معلومات چھیتی وکھاؤ

مینیو چھیتی وکھاؤ

مضموناں دی لسٹ وکھاؤ

یہوواہ دے گواہ

پنجابی (شاہ مُکھی)

اَج کون یہوواہ خدا دی مرضی تے چل رہے نیں؟‏

 سبق 20

یہوواہ دے گواہواں دی گورننگ‌باڈی کیویں کم کردی اے؟‏

یہوواہ دے گواہواں دی گورننگ‌باڈی کیویں کم کردی اے؟‏

پہلی صدی وچ گورننگ باڈی

گورننگ باڈی ولوں اِک خط پڑھیا جا رہیا اے

پہلی صدی وچ رسولاں تے بزرگاں دا اِک چھوٹا جیہا گروہ گورننگ‌باڈی دے طور تے خدمت کردا سی۔‏ ایہہ گروہ یروشلیم وچ سی تے ایہدے سارے ممبر پاک رُوح نال چُنے ہوئے سن۔‏ (‏اعمال 15:‏2‏)‏ گورننگ‌باڈی پاک کلام دے حوالیاں اُتے سوچ وچار کردی سی تے پاک رُوح دی رہنمائی دے ذریعے رضامندی نال کلیسیاواں لئی فیصلے لیندی سی۔‏ (‏اعمال 15:‏25‏)‏ اَج یہوواہ دے گواہواں دی گورننگ باڈی وی ایسے طرحاں کم کردی اے۔‏

گورننگ باڈی خدا دی مرضی مطابق کم کردی اے۔‏ گورننگ باڈی دے سارے ممبر خدا دے کلام وچ گہری دلچسپی رکھدے نیں۔‏ اوہناں کول تنظیم دے کم نُوں چلاؤن دا کافی تجربہ اے تے اوہ بائبل نال جُڑے سوالاں دے جواب دین دے قابل نیں۔‏ اوہ ہر ہفتے بیٹھ کے گل بات کردے نیں کہ دُنیا بھر وچ ساڈے بھین بھراواں دیاں لوڑاں کیہہ نیں۔‏ پہلی صدی وانگوں اوہ کلیسیاواں نُوں خطاں،‏ تجربےکار نگہباناں تے ہور طریقیاں راہیں بائبل وچوں ہدیتاں دیندے نیں۔‏ ایس طرحاں خدا دے خادم اِک مُٹھ ہو کے کم کردے نیں۔‏ (‏اعمال 16:‏4،‏ 5‏)‏ گورننگ باڈی دے بھرا سانوں خدا بارے صحی علم دین دا انتظام کردے نیں۔‏ اوہناں دی نگرانی وچ بزرگ تے خادم مقرر کیتے جاندے نیں۔‏ نالے اوہ سانوں ساریاں نُوں ہلاشیری دیندے نیں کہ اَسی اپنی زندگی وچ منادی دے کم نُوں پہلی تھاں دَئیے۔‏

گورننگ باڈی پاک رُوح دی رہنمائی مطابق چلدی اے۔‏ گورننگ باڈی،‏ سب توں وڈے حاکم یہوواہ خدا تے کلیسیا دے سربراہ یسوع مسیح دی رہنمائی وچ کم کردی اے۔‏ (‏1-‏کُرنتھیوں 11:‏3؛‏ اِفسیوں 5:‏23‏)‏ گورننگ باڈی دے ممبر ایہہ نئیں سمجھدے کہ اوہ دُوجے مسیحیاں توں اُچا درجہ رکھدے نیں۔‏ سگوں اوہ پاک رُوح نال چُنے دُوجے مسیحیاں نال رَل کے یسوع مسیح دے پچھے پچھے چلدے نیں۔‏ (‏مکاشفہ 14:‏4‏)‏ گورننگ باڈی ایس گل دی بڑی قدر کردی اے کہ اَسی اوہناں لئی دُعا کرنے آں۔‏

  • پہلی صدی وچ کون گورننگ باڈی دے طور تے خدمت کردے سن؟‏

  • اَج گورننگ باڈی خدا دی رہنمائی تے چلن لئی کیہہ کر دی اے؟‏