Isaías 40:1-31

  • Diospa nacionninpaj sonqochay (1-11)

    • “Pichá chʼinnejpi qhaparishan” (3-5)

  • Diosqa manchay atiyniyoj (12-31)

    • “Nacionesqa baldepi uj yaku sutʼuy jinalla” kanku (15)

    • “Diosqa muyu jallpʼaj patanpi tiyakun” (22)

    • Diosqa tukuynin estrellasta sutisninkumanta wajyan (26)

    • Diosqa mana jaykʼajpis saykʼunchu (28)

    • Jehovapi atienekojkunaqa kallpata japʼinku (29-31)

40  Diosniykichejqa nin: “Sonqochaychej, nacionniyta sonqochaychej.+   Jerusalentaqa sonqochaj palabraswan parlapayaychej,willaychejtaj esclava jina llankʼaynenqa tukukapusqantaña,juchanpis perdonasqaña kasqanta.+ Jehová Diosqa tukuy juchasninmantaña castigan”,+ nispa.   Pichá chʼinnejpi qhaparishan: “¡Jehová Diospa ñanninta pichaychej!*+ Diosninchejpaj cheqan ñanta+ chʼinnejpi ruwaychej.+   Tukuynin wayqʼos juntʼachisqa kachun,tukuynin orqospis lomaspis pampachasqa kachun. Lomarara jallpʼasqa pampachasqa kanan tiyan,meqʼa meqʼa jallpʼasqa pampallaña kanan tiyan.+   Jehová Diospa jatun kaynenqa rikukonqa,+tukuy runas rikonqanku.+ Jehová Diosmin chaytaqa nin”.   Uyariy, pichá nishan: “Willay”, nispa. Wajtaj tapun: “¿Imatá willasaj?”, nispa. “Tukuy runasqa qhora jinalla kanku,munakuyninkupis campo tʼika jinalla.+   Qhoraqa chʼakipun,tʼikapis qawipun+Jehová Diospa samaynin* phukurisqanrayku.+ Runasqa qhora jinalla kanku.   Qhoraqa chʼakipun,tʼikapis qawipun,Diosninchejpa palabrantajrí wiñaypaj”.+   Jatun orqoman wichariy,Sionpaj sumaj willaykunata apamoj warmi.+ Jatunmanta qhapariy,Jerusalenpaj sumaj willaykunata apamoj warmi. Jatunmanta qhapariy, ama manchachikuychu. Judaj llajtasninman willay: “Kaymin Diosniykichejqa”,+ nispa. 10  Tukuyta Kamachej Señor Jehová Diosqa atiyninwan jamonqa,makinwantaj gobernanqa.+ Payqa tʼinkata japʼishan,pagopis ñaupaqenpi kashan.+ 11  Ovejasnintaqa ovejero jina michenqa.+ Corderostaqa* makinwan tantanqa,ichurikuspataj* apanqa. Uñasniyoj ovejastaqa allillanwan qhatenqa.+ 12  ¿Pitaj tukuynin yakusta ujnin maki tʼoqollanpi japʼerqari?+ ¿Pitaj cielota makillanwan* miderqari? ¿Pitaj jallpʼantinmanta tukuynin ñutʼu jallpʼata uj midinallaman* juntʼaykucherqari?+ ¿Pitaj orqosta balanzallapi pesarqari? ¿Pitaj lomastapis pesasllapi pesarqari? 13  ¿Pitaj Jehová Diospa espiritunta miderqari? ¿Pitaj payta yuyaychaspa yachachinmanri?+ 14  ¿Pitá tapukusqa imallatapis entiendenanpajri? ¿Pitaj yachachisqa imachus justicia kasqantari? ¿Pitaj yachayta qosqari? ¿Pitaj cheqan yachayta payman qosqari?+ 15  Nacionesqa baldepi uj yaku sutʼuy* jinalla paypaj kanku,balanzaman tiyaykoj ñutʼu jallpʼita jinalla kanku.+ Yaku chaupipi churustaqa* ñutʼu jallpʼitasta jinalla oqharin. 16  Ni Libanopis ninata laurachiyta atinmanchu,*phiña animalesninpis mana bastachu kanman qʼolachina* ofrendapajqa. 17  Paypa ñaupaqenpi tukuy nacionesqa manapis kankumanchu jinalla kanku.+ Paypajqa mana imapischu kanku, manapis kankumanchu jinalla kanku.+ 18  ¿Pimantaj Diosta kikinchawajchejri?+ ¿Imamantaj rijchʼachiwajchejri?+ 19  Tukuy imata ruwayta yachaj runaqa santota metalmanta* ruwan,metalwan trabajaj runataj qoriwan forraykun,+cadenastapis qolqe metalmanta ruwan. 20  Uj sachʼata ajllan ofrendapaj,+mana ismoj sachʼata. Sumajta ruwayta yachaj runata maskʼan,mana urmaj santota ruwachinanpaj.+ 21  ¿Manachu yachankichej? ¿Manachu uyarerqankichej? ¿Manachu qallariymantapacha pipis willasorqachej? ¿Jallpʼaj cimientosnin churakusqanmantapacha manapunichu entiendeyta atishankichej?+ 22  Diosqa muyu jallpʼaj patanpi tiyakun,+jallpʼapi tiyakojkunaqa saltamontes jinalla kanku. Cielotaqa llikha telata jinalla* aysarin,toldo wasej* qhatananta jinalla mastʼarpan.+ 23  Payqa kuraj autoridadesta mana imaman tukuchin,jallpʼamanta juecestapis* qhasi manakajman tukuchin. 24  Plantasqa kasqankutawan,tarpusqa kasqankutawan,jallpʼapi saphichakusqankutawan,uj phukuyllapi chʼakipunku,wayrataj pajata jina apakapun.+ 25  Santo Diosqa nin: “¿Pimantaj kikinchawankichejmanri? ¿Pitaj noqa jinari?”, nispa. 26  Nillantaj: “Cielota qhawariychej. ¿Pitaj chay imasta ruwan?+ Chay imasta ruwajqa soldadosta jina paykunata llojsichimun, ujmanta uj yupaspa. Sapa ujninkuta sutinmanta wajyan.+ Kallpanqa may jinapuni, atiyninpis manchay tʼukuna,+chayrayku ni ujninkupis chinkanchu. 27  Jacob, Israel, ¿imaraykutaj ninki‘Jehová Diosqa kay jinata kausakushasqayta mana rikunchu,Diosqa mana justiciata ruwapuwanchu’ nispari?+ 28  ¿Manachu yachanki? ¿Nichu uyarerqanki? Jallpʼaj kʼuchusninta Ruwaj Jehová Diosqa wiñaypaj wiñaynintinpaj Diosmin.+ Payqa mana jaykʼajpis saykʼunchu, nitaj kallpanpis tukukunchu.+ Yachaynenqa mana yachay atina.+ 29  Payqa saykʼusqa kajta kallpachan,llauchhillaña kajmantaj kallpata qon.+ 30  Lloqallituspis saykʼunku, kallpankupis tukukun,jovenespis jaytʼakuspa* choqakunku. 31  Jehová Diospi atienekojkunarí kallpata japʼenqanku. Águilas jina patata phawarenqanku.+ Correspapis mana saykʼonqankuchu,purispapis manallataj saykʼonqankuchu”.+

Sutʼinchaykunasnin

Chayri “allinchaychej”.
Chayri “espiritun”.
Cordero nispaqa parlashan uj watayojmanta chayri aswan uñitamanta.
Chayri “marqʼarikuspataj”.
Hebreo parlaypeqa nin, “maki cuartallanwan”. Maki cuartaqa midikun machu dedoj puntanmanta uña dedoj puntankama, makita kichasqata japʼispa. Yanapa B14 nisqata leeriy.
Chayri “uj juchʼuy platitullaman”.
Sutʼuy: waj lugarespi ninku chʼaqay.
Chayri “Islastaqa”.
Chayri “Ni Libanomantapis llantʼata as allinta orqhokunmanchu”.
Chayri “ruphachina”.
Chayri “unuyachisqa metalmanta”.
Llikha tela: waj lugarespi ninku seda tela, saja tela.
Chayri “carpa wasej”.
Chayri “kamachejkunatapis”.
Jaytʼakuy: waj lugarespi ninku tropezakuy.