12:‏5-‏7،‏ 12،‏ 13،‏ 24-‏27

اِسرائیلیاں نُوں دسویں آفت توں بچن لئی یہوواہ وَلّوں مِلن والیاں ہدیتاں تے سختی نال عمل کرن دی لوڑ سی۔‏ (‏خروج 12:‏28‏)‏ اِسرائیلیاں نُوں ہدیت دِتی گئی کہ اوہ 14 نیسان دی رات نُوں اپنے اپنے گھراں چ کٹھے ہون۔‏ اوہناں نُوں کہیا گیا کہ اوہ بکری یاں بھیڈ دے اِک سال دے صحت‌مند نر بچے نُوں قربان کرن تے اوہدے خون نُوں اپنے گھراں دے دروازیاں دِیاں چوگاٹھاں تے لان۔‏ فیر اوہناں نُوں ایہہ وی دَسیا گیا کہ اوہ پورے جانور دے گوشت نُوں اَگ تے بھن کے چھیتی چھیتی کھان۔‏ کسے نُوں وی صبح ہون توں پہلاں گھر توں باہر نِکلن دی اجازت نئیں سی۔‏—‏خروج 12:‏9-‏11،‏ 22‏۔‏

کیہڑے طریقیاں توں ظاہر ہوندا اے کہ فرمانبرداری کرن نال سانوں اَج وی فائدہ ہوندا اے؟‏