Ari. Jehovaj testigosnenqa doctoresman jampichikoj riyku, jampista qowasqaykutapis ujyayku. Manchayta cuidakojtiykupis, wakin kutispi doctorman riyku (Lucas 5:31). Astawanpis Jehovaj testigosninmanta wakenqa, Lucas jinallataj doctores kanku (Colosenses 4:14).

Chaywanpis uj doctor imaynatachus jampiyta munawasqayku Bibliaj nisqanwan churanakun chayqa, waj jinamanta jampichikuyta maskʼayku. Sutʼincharinapaj, Biblia kamachiwanchej yawarta mana churachikunanchejta, chaytataj noqayku kasukuyku (Hechos 15:20). Chantapis Biblia juchachan tukuy laya layqerioswan jampikunata (Gálatas 5:19-21).

Chantapis, wakin imas jampichikunapajqa mana Bibliawan churanakunchu. Chayrayku sapa Jehovaj testigonqa ajllanan tiyan ima jampiwanchus jampichikunanta. Ichapis uj cristiano uj jinamanta jampichikuyta ajllanman wajkunataj chayta qhesachankuman (Gálatas 6:4, 5).