1 Reyes 4:1-34

  • Salomonpa gobiernon (1-19)

  • Kamachishajtin allin kausay karqa (20-28)

    • Allinta kausakunku uva sachʼanku urapi, higo sachʼanku urapi (25)

  • Salomonpa yachaynin, proverbiosninpis (29-34)

4  Rey Salomonqa tukuynin Israelta gobernarqa.+  Reypa kuraj autoridadesnintaj kaykuna karqanku: Sadocpa+ wawan Azariasqa sacerdote karqa.  Sisaj wawasnin Elihorefwan Ahiyawan secretarios+ karqanku, Ahiludpa wawan Jehosafattaj+ reypa qhelqerin karqa.  Jehoiadajpa wawan Benayaqa+ ejercitospa comandanten karqa, Sadocwan, Abiatarwantaj+ sacerdotes karqanku.  Natanpa+ wawan Azariasqa cargoyoj karqa mikhuykunata apamojkunamanta. Natanpa wawan Zabudqa sacerdote karqa, reypa amigontaj.+  Ahisarqa cargoyoj karqa reypa wasinmanta, Abdaj wawan Adoniramtaj+ cargoyoj karqa pikunatachus rey kamachisqa paypaj trabajanankuta chaykunamanta.+  Salomonpataqa tukuy Israelnintinpi 12 encargadosnin karqa, reypaj, jinallataj wasinpi kajkunapajpis mikhuykunata apamunankupaj. Sapa ujninku sapa wata uj killa juntʼata+ mikhuykunata apamoj kanku.  Kaykuna karqanku chay encargados: Hurpa wawan, payqa Efraín orqospi encargado karqa.  Dequerpa wawan, payqa encargado karqa Macazmanta, Saalbimmanta,+ Bet-Semesmanta, Elón-Bet-Hananmantawan. 10  Hesedpa wawan, payqa Arubotmanta encargado karqa (paypa mandonpi karqa Socó, tukuynin Héfer jallpʼaspis). 11  Abinadabpa wawan, payqa encargado karqa tukuynin Dor kinraykunamanta.* Payqa casararqa Salomonpa wawan Tafatwan. 12  Ahiludpa wawan Baaná, payqa encargado karqa Taanacmanta, Meguidomanta,+ tukuynin Bet-Seanmantawan,+ mayqenchus Zaretanwan colindas kanku, Jezreelmanta aswan urapi, Bet-Seanmantapacha Abel-Meholakama, Jocmeam+ chaynejkama. 13  Gueberpa wawan, payqa encargado karqa Ramot-Galaadmanta,+ paypa cargonpi karqa Manasespa wawan Jairpa toldosniyoj* ranchosnin,+ mayqenkunachus Galaadpi+ kashanku chay. Paypa cargollanpitaj kasharqa Argob+ jallpʼas, mayqenchus Basanpi+ kashan chay, 60 jatuchaj llajtas perqasniyoj, punkusninkupis cobre barretasniyoj. 14  Idoj wawan Ahinadab, payqa encargado karqa Mahanaimmanta.+ 15  Ahimáaz, payqa encargado karqa Neftalimanta. Payqa Basematwan casararqa, Basematqa Salomonpa wawallantaj karqa. 16  Husaijpa wawan Baaná, payqa encargado karqa Asermanta, Bealotmantawan. 17  Paruahj wawan Jehosafat, payqa encargado karqa Isacarmanta. 18  Elaj wawan Simeí,+ payqa encargado karqa Benjaminmanta.+ 19  Urij wawan Guéber, payqa encargado karqa Galaad+ jallpʼasmanta, mayqenchus amorreospa reyninkoj Sehonpa+ jallpʼasnin karqa, Basanmanta rey Ogpatawan+ chaymanta. Chantapis kallarqataj uj encargado chay tukuynin encargadospa kurajninku. 20  Judapi, jinallataj Israelpi tiyakojkunaqa, may chhika karqanku mar qocha kantupi tʼiyu jinapuni.+ Paykunaqa mikhusharqanku, ujyasharqanku, kusisqataj tiyakusharqanku.+ 21  Salomonqa tukuynin gobiernosta gobernarqa Mayumantapacha*+ filisteospa jallpʼasninkukama, Egipto jallpʼawan tinkuykama. Chay tukuynin gobiernosqa pagota apamoj kanku, Salomontapis sirvej kanku kamacherqa chay tukuynin wataspi.+ 22  Salomonpa wasinpeqa sapa pʼunchaypaj kay imas tiyaj mikhunata wakichinankupaj: sumaj ñutʼu jakʼumanta 72 quintales,* waj jakʼumanta 143 quintales,* 23  chunka wira wakas, iskay chunka wakas pastollawan uywasqa, pachaj ovejas, uj mashkha venados, tarukas, corzo nisqa venados, wirayachisqa cuclillo pʼisqetuspis. 24  Salomonpa makinpi karqa Mayoj+ kay ladon* jallpʼas, Tifsamantapacha Gazakama,+ Mayoj kay ladonpi kaj tukuynin reyespis. Salomonpa chay tukuynin jallpʼasninpeqa allin kausay karqa, tukuy muyuynintinpi.+ 25  Salomón kamacherqa chay tukuynin wataspeqa Judapi, Israelpipis tiyakojkunaqa, ni imata manchachikuspa allinta kausakorqanku, sapa ujninku uva sachʼanku urapi, higo sachʼanku urapi, Dan jallpʼasmantapacha Beer-Sebakama. 26  Salomonpataqa carretasninta aysaj caballosninpaj tiyaporqa 4.000* corralesnin,* 12.000 caballosnin* ima.+ 27  Chay 12 encargadosqa mikhuykunata apamoj kanku rey Salomonpaj, reypa mesanpi tukuy mikhojkunapajwan. Sapa encargadoqa tocasqan killapi tukuy imata apamoj, nitaj imatapis faltachejchu.+ 28  Encargadosqa apamullajtaj kanku cebadata, pajatawan maypichá necesitakoj caballospaj, carretasta aysaj caballospaj chayman. Ajinata sapa ujninku apamoj kanku may chhikatachus apamunanku karqa chayman jina. 29  Diosqa Salomonman qorqa sumaj yachayta, sumajta tanteayta yachaytawan, qollarqataj tukuy imata reparayta yachaj sonqota, runaj mana yachay atinanta jinapuni.*+ 30  Salomonpa yachaynenqa atiparqa inti llojsimuy ladopi tukuy tiyakoj runaspa yachayninta, Egiptoj tukuy yachaynintapis.+ 31  Salomonqa tukuy runasmanta aswan yachayniyoj karqa. Payqa aswan yachayniyoj karqa: ezrahíta Etanmanta,+ Maholpa wawasnin Hemanmanta,+ Calcolmanta,+ Dardamantapis. Salomonmantaqa muyuynintin nacionespi parlaj kanku.+ 32  Salomonqa 3.000 proverbiosta* qhelqarqa,*+ takiykunasnintaj+ 1.005 karqa. 33  Salomonqa tukuy laya* sachʼasmanta parlaj: Líbano orqospi wiñaj cedro sachʼasmanta, perqaspi wiñaj hisopomantapis.+ Parlallajtaj animalesmanta,+ pʼisqosmanta,+ qhatatakoj animalesmanta,*+ pescadosmantapis. 34  Tukuynin nacionesmanta runas jamoj kanku Salomonpa yachayninta uyarikoj, reyespis tukuy jallpʼantinmanta jamoj kanku Salomonpa yachayninmanta uyarispa.+

Sutʼinchaykunasnin

Chayri “Dor faldaspi jallpʼasmanta”.
Chayri “carpasniyoj”.
Mayu nispaqa Éufrates mayumanta parlashan.
Hebreo parlaypeqa nin, “30 coros”. Yanapa B14 nisqata leeriy.
Hebreo parlaypeqa nin, “60 coros”.
Mayoj kay ladon nispaqa Éufrates mayoj inti yaykuy ladonmanta parlashan.
Wakin unay qhelqasqaspeqa 4.000 nishanpuni chaytaj kikillantaj kashan 2 Crónicas 9:25 versiculopi nisqanwan. Waj unay qhelqasqaspitaj nishan 40.000.
Chayri “caballospi purej runasnin”.
Chayri “kanchasnin”.
Hebreo parlaypeqa nin, “mar qocha kantupi tʼiyuta jina”.
Glosariopi proverbio nisqata leeriy.
Chayri “parlarqa”.
Chayri “tukuy rijchʼaj”.
Qhatatakoj animales nispaqa ichapis parlashan katarismanta khurusmantawan.