2023
Komemorason di Mortu di Jesus
Ke ku si sakrifisiu signifika pa bo?
No na kumbidau pa dus iventus sin paga nada:
-
Diskursu spesial basiadu na Biblia, “Bu pudi tene konfiansa di kuma bu na bin tene un bon futuru!”
-
Komemorason di Mortu di Jesus.
Komemorason di Mortu di Jesus
Tersa-fera, 4 di Abril di 2023
Un bias kada anu, Tustumuñas di Jeova ta komemora mortu di Jesus suma ki da ordi oca i fala: “Bo fasi es pa ña lembransa.” — Lukas 22:19.
DISKURSU SPESIAL BASIADU NA BIBLIA
“Bu pudi tene konfiansa di kuma bu na bin tene un bon futuru!”
Es diskursu na fasidu un fin di semana puku antis di Memorial. I na fala di kuma ku no pudi tene mas konfiansa aserka di futuru si no disinvolvi no amisadi ku Jeova Deus. Mortu di Jesus pui pa es amisadi sedu pusivel.
Purguntas ku kustuma fasidu
Kantu tempu ku programa ta dura?
I ta dura serka di un ora.
Na nunde ki na fasidu nel?
Papia kun Tustumuña di Jeova na bu zona pa tene mas informason.
Sera ki bu ta paga pa pudi mati?
Nau.
Sera ki i ta pasadu algun kusa pa pidi diñeru?
Nau. Tustumuñas di Jeova nunka ka ta pasa nada pa pidi diñeru na se runions.
Sera ki e ta bisti tudu di uniku manera?
Nes iventu i ka ten un uniku manera di bisti, Tustumuñas di Jeova ta sforsa pa sigi konsiju ku sta na Biblia di bisti di manera simplis i ku rispitu. (1 Timótiu 2:9). Bu ropa ka pirsisa di sedu karu.
Ke ku na kontisi na Memorial?
Runion ta kumsa i kaba ku kantiku, tambi un Tustumuñas di Jeova ta fasi orason. Parti prinsipal di komemorason i diskursu ku na splika importansia di mortu di Jesus i kuma ku no pudi benefisia di ke ku Deus ku Kristu fasi pa nos.
Pa tene mas informason jubi artigu “A Ceia do Senhor — porque é que as Testemunhas de Jeová a celebram de modo diferente?”
Pa aprindi mas jubi es videos asegir.
Jubi un amostra di futuru bunitu ku no na bin tene, ku mortu di Jesus pui pa i sedu pusivel.
Talves bu obi ja di kuma i muri pa no pekadus. Ma sera ki sakrifisiu di un omi pudi benefisia milyons di jintis?