Luslahng audepe kan

luslahng audepe kan

 MOMOUR NIN DUWEN KRISTIAN KEI

Ke Paiekidahr Omw Kin Tetehk Paipel Ehuehu Rahn?

Ke Paiekidahr Omw Kin Tetehk Paipel Ehuehu Rahn?

Omw kin wadek iren rahn sang nan Tetehk Paipel Ehuehu Rahn kin wia kisehn soahng kan me ke kin wia rahn koaros pwe ken karanihala Siohwa? Ma soh, a ke kak wiahiong en wiahla kisehn omw koasoandi en ehuehu rahn? Me tohto kin tehk iren rahn nimenseng kan, pwe irail en kak medemedewe ire ko ni arail kin wia arail doadoahk en rahno. (Sos 1:8; Me 119:97) Ia uwen omw pahn paiekihda laud sang iren Paipel en iren rahn? Wadek ire tikitik kan me mi limwahn iren rahno pwehn diarada dahme wiawi ahnsowo. Song medewe mwekid ehu me kileldi nan Paipel me karasahda kaweid me sansalda nan iren rahn en rahno. Kowe eri kapwaiada mouren kaweido nan omw mour. Ni ahnsou me Mahsen en Koht kin kamwakid omw pilipil kan, e pahn kaweid omw mour oh wia kamwahupomw.​—Me 119:105.

Peneineien Pedel kan nan sampah pwon kin tehkpene Tetehk Paipel Ehuehu Rahn ni ahnsoun mwengehn nimenseng. Nan pahr kerendo kan, tohto padahk en iren rahn kan kin kohda nan JW Broadcasting® pahnangin PROGRAMS AND EVENTS. Iahd me ke lahsin tehk ehu padahk pwukat de tohtohsang? Ele audepen ekei padahk ko uhdahn dahme ke anahne. Karasepe, ia duwen koasoiepen Lohd eh kak kamwakid omw pilipil kan?

KILANG KISIN KASDO DO NOT LOVE THE WORLD (1SO 2:15), OH MWURI SAPENGALA PEIDEK PWUKAT:

  • Mehnia mouren iren Paipel me wia poahsoanpen padahk en Kaudok en Nimensenget?

  • Ia duwen koasoiepen Lohdo eh karasahda duwen keperpen poakohng sampah de mehkan loale?​—Sen 13:12; 14:12; 19:3, 12, 13, 24-26

  • Ia duwen atail kin kasalehda me kitail poakohng Siohwa ahpw kaidehn sampah de mehkan loale?

Ia duwen ei kak kasalehda erein rahn ehu pwon me I kin kesempwalki sapwellimen Siohwa Mahsen?