معلومات چھیتی وکھاؤ

مینیو چھیتی وکھاؤ

مضموناں دی لسٹ وکھاؤ

یہوواہ دے گواہ

پنجابی (شاہ مُکھی)

اَج کون یہوواہ خدا دی مرضی تے چل رہے نیں؟‏

 سبق 1

یہوواہ دے گواہ کیہو جہے لوک نیں؟‏

یہوواہ دے گواہ کیہو جہے لوک نیں؟‏

ڈنمارک

تائیوان

وینزویلا

انڈیا

کیہہ تُسی کسے یہوواہ دے گواہ نُوں جان دے او؟‏ ساڈے وچوں شاید کوئی تواڈا گوانڈھی ہووے،‏ تواڈے نال کم کردا یاں پڑھدا ہووے،‏ ہو سکدا اے اَسی تواڈے نال بائبل وچوں کدی گل بات کیتی ہووے۔‏ اَسی کیہو جہے لوک آں تے دُوجیاں نُوں اپنے ایمان بارے کیوں دسنے آں؟‏

اَسی عام لوکاں وانگوں آں۔‏ اَسی فرق فرق نسلاں،‏ ثقافتاں تے معاشریاں توں آں۔‏ یہوواہ دے گواہ بنن توں پہلاں ساڈے وچوں کجھ فرق فرق مذہباں نال تعلق رکھدے سن،‏ کئی تے خدا اُتے ایمان وی نئیں رکھدے سن۔‏ پر فیر اَسی پاک کلام دی تلیم نُوں گہرائی نال سکھیا۔‏ (‏اعمال 17:‏11‏)‏ جدوں سانوں سکھیاں ہوئیاں گلاں تے یقین ہو گیا تے فیر اَسی آپ فیصلہ کیتا کہ ہُن توں اَسی صرف یہوواہ خدا دی عبادت کراں گے۔‏

پاک کلام وچوں سکھ کے سانوں فائدے ہوندے نیں۔‏ سارے انساناں وانگوں سانوں وی مشکلاں سہنیاں پیندیاں نیں تے اپنیاں کمزوریاں نال لڑنا پیندا اے۔‏ پر اَسی ویکھیا اے کہ پاک کلام دے اصولاں تے چلن دی پُوری کوشش کر کے ساڈی زندگی وچ نکھار آیا اے۔‏ (‏زبور 128:‏1،‏ 2‏)‏ ایس لئی اَسی پاک کلام وچوں سکھیاں گلاں دُوجیاں نُوں وی دسنے آں۔‏

اَسی خدا دے اصولاں مطابق زندگی گزارنے آں۔‏ خدا دے کلام دے اصولاں تے چل کے ساڈا بھلا ہوندا اے۔‏ ایہناں اصولاں توں اَسی سکھنے آں کہ سانوں دُوسریاں دی عزت کرنی چاہیدی اے،‏ نالے ایمانداری تے رحم ورگیاں صفتاں وی وکھانیاں چاہیدیاں نیں۔‏ پاک کلام وچ لکھے اصولاں مطابق چلن والے لوک معاشرے دی ترقی وچ ہتھ ونڈاؤندے نیں۔‏ ایہدے نال نال خدا دے اصولاں تے چل کے خانداناں وچ پیار دی ڈور پکی ہوندی اے تے سانوں اپنا چال چلن نیک رکھن دی ہلاشیری وی مِلدی اے۔‏ سانوں پُورا یقین اے کہ خدا کسے دی طرف‌داری نئیں کردا۔‏ ایس لئی بھانویں اَسی کسے وی مُلک وچ رہندے ہوئیے ساڈی اِک ای عالمی برادری اے تے ساڈے لئی ہر قوم دے لوک برابر نیں۔‏ بھانویں اَسی عام لوکاں ورگے آں پر ساڈی برادری دی وکھری شان اے۔‏—‏اعمال 4:‏13؛‏ 10:‏34،‏ 35‏۔‏

  • اَسی کیوں کہہ سکنے آں کہ یہوواہ دے گواہ عام لوکاں ورگے نیں؟‏

  • یہوواہ دے گواہواں نے پاک کلام وچوں کیہڑے اصول سکھے نیں؟‏