Kaytaqa ashkha runas tapukunku. Wakenqa ichapis ninku: “¿Imapajtaj kausanchej?”, nispa. Bibliaqa niwanchej Diospa amigon kanapaj ruwasqa kasqanchejta. Chayta yachanapaj Bibliaj nisqantapuni qhawarina.

•   Dios ruwawarqanchej. Bibliaqa nin: “Diospuni [...] ruwawarqanchej, manataj noqanchej kikinchejchu ruwakorqanchej”, nispa (Salmo 100:3; Apocalipsis 4:11).

•   Diosninchejqa mana imatapis qhasillapajchu ruwarqa. Nillataj runastapis (Isaías 45:18).

•   Diosqa paymanta ‘yachakuyta munanapaj’, kusisqa kanapaj ima ruwawarqanchej (Mateo 5:3). Chayrayku payqa munan kusisqa kausakunanchejta, paymantataj yachakunanchejta (Salmo 145:16).

•   Diosmanta astawan yachakunchej, payta rejsinapaj, amigontaj kanapaj kallpachakuspa. Biblia niwanchej: “Diosman qayllaykuychej, paytaj qankunaman qayllaykamusonqachej”, nispa (Santiago 4:8; 2:23).

•   Diospa amigosnin kanapajqa, pay munasqanman jina kausakuna tiyan. Bibliaqa niwanchej: “Diosta manchachikuy, kamachisqasnintataj juntʼay. Kay imasllata runaqa astawan ruwanan tiyan”, nispa (Eclesiastés 12:13).

•   Diosninchej tukuy llakiykunata chinkachejtin, wiñay kausaytataj payta kasukojkunaman qojtin, Diospa munaynin juntʼakonqa (Salmo 37:10, 11).