معلومات چھیتی وکھاؤ

مینیو چھیتی وکھاؤ

مضموناں دی لسٹ وکھاؤ

یہوواہ دے گواہ

پنجابی (شاہ مُکھی)

اَج کون یہوواہ خدا دی مرضی تے چل رہے نیں؟‏

 سبق 15

بزرگ کلیسیا وچ خدمت کیویں کردے نیں؟‏

بزرگ کلیسیا وچ خدمت کیویں کردے نیں؟‏

فن‌لینڈ

بزرگ تلیم دیندے نیں

بزرگ حوصلہ ودھاؤندے نیں

بزرگ منادی کردے نیں

ساڈیاں کلیسیاواں وچ تنخواہ‌دار پادری نئیں ہوندے۔‏ ایہدی بجائے کلیسیاواں دی دیکھ‌بھال کرن لئی نگہباناں نُوں مقرر کیتا جاندا اے جیویں کہ پہلی صدی وچ کیتا جاندا سی۔‏ ایہناں نگہباناں نُوں بزرگ کہیا جاندا اے۔‏ (‏اعمال 20:‏28‏)‏ ایہہ بزرگ مضبوط ایمان دے مالک ہوندے نیں تے چرواہیاں وانگوں کلیسیا دی رہنمائی تے دیکھ‌بھال کر دے نیں۔‏ اوہ ایہہ ذمےداری مجبوری نال نئیں سگوں خدا دیاں ہدیتاں مطابق خوشی خوشی نبھاؤندے نیں۔‏ اوہ بےایمانی تے لالچ نال کجھ حاصل کرن دی بجائے جوش نال خدمت کردے نیں۔‏ (‏1-‏پطرس 5:‏1-‏3‏)‏ بزرگ ساڈے لئی کیہہ کجھ کردے نیں؟‏

اوہ ساڈی دیکھ بھال تے رکھوالی کردے نیں۔‏ بزرگ کلیسیا نُوں پاک کلام وچوں صلاح دیندے نیں۔‏ اوہ اوہناں نُوں ایہو جہے خطریاں توں خبردار کردے نیں جنہاں دی وجہ توں اوہناں دا خدا نال رشتہ ٹُٹ سکدا اے۔‏ بزرگاں نُوں احساس اے کہ خدا نے اوہناں نُوں بڑی بھاری ذمےداری دِتی اے،‏ ایس لئی اوہ خدا دے لوکاں اُتے رُعب نئیں جھاڑدے سگوں اوہناں دی خوشی تے بھلائی لئی محنت کردے نیں۔‏ (‏2-‏کُرنتھیوں 1:‏24‏)‏ جیویں اِک چرواہا اپنی ہر بھیڈ نُوں چنگی طرحاں جان دا تے اوہدی دیکھ بھال کردا اے،‏ اونویں بزرگ کلیسیا دے ہر بھین بھرا نُوں چنگی طرحاں جانن دی کوشش کردے نیں۔‏—‏امثال 27:‏23‏۔‏

اوہ سانوں خدا دی مرضی تے چلنا سکھاؤندے نیں۔‏ بزرگ ہر ہفتے عبادتاں وچ ایمان نُوں مضبوط کرن والیاں گلاں دسدے نیں۔‏ (‏اعمال 15:‏32‏)‏ ایہہ وفادار بھرا منادی دے کم وچ وی رہنمائی کردے نیں۔‏ اوہ ساڈے نال منادی کردے نیں تے سانوں فرق فرق طریقیاں نال گواہی دین دی تربیت دیندے نیں۔‏

اوہ ہر اِک دا حوصلہ ودھاؤندے نیں۔‏ بزرگ کلیسیا وچ ہر مبشر دی مدد کردے نیں تاکہ اوہدا یہوواہ خدا نال رشتہ مضبوط ہووے۔‏ ایہدے لئی ہو سکدا اے کہ اوہ ساڈے گھر آ کے یاں فیر عبادت‌گاہ وچ سانوں پاک کلام وچوں تسلی تے حوصلہ دین۔‏—‏یعقوب 5:‏14،‏ 15‏۔‏

کلیسیا دیاں ذمےداریاں سنبھالن دے نال نال بزرگ نوکری کردے نیں تے اپنے گھرانے دی دیکھ بھال وی کردے نیں۔‏ سانوں ایہناں محنتی بھراواں دی دلوں قدر کرنی چاہیدی اے۔‏—‏1-‏تھسلُنیکیوں 5:‏12،‏ 13‏۔‏

  • کلیسیاواں وچ بزرگاں دیاں ذمےداریاں کیہہ نیں؟‏

  • بزرگ ساڈا حوصلہ کیویں ودھاؤندے نیں؟‏