Isaías 41:1-29

  • Inti llojsimuy ladomanta uj runa jamun atipananpaj (1-7)

  • Diosqa Israelta ajllakun kamachin kananpaj (8-20)

    • Amigoy Abrahán (8)

  • Qhasi manakaj dioskunata pisipaj qhawachin (21-29)

41  “Yaku chaupipi churus,* chʼinllamanta uyariwaychej. Nacionesqa kallpachakuchunku. Qayllaykamuspa parlachunku.+ Juiciopaj tantakuna.   ¿Pitaj inti llojsimuy ladomanta ñaupaqenman* uj runata jamucherqa+justiciata ruwananpaj,nacionesta makinman jaywaykunanpaj,reyestapis atipananpajri?+ ¿Pitaj espadanwan paykunata ñutʼu jallpʼaman tukuchinri? ¿Pitaj flechana arconwan* paykunata tukuy ladoman ayqerachin wayraj apasqan pajata jinari?   Payqa paykunata qhatiykun mana purisqan ñankunasta,nitaj imapis jarkʼanchu.   ¿Pitaj qallariymantapacha runasta tantachispachayta ruwanri? Noqa Jehová Diosmin Ñaupaj Kaj kani,+qhepa kajkunawanpis kikillantaj kani”.+   Yaku chaupipi churusqa chayta rikuspa mancharikunku. Jallpʼaj kʼuchusninpis manchariywan kharkatinku. Tantaykukuspa puririnku.   Sapa ujpis runa masinta yanapan,hermanontapis nin: “Kallpachakuy”, nispa.   Ajinata sumaj imasta ruwajqa metalmanta imasta ruwajta kallpachan,+martillowan takaj herreropisyunque patapi martillaj runata kallpachan. Fierro kʼaskachisqamantataj nin: “Sumaj kashan”, nispa. Chantá santota clavoswan japʼiykuchinku ama urmamunanpaj.   “Qantajrí Israel, kamachiy kanki.+ Jacob, qanqa ajllakusqay kanki,+qanqa amigoy Abrahanpa miraynin kanki.+   Qantaqa jallpʼaj kʼuchusninmantapacha pusamorqayki,+qantaqa aswan karu lugarespi kashajtiyki wajyamorqayki. Nerqaykitaj: ‘Qanqa kamachiy kanki.+ Noqa ajllakuyki, nitaj wijchʼurpariykichu.+ 10  Ama manchachikuychu, noqa qanwan kashani.+ Ama llakikuychu, noqa Diosniyki kani.+ Noqa kallpachasqayki, noqa yanapasqayki.+ Justiciata ruwaj paña makiywan japʼisqayki’, nispa. 11  Qanpaj phiñakojkunaqa tukuyninku pʼenqachisqas kanqanku, kʼumuykachachisqastaj.+ Qanwan maqanakojkunaqa tukuchisqa kanqanku, chinkaponqankutaj.+ 12  Qanwan maqanakojkunata maskʼanki, manataj tarinkichu. Qanwan maqanakoj runasqa manapis kankumanchu jinalla kanqanku, nipunipis kankumanchu jina.+ 13  Noqa Jehová Diosniykeqa paña makiykimanta japʼishayki. Noqaqa niyki: ‘Ama manchachikuychu. Noqa yanapasqayki’,+ nispa. 14  Khuritu Jacob, ama manchachikuychu.+ Nacionniy Israel, noqa yanapasqayki”, nispa nin Jehová Diosqa, Kacharichisoj Diosqa,+ Israelpa Santo Diosnenqa. 15  “Qantaqa uj trilloman tukuchiyki,+puraj lado filo kirusniyoj trilloman, saruchinapaj mosoj trilloman. Orqostaqa saruspa tʼunaranki,lomastapis ñutʼu jallpʼaman* tukuchinki. 16  Chaykunata wayrachinki,wayrataj apakaponqa. Sinchʼi wayraqa tukuynejman aparanqa. Qanqa Jehová Diosrayku kusikunki,+Israelpa Santo Diosninrayku tukuy sonqo parlanki”.+ 17  “Pobrespis wajchaspis yakuta maskʼaspa purinku, yakutaj mana kanchu. Manchayta chʼakichikusqankupi qallunkoqa chʼakirpan.+ Noqa Jehová Dios paykunata yanapasaj.+ Noqa Israelpa Diosnenqa mana paykunata saqerparisajchu.+ 18  Tʼajra lomasmanta mayusta puririchimusaj,+pampasmantataj yaku juturista tʼojyachimusaj.+ Chʼaki jallpʼataqa caña huecasniyoj qochaman tukuchisaj,tʼajra jallpʼatapis yaku juturisniyoj jallpʼaman tukuchisaj.+ 19  Chʼaki jallpʼaspeqa plantasaj cedro sachʼasta,acacia sachʼasta, mirto sachʼasta, pino sachʼastawan.+ Chʼaki pampaspeqa plantasaj enebro sachʼasta,fresno sachʼasta, ciprés sachʼastawan.+ 20  Ajinamanta tukuy runas rikunankupaj, yachanankupajpis,allinta reparaspa entiendenankupajchaytaqa Jehová Dios ruwasqanta,chaytaqa Israelpa Santo Diosnin ruwasqanta”.+ 21  Jehová Diosqa nin: “Demandaykichejmanta parlaychej”, nispa. Jacobpa Reynenqa nin: “Imajtinchus demandakushasqaykichejta sutʼinchaychej”, nispa. 22  “Pruebasta apamuychej, willawayku imaschus kananta. Ñaupa imasmanta parlawayku,chay imaspi tʼukurinaykupaj, imapichus tukunantapis yachanaykupaj. Manachayrí imachus qhepaman kananta willawayku.+ 23  Niwayku imachus qhepaman kananta,chaywanqa yachasqayku dioskuna kasqaykichejta.+ Imallatapis ruwaychej, allinpis manapis kachun,chayta rikuspa mayta tʼukunaykupaj.+ 24  Qankunaqa manapis kawajchejchu jinalla kankichej,ruwasqasniykichejpis qhasi manakajlla.+ Qankunata ajllakojkunaqa millay runas kanku.+ 25  Norte ladomantapacha* uj runata rikhurichini, paytaj jamonqa,+inti llojsimuy ladomanta+ jamuspa sutiyta oqharenqa. Payqa kamachejkunata* tʼuruta jina saronqa,+imaynatachus manka llutʼa runaqa tʼuruta sarun ajinata. 26  ¿Pitaj qallariymantapacha chaymanta parlarqa yachananchejpajri? ¿Pitaj ñaupa tiemposmantapacha parlarqa ‘arí, jinapuni’ ninanchejpajri?+ Ni pi chaytaqa parlarqachu. Ni pi chaytaqa willarqachu. Ni pi uyarisorqachejchu parlajtaqa”.+ 27  Sionmanqa noqa ñaupajta nerqani: “Qhaway, kaypi kashanku”,+ nispa. Jerusalenmanpis sumaj willaykunata apaj runata kachasaj.+ 28  Qhawallarqanipuni, nitaj pipis parlaj karqachu. Paykuna ukhupeqa ni ujllapis yuyaychajqa karqachu. Nillarqanipuni kutichimunankuta. 29  Tukuyninku mosqoy jinalla kanku. Ruwasqasninkupis qhasi manakajlla. Metalmanta* santosninkupis wayra jinalla kanku, manapis kankumanchu jina.+

Sutʼinchaykunasnin

Chayri “Islas”.
Ñaupaqenman nispaqa Diosta sirvinanpaj wajyasqanta nishan.
Flechana arco: waj lugarespi ninku camba flecha.
Chayri “tʼuna pajaman”.
Chayri “Pata ladomantapacha”.
Chayri “sullkʼa kamachejkunata”.
Chayri “Unuyachisqa metalmanta”.