Ir al contenido

¿Pikunataj Diospa Llajtanta Kamachejkuna kanku, chanta imastataj ruwanku?

¿Pikunataj Diospa Llajtanta Kamachejkuna kanku, chanta imastataj ruwanku?

 Diospa Llajtanta Kamachejkunaqa uj juchʼuy grupo experienciayoj cristianos kanku. Chantapis paykunaqa jallpʼantinmanta Jehovaj testigosninta ñaupajman pusashanku. Chaytataj iskaynejmanta ruwanku.

 Diospa Llajtanta Kamachejkunaqa imaynatachus ñaupa tiempomanta cristianos ruwaj kanku ajinata ruwanku. Ñaupa tiempomanta Jerusalenpi apóstoles, ancianospis congregacionpi cristianos imastachus ruwanankuta ajllaj kanku. Jinapis paykunaqa mana patrones jinachu kamachej kanku (Hechos 15:2, 6). Diospa Llajtanta Kamachejkunapis mana patrones jinachu Jehovaj testigosninta kamachinku. Astawanpis Bibliata sumajta ukhunchanku, chayman jina imatapis ajllanankupaj. Chantapis sut’ita yachanku Jehová Diosqa, Jesucristota congregacionmanta umata jina churasqanta (1 Corintios 11:3; Efesios 5:23).

¿Pikunataj Diospa Llajtanta Kamachejkuna kanku?

 Paykunaqa kanku: Kenneth Cook, Samuel Herd, Geoffrey Jackson, Stephen Lett, Gerrit Lösch, Anthony Morris III, Mark Sanderson, David Splane ima. Paykunaqa Warwick llajtapi kaj centralniykupi llankʼashanku. Chaytaj Nueva Yorkpi kashan.

Diospa Llajtanta Kamachejkuna, ¿imaspitaj yanapakunku?

 Diospa Llajtanta Kamachejkunaqa, jallpʼantinpi Jehovaj testigosnin imatachus ruwanku, chaypi yanapanankupaj sojta comisionesta churanku. Sapa comisionpitaj paykunamanta uj chayri iskay yanapakunku.

  •   Coordinadores kajkunamanta Comisión. Kay comisionpi llankʼajkunaqa tukuy ima leyesman jina kananpaj qhawanku. Chantapis hermanosninchej jatun llakiykunapi rikhurejtinku, Diosta yupaychasqankurayku qhatiykachasqa kajtinku, manachayrí kaymanta jinalla ima llakiykunapipis rikukojtinku yanapanku.

  •   Llankʼajkunapaj Comisión. Kay comisionpi llankʼajkunaqa jallpʼantinpi Betel wasispi llankʼajkunaj, nisunman sucursalespi llankʼajkunaj allinninkuta maskʼanku.

  •   Publicacionespaj Comisión. Kay comisionpi llankʼajkunaqa publicaciones imprimikunanta, jallpʼantinmanta congregacionesman apachikunanta ima qhawanku. Chantá jallpʼantinpi Tantakuna Wasis, sucursales, traducinapaj oficinas ima, imaynatachus ruwakunanta qhawarinku.

  •   Willaypaj Comisión. Kay comisionpi llankʼajkunaqa ‘jallpʼantinpi Diospa Gobiernonmanta sumaj willaykuna’ willakunanta qhawarinku (Mateo 24:14).

  •   Yachachinapaj Comisión. Kay comisionpi llankʼajkunaqa tantakuykunapi, jinallataj escuelaspi, ima yachachiykunachus, ima videoschus, ima grabacioneschus llojsinanta qhawarinku.

  •   Qhelqajkunapaj Comisión. Kay comisionpi llankʼajkunaqa Diospa llajtanpaj yachachiykunata wakichinku. Chantapis Internetpi jw.org nisqa paginapi, ima yachachiykunachus llojsinanta, traducinapaj oficinaspi ima publicacioneschus traducikunanta ima qhawarinku.

 Diospa Llajtanta Kamachejkunaqa kay sojta comisionespi yanapakuspapis, paykunaqa sapa semana tantakullankutaj Diospa llajtan imastachus necesitasqanta qhawarinankupaj. Chay tantakuykunapeqa Bibliata ukhuncharinku, Diospa espíritu santontapis mañakunku sumaj yuyaychaykunata tarinankupaj, ajinamanta paykunaqa uj yuyayllaman chayanku (Hechos 15:25).

Diospa Llajtanta Kamachejkunata yanapajkuna

 Diospa Llajtanta Kamachejkunata yanapajkunaqa, sojta comisionespi tʼaqasqa kashanku. Sapa comisionpitaj sumaj wakichisqa, sumaj experienciayoj cristianos kashanku. Paykunaqa churasqa kanku Diospa Llajtanta Kamachejkunamanta hermanos imatachus encargasqankuta ruwanankupaj (1 Corintios 4:2). Chantapis paykunaqa Diospa Llajtanta Kamachejkunawan sapa semana tantakullankutaj. Chaypitaj Diospa Llajtanta Kamachejkunaman imatachus ukhunchasqankuta rikuchinku, imaynatachus ruwakunanmantapis parlarinku. Jinapis imaynatachus ruwakunantaqa, Diospa Llajtanta Kamachejkuna ajllanku. Chantapis Diospa Llajtanta Kamachejkunaqa, pikunachus paykunata yanapanku chaykunata waj suyuspi hermanosta visitarej rinankupaj kachanku. Kachasqa hemanostaj jatuchaj tantakuykunapi, manachayrí Galaad Escuelapi kaj hermanosta discursosninkuwan kallpacharinku.

YANAPAJKUNAJ SUTISNINKU

Comisión

Sutis

Coordinadores kajkunamanta Comisionpi yanapakun

  • John Ekrann

  • Paul Gillies

  • Troy Snyder

Llankʼajkunapaj Comisionpi yanapakunku

  • Daniel Molchan

  • Gerald Grizzle

  • Jeffrey Winder

  • Patrick LaFranca

  • Ralph Walls

Publicacionespaj Comisionpi yanapakunku

  • Alex Reinmueller

  • David Sinclair

  • Donald Gordon

  • Gajus Glockentin

  • Harold Corkern

  • Robert Butler

  • Robert Luccioni

Willaypaj Comisionpi yanapakunku

  • Baltasar Perla, Jr.

  • Christopher Mavor

  • Gage Fleegle

  • Gary Breaux

  • Joel Dellinger

  • Jonathan Smith

  • Leon Weaver, Jr.

  • Seth Hyatt

  • William Turner, Jr.

Yachachinapaj Comisionpi yanapakunku

  • David Schafer

  • Kenneth Flodin

  • Mark Noumair

  • Ronald Curzan

  • William Malenfant

Qhelqajkunapaj Comisionpi yanapakunku

  • Clive Martin

  • Gene Smalley

  • Hermanus van Selm

  • Izak Marais

  • James Mantz

  • Kenneth Godburn

  • Leonard Myers

  • Nicholas Ahladis

  • Robert Ciranko