تفریح بارے سوچ سمجھ کے فیصلہ کرنا کیوں ضروری اے؟‏ کیونکہ جدوں اَسی کوئی فلم یاں ویب‌سائٹ ویکھنے آں،‏ کوئی کتاب پڑھنے آں یاں کوئی ویڈیو گیم کھیڈنے آں تے ایہدا ساڈی سوچ تے گُوڑھا اثر پیندا اے۔‏ فیر ایس سوچ دا اثر ساڈے فیصلیاں تے ساڈے کماں تے وی پیندا اے۔‏ دُکھ دی گل اے کہ اَج‌کل زیادہ‌تر تفریح چ کوئی نہ کوئی ایہو جہی گل ہوندی اے جدے توں یہوواہ نفرت کردا اے۔‏ (‏زبور 11:‏5؛‏ گلتیوں 5:‏19-‏21‏)‏ ایسے لئی بائبل چ سانوں ہدیت کیتی گئی اے کہ اَسی ایہو جہیاں گلاں تے دھیان دیندے رہیے جنہاں توں یہوواہ خدا دی وڈیائی ہوندی اے۔‏—‏فِلپّیوں 4:‏8‏۔‏

ویڈیو ‏”‏تفریح بارے سوچ سمجھ کے فیصلہ کرو‏“‏ ویکھو تے فیر ایہناں سوالاں دے جواب دَوو:‏

• اَج‌کل دی تفریح روم چ ہون والیاں اوہناں کھیڈاں ورگی کیویں اے جنہاں چ بڑا خون خرابہ ہوندا سی؟‏

• کلیسیا دے بھین بھرا نوجواناں دی مدد کیویں کر سکدے نیں تاکہ اوہ سوچ سمجھ کے تفریح بارے فیصلہ کرن؟‏

• تفریح بارے فیصلہ کرن چ رومیوں 12:‏9 توں سانوں کیویں مدد مِلدی اے؟‏

• تواڈے علاقے چ لوک کیہڑی تفریح کردے نیں جیہڑ‌ی مسیحیاں لئی مناسب اے؟‏