Bibliaqa yawarta mana mikhunata niwanchej. Chayrayku yawarta mana mikhunanchejchu tiyan. Chantapis mana yawarta churachikunanchejchu tiyan, nillataj yawarmanta orqhosqa jampistapis. Kay versiculosmanta yachakuna.

• Génesis 9:4. Jatun Para pasasqantawan Diosqa Noeman familianman ima nerqa animalespa aychankuta mikhuyta atisqankuta. Chantapis Noeman nillarqataj: “Uj imallata mana mikhunaykichejchu tiyan: Yawarniyoj aychata”, nispa. Tukuyninchej Noej familianmanta jamusqanchejrayku chay kamachiyta kasukunanchej tiyan.

• Levítico 17:14. “Ni ima kawsajpata yawarninta [mikhunaykichejchu tiyan], imaraykuchus tukuy ima kawsajpata yawarnimpi kawsaynin kashan. Chayrayku yawarta mikhoj runaqa wañuchisqa kanqa”. Diospajqa, yawarninchej kausaywan ninakun, kausaytaj Diosmanta jamun. Kay ley israelitasman qosqa kajtinpis rikuchiwanchej imaynatachus Dios yawarta qhawasqanta.

• Hechos 15:20. Diosqa cristianosman, Noej tiemponpi jinallataj kamacherqa mana yawarta mikhunankuta. Yachakusqanman jina ñaupa tiempomanta cristianosqa yawarta mana mikhojchu kanku, nitaj jampita jinachu qhawaj kanku.

¿Imaraykutaj yawarta qhesachananchejta Dios niwanchej?

Doctores nisqankuman jina yawarta churachikuspaqa onqoykusunman. Jina kajtinpis Diosqa mana chayraykuchu yawarta mana mikhunata niwanchej, manachayqa paypaj yawar kausaywan ninakusqanrayku (Levítico 17:11; Colosenses 1:20).