Luslahng audepe kan

luslahng audepe kan

 IREN MEHN KASUKUHL 7

Ihmw Ileile en Papel

Ihmw Ileile en Papel

Mwurin Nohliko, nein Noha pwutak ko oh arail pwoud ko nainekihda seri tohto. Arail peneinei lalaudla, oh irail tepida kohpeseng wasa teikan nin sampah, duwehte me Siohwa mahsanihong irail en wia.

Ahpw ekei peneinei ko sohte peikiong Siohwa. Irail nda: ‘Kitail wiahda kahnimw ehu oh mihmi wasaht. Kitail pahn wiahda ihmw ileile ehu me pahn leldalahng pahnlahng. Kitail eri pahn ndandla.’

 Siohwa sohte kupwurperenki dahme aramas ako wiewia, eri e ketin koasoanehdi en kauhdi irail. Ke ese ia mwomwen eh ketin wia met? Ni ahnsowohte E ketin kahrehiong irail en lokaiahki soangsoangen lokaia kan. Pwehki ar sohla kak wehwehki emenemen, irail uhdihsang arail kokou ihmwo. Kahnimw me irail wiewiao adanekihla Papel, me wehwehki “Pingida.” Aramas akan tepida kohpeseng oh kousoanla wasa koaros nin sampah. Ahpw irail kin wiewiahte soahng suwed kan nan wasa kan me irail kousoanla ie. Ia duwe, miehte me kin poakohng Siohwa? Kitail pahn diarada nan irelaud en mwurin met.

“Me kin aklapalapki pein ih, pahn tikitikla; a me kin aktikitingki pein ih, pahn lapalapala.”​—Luk 18:14