PEIDEK 6
Dahme Paipel Kohpada Duwen Mesaia?
KOKOHP
“A kowe, Pedleem Eprata, . . . sang rehmw emen pahn kohdo me pahn wiahla kaun nan Israel ong ie.”
PWEIDA
“Mwurin Sises eh ketin ipwidi nan Pedleem en Sudia ni mwehin nanmwarki Erod, kilang! sounkasawih usu kan ong dahme pahn wiawi ahnsou kohkohdo sang Palimese ahpw leledo Serusalem.”
KOKOHP
“Re nehkpeseng ei likou ko nanpwungarail, oh re usuhski ei likou.”
PWEIDA
“A ni sounpei ko ar pasurdiong Sises nin tuhkeo, re ahpw ale sapwellime likou puhp ko oh nehkpeseng ni pwais pahieu . . . Ahpw likou reireio sohte deideipene pwehki e peipeida sang powe lel pah. Irail eri ndapene nanpwungarail: ‘Kitail dehr tehrpeseng, ahpw kitail usuhski ihs me pahn ahneki.’”
KOKOHP
“E kin ketin pere ih, sinsile tih kan koaros; sohte tih pwoat reh me timpeseng.”
PWEIDA
“Ni arail patohla rehn Sises, re kilangada me e pwoulahr, irail eri sohte katimpeseng aluweluwe ko.”
KOKOHP
“E dokdi pwehki dipat kan.”
PWEIDA
“Emen sounpei ko doakoahki ketieu ni pengepenge oh ahnsowohte nta oh pihl ahpw kusieisang.”
KOKOHP
“Re kihdo pweinei, mwohni silper 30.”
PWEIDA
“Emen meh Ehk Riemeno, me adaneki Sudas Iskariot, ahpw kohla rehn kaunen samworo ko oh nda: ‘Dahme kumwail pahn kihong ie pwe I en pangohng kumwail ih?’ Re ahpw pwungkipene ren kihong ih silper 30.”
