 16  Aswan ñaupajta chay phishqa reyesqa ayqekuspa Maquedá+ cuevapi pakaykukusqanku. 17  Chayta yachaspataj Josueman willamorqanku: “Chay phishqa reyesqa Maquedá+ cuevapi pakaykukusqanku”, nispa. 18  Josuetaj nerqa: “Jatuchaj rumista tanqaykuspa chay cuevata wisqʼaykuychej. Chay punkumantaj runasta churaychej qhawanankupaj. 19  Wakintaj ama pachallanpi kaychejchu. Enemigosniykichejta qhatiykuspa wañurachimuychej.+ Ama saqeychejchu llajtankuman ayqekunankuta, Jehová Diosniykichejqa makisniykichejman paykunata jaywaykusunkichej”, nispa. 20  Josuewan israelitaswanqa casi tukuy amorreostapuni wañuracherqanku. Wakillan ayqekuspa pakaykukorqanku perqawan muyurisqa llajtasninkupi. 21  Chantá tukuy israelitasqa walejllata Josueman kutinporqanku, Maquedapi kasharqa chay campamentoman. Manaña pipis israelitaspa contranta parlarqachu. 22  Chaymanta Josueqa nerqa: “Cueva punkuta kicharimuspa chay phishqa reyesta orqhomuychej, apamuwaychejtaj”, nispa. 23  Ajinapi chay phishqa reyesta cuevamanta orqhomuspa Josueman apamorqanku. Chay reyesqa karqanku Jerusalenmanta, Hebronmanta, Jarmutmanta, Lakismanta, Eglonmanta+ ima. 24  Ñaupaqenman chayachimojtinkutaj, Josueqa Israelmanta tukuy qharista tantachimorqa. Chaypitaj soldadospa comandantesninkuman nerqa: “Qayllaykamuychej, kay reyespa nucankuman chakisniykichejta churaychej”, nispa. Paykunataj qayllaykuspa chay reyespa nucankuman chakisninkuta churarqanku.+ 25  Josueqa paykunata nerqa: “Ama manchachikuychejchu, nitaj kharkatiychejchu.+ Kallpachakuychej, wapustaj kaychej, imaraykuchus Jehová Diosqa ajinata ruwanqa qankunawan maqanakoj tukuy enemigosniykichejta”,+ nispa. 26  Chaymanta Josueqa chay phishqantin reyesta wañuracherqa. Jinaytawantaj sapa ujta uj rakhu kʼaspiman* warkhuykorqa. Chaypitaj warkhusqa karqanku tardeyaykunankama. 27  Inti yaykupushajtinñataj Josueqa kamacherqa chay warkhusqa cuerposta rakhu kʼaspismanta+ uraykuchimunankuta, pakakorqanku chay cuevamantaj wijchʼumunankuta. Chantá rumiswan sumajta wisqʼaykorqanku. Chaykunataj kunankama chaypi kakushanku. 28  Chay diallataj Josueqa Maquedá+ llajtata atipaykorqa. Chantataj chay llajtaj reyninta, chaypi tiyakojkunatapis tukuyninkuta espadawan wañuracherqa, ni uj puchuyojta.+ Maquedá+ llajtaj reynintaqa ruwarqa imaynatachus Jericó llajtaj reyninta ruwarqa ajinata. 29  Josueqa Maquedamanta Libná+ llajtamanñataj rerqa tukuy israelitas pusarisqa. Chayaspataj paykunawan maqanakorqankupacha. 30  Jehová Diosqa chay llajtatapis, reynintawan khuska israelitaspa makisninkuman jaywaykullarqataj.+ Jinamanta paykunaqa tukuy chay llajtayojkunata espadawan wañuracherqanku, ni uj puchuyojta. Chay llajtaj reynintaqa ruwarqanku imaynatachus Jericó llajtaj reyninta ruwarqanku ajinata.+ 31  Chaymanta Josuewan tukuy israelitaswanqa Libná llajtamanta Lakís+ llajtamanñataj rerqanku. Chay llajtata muyuykuspataj, paykunawan maqanakorqanku. 32  Jehová Diosqa Lakís llajtata israelitaspa makisninkuman jaywaykorqa, iskay kaj pʼunchaypitaj atipaykorqanku. Chay llajtata, tukuy chay llajtayojkunatapis espadawan tukucherqanku,+ imaynatachus Libná llajtapi ruwarqanku ajinata. 33  Jinapi Guézer+ llajtamanta rey Horamqa Lakís llajtata yanapaj wicharerqa. Josuetajrí payta, tukuy soldadosnintawan wañurachillarqataj, ni uj puchuyojta. 34  Chantá Josuewan tukuy israelitaswanqa, Lakís llajtamanta Eglón+ llajtamanñataj rerqanku. Chay llajtata muyuykuspataj, paykunawan maqanakorqanku. 35  Chay diapacha chay llajtata atipaykuspa, chaypi tiyakojkunata espadawan wañuracherqanku. Tukuyninkutapuni wañuracherqanku, imaynatachus Lakispi ruwarqanku ajinata.+ 36  Chaymanta Josuewan tukuy israelitaswanqa, Eglón llajtamanta Hebrón+ llajtamanñataj wicharerqanku. Chayaspataj paykunawan maqanakorqanku. 37  Chay llajtata atipaykuytawan espadawan wañuracherqanku tukuy chaypi tiyakojkunata, reyninkuta, ranchitosninpi tiyakojkunatapis, ni uj puchoyojta. Chay llajtata, chaypi tiyakojkunatapis qʼalata chinkarparicherqanku, imaynatachus Eglonta ruwarqanku ajinata. 38  Chantá Josuewan tukuy israelitaswanqa, Debir+ llajtamanñataj kutirimuspa paykunawan maqanakorqanku. 39  Chay llajtata atipaykuytawantaj, espadawan wañuracherqanku tukuy chaypi tiyakojkunata,+ reyninkuta, ranchitosninpi tiyakojkunatapis, ni uj puchuyojta.+ Imaynatachus Hebrón llajtata, Libná llajtata, reynintapis chinkacherqanku, ajinallatataj Debir llajtatapis reynintapis chinkacherqanku. 40  Ajinata Josueqa tukuy chay llajtasta atipaykorqa, orqos chaynejpi tiyakojkunata, Neguebpi tiyakojkunata, Sefelapi+ tiyakojkunata, kinraykunapi* tiyakojkunata, jinallataj tukuynin reyesninkutapis. Tukuyninkutapuni wañuracherqa, ni uj puchuyojta,+ Israelpa Diosnin Jehová kamachisqanman jina.+ 41  Jinamanta Josueqa japʼikaporqa Cadés-Barneamanta+ Gazakama,+ chantá tukuynin Gosén+ jallpʼasta Gabaonkama.+ 42  Ajinata Josueqa uj kutillapi tukuy chay reyesta atipaykorqa, jallpʼasninkutapis japʼikaporqa, imaraykuchus Israelpa Diosnin Jehovamin paykunarayku maqanakorqa.+ 43  Chaymanta Josueqa tukuy israelitaswan khuska Guilgalman kutiporqa, campamentoman.+

Sutʼinchaykunasnin

Campamentoqa ashkha toldo wasis.
Chayri “sachʼaman”.
Chayri “faldaspi”.