Melkahka kan 119:1-176
-
Kalahnganki sapwellimen Koht mahsen kesempwal
-
‘Ia duwen mwahnakapw kan ar kak kolokol ar mour mwakelekel?’ (9)
-
“I kin perenki sapwellimomwi mehn kataman kan” (24)
-
“Sapwellimomwi mahsen, iei me ei koapworopwor” (74, 81, 114)
-
“Ia uwen ei poakohng sapwellimomwi kosonned!” (97)
-
“Loalokongsang ei sounpadahk kan koaros” (99)
-
“Sapwellimomwi mahsen iei lamp me kin kahluwa nehi kat” (105)
-
“Sapwellimomwi mahsen pwon me mehlel” (160)
-
Mie popohl ong irail me kin poakohng kosonned en Koht (165)
-
א [Aleph]
119 Meid peren irail kan me sohte karaunparail* nan ar mour,Me kin weweidki kosonned en Siohwa.+
2 Meid peren irail kan me kin kapwaiada sapwellime mehn kataman kan,+Me kin rapahki ih nan ar mohngiong unsek.+
3 Re sohte kin wia me suwed;Re kin weweid nan sapwellime ahl akan.+
4 Komw ketin kehkehlingkihongkitehrSen kapwaiada sapwellimomwi koasoandi kan ni keneinei.+
5 Ma I kak kesikesihnente teng*+Pwe I en kapwaiada sapwellimomwi koasoandi kan!
6 Eri I sohte pahn namenekla+Ni ei medemedewe sapwellimomwi kehkehlik kan koaros.
7 I pahn kapinga komwi ni mohngiong mehlelNi ei esehla sapwellimomwi kosonned* pwung kan.
8 I pahn kapwaiada sapwellimomwi koasoandi kan.
Komw dehr ketin keseiehla douluhl.
ב [Beth]
9 Ia duwen mwahnakapw men eh kak kolokol eh mour mwakelekel?
Ni eh mour pahrekiong sapwellimomwi mahsen.+
10 Nan ei mohngiong unsek I kin rapahkin komwi.
Komw dehr ketin mweidohng ie I en sohpeisang sapwellimomwi kehkehlik kan.+
11 Nan ei mohngiong I kin kesempwalki* dahme komw kin ketin mahsanih+Pwe I en dehr dipada ong komwi.+
12 Maing Siohwa, kaping en kohwong komwi;Komw ketin padahkihong ie sapwellimomwi koasoandi kan.
13 I kin lohkiKosonned* koaros me komw ketin mahsaniher.
14 I kin perenkihda sapwellimomwi mehn kataman kan+Laudsang soahng kesempwal teikan koaros.+
15 I pahn medemedewe* sapwellimomwi kehkehlik kan+Oh kilikilangete alomwi kan.+
16 I kin perenki sapwellimomwi koasoandi kanI sohte pahn manokehla sapwellimomwi mahsen.+
ג [Gimel]
17 Komw ketin kadekohng sapwellimomwi ladu menet,Pwe I en momour oh kapwaiada sapwellimomwi mahsen.+
18 Komw ketin kapehdpeseng pwoaren mesei kat pwe I en kak kilang mwahuSoahng kapwuriamwei kan nan sapwellimomwi kosonnedo.
19 Ngehi mehn liki men nan sahpwet.+
Komw dehr ketin ekihsang ie sapwellimomwi kehkehlik kan.
20 I tihwohkilahr ei kin men eseSapwellimomwi kosonned* kan ahnsou koaros.
21 Komw kin ketin angiangih me aklapalap* kan,Me riahla kan me wetsang sapwellimomwi kehkehlik kan.+
22 Komw ketin kauhdi* ar kin mwamwahlikin ie oh kepitkin ie,Pwe I kin kapwaiada sapwellimomwi mehn kataman kan.
23 Pil ni lapalap kan ar kin mwohdpene oh koasoiahkin ie soahng suwed kan,Sapwellimomwi ladu menet kin medemedewe* sapwellimomwi koasoandi kan.
24 I kin perenki sapwellimomwi mehn kataman kan;+Mepwukat me wia ei sounkaweid.+
ד [Daleth]
25 I lukupoardi nan pwelpar.+
Komw ketin mweidohng ie I en momour nin duwen me komw ketin mahsaniher.+
26 I patohwanohng komwi mehkoaros me I wiadahr, oh komw ketin sapengieier;Komw ketin padahkihong ie sapwellimomwi koasoandi kan.+
27 Komw ketin sewese ie I en wehwehkihla wehwehn* sapwellimomwi kehkehlik kan,Pwe I en kak medemedewe* sapwellimomwi wiewia kapwuriamwei kan.+
28 I sohte kin kak meir pwehki pahtou.
Komw ketin kakehleiehda nin duwen omwi ketin mahsaniher.
29 Komw ketikihsang ie elen likamw,+Oh komw ketin kupwuramwahwihkin ie sapwellimomwi kosonned.
30 Elen lelepek me I piladahr.+
I kin pohnese me sapwellimomwi kosonned* kan me pwung.
31 I kin tengediong sapwellimomwi mehn kataman kan.+
Maing Siohwa, komw dehr ketin mweidohng ie I en nsensuwedla.*+
32 I pahn ngoangki idawehn* sapwellimomwi kehkehlik kanPwehki omwi ketin wiahda dewe nan ei mohngiong.*
ה [He]
33 Maing Siohwa, komw ketin padahkihong ie+ duwen ei pahn weweid nan sapwellimomwi koasoandi kan,Oh I pahn kin ideidawehn lao lel ni imwi.+
34 Komw ketikihong ie koahiek en wehwehki,Pwe I en kak kapwaiada sapwellimomwi kosonnedOh kolokol met nan ei mohngiong unsek.
35 Komw ketin kahluwa ie* nan elen sapwellimomwi kehkehlik kan,+Pwe iei met me I kin perenki.
36 Komw ketin kamwakid ei mohngiong en poakohng sapwellimomwi mehn kataman kan,A kaidehn pein kamwahupei.+
37 Komw ketin kasohpeila mesei kat en dehr kilikilang soahng soh katepe;+Komw ketin mweidohng ie I en momour nan sapwellimomwi ahl.
38 Komw ketin kapwaiada sapwellimomwi inou* ong sapwellimomwi ladu menet,Pwe aramas akan en lemmwikin komwi.*
39 Komw ketikihsang ie kanamenek me I kin masak,Pwe sapwellimomwi kopwung kan me mwahu.+
40 Komw ketin mahsanih uwen ei inengieng sapwellimomwi koasoandi kan.
Komw ketin mweidohng ie I en momour sang ni sapwellimomwi pwung.
ו [Waw]
41 Maing Siohwa, I en kehn sapwellimomwi limpoak loalopwoat,+Sapwellimomwi komour me pahrekiong sapwellimomwi inou;*+
42 I ahpw pahn sapeng me kin kapailoke ie,Pwe I kin likih sapwellimomwi mahsen.
43 Komw dehr ketikihsang douluhl mahsen mehlel nan eweiet,Pwe I kin koapworopworki* sapwellimomwi kopwung.
44 I pahn kapwaiada sapwellimomwi kosonned ahnsou koaros,Oh pil kohkohlahte.+
45 I pahn alialuseli nan wasa sohte keper,*+Pwe I kin rapahki sapwellimomwi koasoandi kan.
46 I pahn koasoia sapwellimomwi mehn kataman kan mwohn nanmwarki kan,Oh I sohte pahn namenengki.+
47 I perenki sapwellimomwi kehkehlik kan,Ei, I poakohng mepwukat.+
48 I pahn kapakap ni ei kapahda pehi kat pwehki sapwellimomwi kehkehlik kan me I kin poakohng,+Oh I pahn medemedewe* sapwellimomwi koasoandi kan.+
ז [Zayin]
49 Komw ketin tamataman sapwellimomwi mahsen* ong sapwellimomwi ladu menet.
Sang ni mahsen wet, komw kin ketikihong ie koapworopwor.*
50 Ih met me kin kansenamwahwih ie nan ei lokolok,+Pwe sapwellimomwi mahsen me kahrehiong ei momour.
51 Me aklapalap* kan kin uhdahn mwamwahlikin ie,Ahpw I sohte kin sohpeisang sapwellimomwi kosonned.+
52 Maing Siohwa, I kin tamataman sapwellimomwi kadeik en mahs ko,+Oh mepwukat kin kansenamwahwih ie.+
53 I kin lingeringerkihda aramas suwed,Me kin kesehla sapwellimomwi kosonned.+
54 Sohte lipilipil wasa me I mi ie*Sapwellimomwi koasoandi kan me wia audepen ei koul kan.
55 Maing Siohwa, I kin tamataman mwaromwi nipwong,+Pwe I en kak kapwaiada sapwellimomwi kosonned.
56 Ih me I kin wiewiaPwehki I kapwaiadahr sapwellimomwi kehkehlik kan.
ח [Heth]
57 Siohwa me pwaisei;+I inoukidahr I en kapwaiada sapwellimomwi mahsen kan.+
58 I patohwan pekipeki rehmwi* sang nan ei mohngiong unsek;+Komw ketin kupwuramwahwih ie+ nin duwen me komw ketin inoukidahr.*
59 I kasawiher elei kan,Pwe I en pwurehng idawehn sapwellimomwi mehn kataman kan.+
60 I kin mwadang oh sohte kin pwandEn kapwaiada sapwellimomwi kehkehlik kan.+
61 Nein me suwed kan sahl kin kapiliepene,Ahpw I sohte kin manokehla sapwellimomwi kosonned.+
62 I kin pwourda nin lukepen pwong pwe I en kapingkalahngankihong komwi+Sapwellimomwi kosonned* pwung kan.
63 I kin kompoakepahnki irail koaros me kin lemmwikin komwiOh irail akan me kin kapwaiada sapwellimomwi kehkehlik kan.+
64 Maing Siohwa, sapwellimomwi limpoak loalopwoat kin kadirehla sampah;+Komw ketin padahkihong ie sapwellimomwi koasoandi kan.
ט [Teth]
65 Maing Siohwa, komw kin ketin mwahu ong sapwellimomwi ladu menet,Duwehte me komw ketin inoukidahr.*
66 Komw ketin padahkihong ie lamalam mwahu oh loalokong,+Pwe I kin likih sapwellimomwi kehkehlik kan.
67 I kin salongala* mwohn ei mihla nan lokolok,Ahpw met I kin kapwaiada sapwellimomwi mahsen.+
68 Komwi me kupwur mwahu+ oh sapwellimomwi wiewia kan me mwahu.
Komw ketin padahkihong ie sapwellimomwi koasoandi kan.+
69 Me aklapalap* kan kin iriskiniehla likamw,Ahpw I kin kapwaiada sapwellimomwi kehkehlik kan nan ei mohngiong unsek.
70 Arail mohngiong sohte kin pehm mehkot,*+Ahpw I kin perenki sapwellimomwi kosonned.+
71 E mwahu ei mihla nan lokolok,+Pwe I en esehla sapwellimomwi koasoandi kan.
72 Kosonnedo me komw ketin lohkidahr kin mwahu ong ie,+Mwahusang mwohni kohl oh silper kid kei.+
י [Yod]
73 Nin limomwi kan me wiaiehda oh kaunopiehda.
Komw ketikihong ie koahiek en wehwehki,Pwe I en kak esehla sapwellimomwi kehkehlik kan.+
74 Irail akan me kin lemmwikin komwi kin kilang ie oh perenda,Pwe sapwellimomwi mahsen, iei me ei koapworopwor.*+
75 Maing Siohwa, I ese me sapwellimomwi kadeik kan me pwung+Oh me komwi ketin kalokeieier pwehki omwi lelepek.+
76 Komw kupwurkalahngan oh kansenamwahwihkin ie sapwellimomwi limpoak loalopwoat,+Nin duwen inou* me komw ketin wiahiongehr sapwellimomwi ladu menet.
77 Komw ketin kasalehiong ie kadek kalahngan pwe I en kak momourte,+Pwehki I kin perenki sapwellimomwi kosonned.+
78 Me aklapalap* kan en namenekla,Pwe re kin wiahiong ie me suwed ni soh kahrepe.*
Ahpw ngehi, I pahn medemedewe* sapwellimomwi kehkehlik kan.+
79 Irail akan me kin lemmwikin komwi en pwurodo rehi,Irail akan me ese sapwellimomwi mehn kataman kan.
80 En sohte karaunpen ei mohngiong ni ei kin ideidawehn sapwellimomwi koasoandi kan,+Pwe I en dehr namenekla.+
כ [Kaph]
81 I kin ngoangki awiawih sapwellimomwi komour,+Pwe sapwellimomwi mahsen, iei me ei koapworopwor.*
82 Pwoaren mesei kat uhdahn men kilang sapwellimomwi mahsen eh pweida+Ni ei kin ndinda: “Iahd me komw pahn ketin kansenamwahwih ie?”+
83 Pwe I duwehte ehden pihl* ehu me madada nan ediniei,Ahpw I sohte kin manokehla sapwellimomwi koasoandi kan.+
84 Rahn depe me sapwellimomwi ladu menet pahn awiawih?
Iahd me komw pahn ketin kadeikada irail akan me kin kaloke ie?+
85 Me aklapalap* kan weirada pwoahr kei pwe I en pwupwudiong loale,Irail akan me kin uhwong sapwellimomwi kosonned.
86 Sapwellimomwi kehkehlik kan koaros me likilik.
Aramas akan kin kaloke ie ni soh kahrepe; komw ketin sewese ie!+
87 Irail kereniong kasohreiehsang nin sampah,Ahpw I sohte kesehla sapwellimomwi kehkehlik kan.
88 Pwehki sapwellimomwi limpoak loalopwoat, komw ketin mweidohng ie I en momour,Pwe I en kak kapwaiada mehn kataman kan me komw ketin mahsaniher.
ל [Lamed]
89 Maing Siohwa,Sapwellimomwi mahsen pahn mihmihte nanleng kohkohlahte.+
90 Sapwellimomwi lelepek kin mihmihte erein dih kan koaros.+
Komw ketin koasoanedier teng sampah, oh e kin mihmihte.+
91 Pwehki sapwellimomwi kosonned,* mepwukat* mihmihte leledo rahnwet,Pwe mepwukat koaros iei sapwellimomwi ladu.
92 Ma I sohte kin perenki sapwellimomwi kosonned,I pahn sohrala nan ei lokolok.+
93 I sohte mwahn pahn manokehla sapwellimomwi kehkehlik kan,Pwehki omwi ketin mweidohng ie I en momour sang ni mepwukat.+
94 Sapwellimomwi ngehi, komw ketin doareiehla,+Pwehki I kin rapahki sapwellimomwi kehkehlik kan.+
95 Aramas suwed kin awiawih pwe ren kemeiehla,Ahpw I kin tetehk ni keneinei sapwellimomwi mehn kataman kan.
96 I kilangehr me mie irepen mehkoaros me unsek,Ahpw sohte irepen* sapwellimomwi kehkehlik.
מ [Mem]
97 Ia uwen ei poakohng sapwellimomwi kosonned!+
I kin medemedewe* rahn ehu pwon.+
98 Sapwellimomwi kehkehlik kin kahrehiong ei loalokongsang ei imwintihti kan,+Pwehki e kin mihmi rehi kohkohlahte.
99 I loalokongsang ei sounpadahk kan koaros,+Pwehki I kin medemedewe* sapwellimomwi mehn kataman kan.
100 I koahiek sang me mah kan ni ei kin mwekidki erpit,Pwehki ei kin kapwaiada sapwellimomwi kehkehlik kan.
101 I kin kahng alu nan elen me suwed kan,+Pwe I en kapwaiada sapwellimomwi mahsen.
102 I sohte kin sohpeisang sapwellimomwi kosonned* kan,Pwe komw ketin padahkihieier.
103 Ia uwen mem en sapwellimomwi mahsen kan ni loweiet,E mem sang sukehn loangalap!+
104 I kin mwekidki erpit sang ni sapwellimomwi kehkehlik kan.+
Ihme kahrehda I kin kailongki ahl likamw koaros.+
נ [Nun]
105 Sapwellimomwi mahsen iei lamp me kin kahluwa nehi kat,Oh marain me kin kamarainih elei kan.+
106 I kahukilahr inou ehu, oh I pahn kapwaiada,Pwe I en kapwaiada sapwellimomwi kosonned* pwung kan.
107 I kin wie lokolok laud.+
Maing Siohwa, komw ketin mweidohng ie I en momour nin duwen sapwellimomwi inou.*+
108 Maing Siohwa, komw kalahngan oh ketin kupwurperenki ei meirong en kapingkalahngan me I nsenki wiahda,*+Oh ketin padahkihong ie sapwellimomwi kosonned* kan.+
109 Ei mour kin mi nan keper ahnsou koaros,Ahpw I sohte manokehla sapwellimomwi kosonned.+
110 Me suwed kin lidipih ie,Ahpw I sohte sohpeisang sapwellimomwi kehkehlik kan.+
111 I aleier sapwellimomwi mehn kataman kan oh I pahn kolokol ahnsou koaros,*Pwe mepwukat iei kaperenpen mohngiongi.+
112 I koasoanedier teng* I en peikiong sapwellimomwi koasoandi kanAhnsou koaros, lel ni imwi.
ס [Samekh]
113 I kin kailongki irail kan me sohte kin loalopwoat ong komwi ni unsek,*+Ahpw I kin poakohng sapwellimomwi kosonnedo.+
114 Komwi me ei wasahn ruk oh ei mehn sansar,+Pwe sapwellimomwi mahsen, iei me ei koapworopwor.*+
115 Kumwail aramas suwed kan, kumwail keiweisang ie,+Pwe I en kapwaiada kehkehlik en ei Koht.
116 Komw ketin utung ie duwehte me komw ketin inoukidahr,*+Pwe I en kak momourte;Komw dehr ketin mweidohng ei koapworopwor en wiahla mehkot kamworus.*+
117 Komw ketin utung ie pwe I en kak pitila;+I ahpw pahn tetehk mwahu sapwellimomwi koasoandi kan ahnsou koaros.+
118 Komw kin ketin soikala irail koaros me kin sohpeisang sapwellimomwi koasoandi kan,+Pwe re me likamw oh widing.
119 Komw kin ketin kesehla aramas suwed koaros en sampah duwehte ma irail mehkot me sohte katepe.*+
Ihme kahrehda I kin poakohng sapwellimomwi mehn kataman kan.
120 Ei masak komwi kin kahrehiong paliwereiet* eh rerrer;I masak sapwellimomwi kadeik kan.
ע [Ayin]
121 I kin wia dahme pwung oh pahrek.
Komw dehr ketin keseiehla rehn irail kan me pahn kaloke ie!
122 Komw ketin inoukihong ie me komw pahn ketin sewese sapwellimomwi ladu menet;Me aklapalap* kan en dehr kaloke ie.
123 Pwoaren mesei kat ediedkilahr ei awiawih sapwellimomwi komour+Oh sapwellimomwi inou* pwung.+
124 Komw ketin kasalehda limpoak loalopwoat ong sapwellimomwi ladu menet,+Oh padahkihong ie sapwellimomwi koasoandi kan.+
125 Sapwellimomwi ladu ngehi; komw ketikihong ie koahiek en wehwehki,+Pwe I en esehla sapwellimomwi mehn kataman kan.
126 E lelehr ahnsou me Siohwa pahn ketin mwekid,+Pwehki re kauwelahr sapwellimomwi kosonned.
127 Ihme kahrehda I kin poakohng sapwellimomwi kehkehlik kanLaudsang kohl, oh pil kohl kaselel.*+
128 Kahrehda I kin wiahki kaweid* koaros sang rehmwi me pwung,+I kin kailongki elen likamw koaros.+
פ [Pe]
129 Sapwellimomwi mehn kataman kan me inenen kaselel.
Ihme kahrehda I kin kapwaiada mepwukat.
130 Kawehwehpen sapwellimomwi mahsen kan kin wahdo marain,+Oh e kin sewese me soaloalokong kan ren kin wehwehki.+
131 I kin sarapeseng laud oh esingekda,*Pwehki I inengieng sapwellimomwi kehkehlik kan.+
132 Komw ketin sohpeidohng ie oh kasalehiong ie kupwuramwahu,+Duwehte ahnsou koaros me komw kin ketin wiahiong* irail kan me poakohng mwaromwi.+
133 Komw ketin kahluwa ei kahk kan ni keneinei* sang ni sapwellimomwi mahsen;Komw dehr ketin mweidohng mehkot suwed en kauniehda.+
134 Komw ketin doareiehla* sang aramas akan me kin kaloke ie,Oh I pahn kapwaiada sapwellimomwi kehkehlik kan.
135 Komw ketin dakerkihda sapwellimomwi ladu menet silangomwi,*+Oh padahkihong ie sapwellimomwi koasoandi kan.
136 Pilen mesei kan kin kerekerediPwehki aramas akan ar sohte kin kapwaiada sapwellimomwi kosonnedo.+
צ [Tsade]
137 Maing Siohwa, komwi me pwung,+Oh sapwellimomwi kopwung kan kin pahrek.+
138 Mehn kataman kan me komw kin ketikihdo me pwungOh uhdahn likilik.
139 Ei poadidiong komwi kin rasehng kisiniei me lullul loaleiet,+Pwehki ei imwintihti kan manokelahr sapwellimomwi mahsen kan.
140 Sapwellimomwi mahsen uhdahn min,*+Oh sapwellimomwi ladu menet kin poakohng met.+
141 Aramas teikan sohte kin kesempwalkin ie oh re kin mwamwahlikin ie;+Ahpw I sohte kin manokehla sapwellimomwi kehkehlik kan.
142 Sapwellimomwi pwung kin pwung kohkohlahte,+Oh sapwellimomwi kosonned kin mehlel.+
143 Mendahki kapwunod oh kahpwal kin lelohng ie,I kin pereperenkihte sapwellimomwi kehkehlik kan.
144 Sapwellimomwi mehn kataman kan kin pwung kohkohlahte.
Komw ketikihong ie koahiek en wehwehki,+ pwe I en kak momourte.
ק [Qoph]
145 Maing Siohwa, I patohwan likweriong komwi ni mohngiong unsek. Komw ketin sapeng ie.
I pahn kapwaiada sapwellimomwi koasoandi kan.
146 I patohwan likweriong komwi; komw ketin doareiehla!
I pahn kapwaiada sapwellimomwi mehn kataman kan.
147 I pirida mwohn nin sohrahn* pwe I en likwer peksawas,+Pwe sapwellimomwi mahsen kan iei me ei koapworopwor.*
148 I kin pirida erein awahn silasil kan nipwong,Pwe I en kak medemedewe* sapwellimomwi mahsen kan.+
149 Komw ketin karonge ngileiet pwehki sapwellimomwi limpoak loalopwoat.+
Maing Siohwa, komw ketin mweidohng ie I en momour pwehki sapwellimomwi pwung pahrek.
150 Irail akan me kin wia tiahk kanamenek* kin kerendohng ie;Irail uhdahn dohsang sapwellimomwi kosonned.
151 Maing Siohwa, komwi ketiket limwahi,+Oh sapwellimomwi kehkehlik kan koaros me mehlel.+
152 Mahso, I sukuhlkihdi sapwellimomwi mehn kataman kan,Me komw ketin koasoanedier en mihmi kohkohlahte.+
ר [Resh]
153 Komw ketin mahsanih ei lokolok oh ketin doareiehla,+Pwe I sohte kin manokehla sapwellimomwi kosonned.
154 Komw ketin pere ie* oh kapitiehla;+Komw ketin mweidohng ie I en momour duwehte me komw ketin inoukidahr.*
155 Komour kin uhdahn dohsang aramas suwed,Pwe re sohte kin rapahki sapwellimomwi koasoandi kan.+
156 Maing Siohwa, sapwellimomwi kadek kalahngan me inenen laud.+
Komw ketin mweidohng ie I en momour pwehki sapwellimomwi pwung pahrek.
157 Irail akan me kin kaloke ie oh ei imwintihti kan, me tohto;+Ahpw I sohte kin sohpeisang sapwellimomwi mehn kataman kan.
158 Ni ei kin kilang me widing kan, I kin sautkin irail,Pwehki re sohte kin kapwaiada sapwellimomwi mahsen.+
159 Komw ketin mahsanih uwen ei kin poakohng sapwellimomwi kehkehlik kan!
Maing Siohwa, pwehki sapwellimomwi limpoak loalopwoat, komw ketin mweidohng ie I en momour.+
160 Sapwellimomwi mahsen pwon me mehlel,+Oh sapwellimomwi kosonned* pwung koaros kin mihmi kohkohlahte.
ש [Sin] de [Shin]
161 Me lapalap akan kin kaloke ie+ ni soh kahrepe,Ahpw ei mohngiong kin lemmwiki sapwellimomwi mahsen kan.+
162 I perenkihda sapwellimomwi mahsen+Duwehte aramas me diarada dipwisou lohdi tohto.
163 I kin kailongki likamw—I tatki+—
I kin poakohng sapwellimomwi kosonnedo.+
164 I kin kapinga komwi pak isuh nan rahn ehuPwehki sapwellimomwi kosonned* pwung kan.
165 Irail akan me kin poakohng sapwellimomwi kosonned kin ahneki popohl mwuledek;+Sohte mehkot kak kadipekelekele irail.*
166 Maing Siohwa, I kin koapworopworki sapwellimomwi wiewiahn komour kan,Oh I kin kapwaiada sapwellimomwi kehkehlik kan.
167 I kin kapwaiada sapwellimomwi mehn kataman kan,Oh I uhdahn poakohng mepwukat.+
168 I kin kapwaiada sapwellimomwi kehkehlik kan oh mehn kataman kan,Pwe komw kin ketin mwahngih mehkoaros me I kin wia.+
ת [Taw]
169 Maing Siohwa, ei likwer en peksawas en lelewohng rehmwi.+
Komw ketikihong ie wehwe mwahu, sang ni dahme komw ketin mahsaniher.+
170 Ei peki kupwuramwahu en lelewohng mwohn silangomwi.
Komw ketin doareiehla nin duwen me komw ketin inoukidahr.*
171 Kilin eweiet en direkihla kaping,+Pwe komwi kin ketin padahkihong ie sapwellimomwi koasoandi kan.
172 Loweiet en kin koulki sapwellimomwi mahsen,+Pwe sapwellimomwi kehkehlik kan koaros me pwung.
173 Nin limomwi en onopadahng sewese ie,+Pwehki ei pilada en peikiong sapwellimomwi kehkehlik kan.+
174 Maing Siohwa, I kin ngoangki awiawih sapwellimomwi komour,Oh I kin perenki sapwellimomwi kosonned.+
175 Komw ketin mweidohng ie I en momour pwe I en kapinga komwi;+Sapwellimomwi kosonned* kan en sewese ie.
176 I salongalahr duwehte sihpw salongala men.+ Komw ketin rapahki sapwellimomwi ladu menet,Pwe I sohte manokehla sapwellimomwi kehkehlik kan.+
ntp
^ De “me kin kolokol ar loalopwoat.”
^ LI, “Elei kan koasoansoandi teng.”
^ LI, “kadeik.”
^ De “nekidala mwahu.”
^ LI, “Kadeik.”
^ De “onopki.”
^ LI, “kadeik.”
^ LI, “Katapwurehsang pohi.”
^ De “onopki.”
^ LI, “elen.”
^ De “onopki.”
^ LI, “kadeik.”
^ De “namenekla.”
^ LI, “tang nan elen.”
^ De kakete, “omwi ketin wiahiong ei mohngiong en kamehlele.”
^ De “wiahiong ie I en keid.”
^ De “mahsen.”
^ De kakete, “Me wiawihda ong irail akan me kin lemmwikin komwi.”
^ De “mahsen.”
^ De “I kin awiawih.”
^ De “wasa maledek ehu.”
^ De “onopki.”
^ De “inou.”
^ De “Komw ketin wiahiong ie I en awih pweidahn mahseno.”
^ De “Nan ihmw me I kin kousoan ie nin duwen mehn liki men.”
^ De “I rapahki sirei en silangomwi.”
^ De “mahsaniher.”
^ LI, “kadeik.”
^ De “mahsaniher.”
^ De “I kin wiahda dihp ni ei sapwungala.”
^ LI, “sohte kin kehn wasa, duwehte kirihs.”
^ De “I kin awiawih sapwellimomwi mahsen.”
^ De “mahsen.”
^ De kakete, “ni lokaia likamw.”
^ De “onopki.”
^ De “I kin awiawih sapwellimomwi mahsen.”
^ Ehd me wiawihkihda kilin mahn.
^ LI, “kadeik.”
^ Me iei, sapwellime kepikipik kan koaros.
^ LI, “uhdahn tehlap.”
^ De “onopki.”
^ De “onopki.”
^ LI, “kadeik.”
^ LI, “kadeik.”
^ De “mahsen.”
^ LI, “meirong me I nsenki toukihda sang ni eweiet.”
^ LI, “kadeik.”
^ De “sapwellimomwi mehn kataman kan nin duwen ei sohso kohkohlahte.”
^ LI, “kamwakid ei mohngiong.”
^ De “me kin kohwei kohdo.”
^ De “I kin awiawih sapwellimomwi mahsen.”
^ De “duwehte sapwellimomwi mahsen.”
^ De “namenekla.”
^ Ni lokaiahn Ipru e kin dokedoke soahng mwahl kan me katohrohrsang silper de kohl ni eh kin peipeseng.
^ LI, “udukei.”
^ De “mahsen.”
^ De “kohl me kamwakelda.”
^ De “kehkehlik.”
^ LI, “esingek dondod.”
^ LI, “Nin duwen sapwellimomwi kadeik ong.”
^ De “katengehdi ei kahk kan.”
^ LI, “pwainiehda sapahl.”
^ De “sireidiong pohn sapwellimomwi ladu menet.”
^ De “kamwakelkihda kisiniei.”
^ De “mwohn eh marainpeseng.”
^ De “I kin awiawih sapwellimomwi mahsen kan.”
^ De “onopki.”
^ De “wiewia samin.”
^ De “apwalihala ei repenpwung.”
^ De “mahsaniher.”
^ LI, “kadeik.”
^ LI, “kadeik.”
^ De “Sohte mehn kadipekelekel ong irail.”
^ De “mahsaniher.”
^ LI, “kadeik.”
