معلومات چھیتی وکھاؤ

مینیو چھیتی وکھاؤ

مضموناں دی لسٹ وکھاؤ

یہوواہ دے گواہ

پنجابی (شاہ مُکھی)

اَج کون یہوواہ خدا دی مرضی تے چل رہے نیں؟‏

 سبق 7

ساڈیاں عبادتاں تے کیہہ ہوندا اے؟‏

ساڈیاں عبادتاں تے کیہہ ہوندا اے؟‏

نیوزی‌لینڈ

جاپان

یوگنڈا

لیتھوانیا

پہلی صدی دے مسیحی اپنیاں عبادتاں تے گیت گاؤندے،‏ دُعا کردے،‏ پاک کلام پڑھدے تے اوہدے بارے گل بات کردے سن۔‏ ایہہ عبادتاں انسانی رِیتاں رواجاں توں بالکل پاک ہوندیاں سن۔‏ (‏1-‏کُرنتھیوں 14:‏26‏)‏ ساڈیاں عبادتاں وی ایہناں عبادتاں وانگوں ہوندیاں نیں۔‏

بائبل وچوں فائدےمند تلیم دِتی جاندی اے‏۔‏ ہر کلیسیا وچ عام طور تے ہفتے دے آخر وچ اَدھے گھنٹے لئی اِک ‏”‏عوامی تقریر“‏ پیش کیتی جاندی اے۔‏ ایہہ تقریر بائبل وچوں ہوندی اے تے ایہدے چ سمجھایا جاندا اے کہ اَج بُرے دور وچ رہندے ہویاں اَسی کیویں پاک کلام دیاں ہدیتاں تے چل سکنے آں۔‏ ساریاں دی حوصلہ‌افزائی کیتی جاندی اے کہ اوہ تقریر دے دوران اپنی اپنی بائبل وچوں حوالے ویکھن۔‏ تقریر توں بعد اِک گھنٹے لئی ‏”‏مینارِنگہبانی“‏ رسالے وچوں اِک مضمون اُتے گل بات ہوندی اے تے ایہدے وچ ہر کوئی حصہ لے سکدا اے۔‏ دُنیا بھر وچ ساڈیاں 1 لکھ 10 ہزار توں زیادہ کلیسیاواں وچ ہر ہفتے اِک ای مضمون تے گل بات کیتی جاندی اے۔‏ ایہدے ذریعے سانوں مدد مِلدی اے کہ اَسی بائبل دی رہنمائی تے چلدے رہیے۔‏

سانوں دُوسریاں نُوں سکھاوُن لئی مدد مِلدی اے۔‏ ہفتے دے دوران شام نُوں اِک ہور عبادت ہوندی اے جدے تِن حصے ہوندے نیں۔‏ ایس عبادت نُوں ‏”‏ساڈی مسیحی زندگی تے خدمت“‏ کہیا جاندا اے۔‏ ایہدے وچ پیش کیتے جان والے حصے ‏”‏مسیحی زندگی تے خدمت—‏عبادت دا قاعدہ“‏ چوں لئے جاندے نیں۔‏ ایس عبادت دا پہلا حصہ ‏”‏پاک کلام چوں سنہری گلاں“‏ ہوندا اے جدے چ بائبل دے اوہناں باباں دی وضاحت کیتی جاندی اے جیہڑ‌ے اَسی گھروں پڑھ کے آؤنے آں۔‏ اگلا حصہ ‏”‏شاگرد بناؤن دی تربیت“‏ ہوندا اے جدے چ کجھ منظراں دے ذریعے سکھایا جاندا اے کہ اَسی دُوسریاں نال بائبل وچوں کیویں گل بات کر سکنے آں۔‏ ایس حصے وچ سانوں مشورے دِتے جاندے نیں کہ اَسی بائبل پڑھن تے منادی کرن دی صلاحیت نُوں کیویں نکھار سکنے آں۔‏ (‏1-‏تیمتھیس 4:‏13‏)‏ آخری حصے نُوں ‏”‏مسیحیاں دے طور تے جینا“‏ کہیا جاندا اے۔‏ ایہدے وچ سکھایا جاندا اے کہ اَسی اپنی زندگی بائبل دے اصولاں مطابق کیویں گزار سکنے آں۔‏ ایہدے وچ اَسی سوالاں تے جواباں دے ذریعے بائبل دے کسے موضوع اُتے گل بات وی کرنے آں۔‏

ساڈیاں عبادتاں تے آ کے تُسی آپ ویکھو گے کہ ایتھے کِنّے چنگے طریقے نال بائبل وچوں تلیم دِتی جاندی اے۔‏—‏یسعیاہ 54:‏13‏۔‏

  • تُسی یہوواہ دے گواہواں دِیاں عبادتاں تے آ کے کیہہ کجھ سکھو گے؟‏

  • تُسی ساڈی کیہڑی عبادت تے آؤنا چاہوو گے؟‏