معلومات چھیتی وکھاؤ

مینیو چھیتی وکھاؤ

مضموناں دی لسٹ وکھاؤ

یہوواہ دے گواہ

پنجابی (شاہ مُکھی)

اَج کون یہوواہ خدا دی مرضی تے چل رہے نیں؟‏

 سبق 25

ساڈیاں عبادت گاہواں کیوں تے کیویں بنائیاں جاندیاں نیں؟‏

ساڈیاں عبادت گاہواں کیوں تے کیویں بنائیاں جاندیاں نیں؟‏

بولیویا

نائیجیریا وچ عبادت‌گاہ پہلوں تے بعد وچ

تاہیٹی

ساڈیاں عبادت‌گاہواں وچ خدا دی بادشاہی بارے تلیم دِتی جاندی اے۔‏ ایہہ یسوع مسیح دی منادی دا خاص موضوع سی۔‏—‏لُوقا 8:‏1‏۔‏

ساڈی عبادت‌گاہ چ سچے خدا یہوواہ دی عبادت ہوندی اے۔‏ اَسی اپنی عبادت‌گاہ توں ای اپنے علاقے وچ بادشاہی دی منادی دا انتظام کرنے آں۔‏ (‏متی 24:‏14‏)‏ ساڈی عبادت‌گاہ سادی جہی عمارت ہوندی اے۔‏ ایہہ چھوٹی یاں وڈی تے فرق فرق بناوٹ دی ہو سکدی اے۔‏ عام طور تے اِک عبادت‌گاہ نُوں اِک توں زیادہ کلیسیاواں استمال کر دیاں نیں۔‏ بڑی خوشی دی گل اے کہ مبشراں تے کلیسیاواں دی گنتی وچ وادھا ہو رہیا اے ایس لئی اَسی کجھ سالاں دوران ہزاراں نویاں عبادت گاہواں بنائیاں نیں۔‏ ایہدا مطلب اے کہ اَسی اِک دن وچ تقریباً پنج نویاں عبادت گاہواں تعمیر کردے رہے آں۔‏ آخر اَسی اینیاں ساریاں عبادت گاہواں کیویں بنالینے آں؟‏—‏متی 19:‏26‏۔‏

عبادت گاہواں عطیے دے ذریعے بنائیاں جاندیاں نیں۔‏ جیہڑ‌ا عطیہ سانوں مِلدا اے،‏ اوہ برانچ نُوں گھل دِتا جاندا اے۔‏ ایہہ پیسہ اوہناں کلیسیاواں نوں دِتا جاندا اے جِتھے نویاں عبادت گاہواں بناؤن یاں فیر ایہناں دی مرمت کرن دی لوڑ ہوندی اے۔‏

عبادت گاہواں رضاکاراں دی مدد نال بنائیاں جاندیاں نیں۔‏ کئی مُلکاں وچ عبادت گاہواں تعمیر کرن لئی رضاکاراں دے گروپ بنائے گئے نیں۔‏ ایہہ رضاکار فرق فرق کلیسیاواں وچ جا کے عبادت گاہواں بناؤن لئی مدد کردے نیں۔‏ ایتھوں تک کہ اوہ دُور دراز مُلکاں دیاں کلیسیاواں وچ جا کے وی ایس کم وچ حصہ لیندے نیں۔‏ کئی مُلکاں وچ کجھ بھراواں نُوں کسے علاقے وچ عبادت گاہواں دی تعمیر یاں مرمت دے کم دی نگرانی کرن لئی مقرر کیتا جاندا اے۔‏ بھانویں کہ کئی رضاکار دُوجیاں تھانواں تے جا کے تعمیر دے کم وچ ہتھ ونڈاؤندے نیں پر زیادہ تر کم دا سہرا اوتھوں دی کلیسیا دے سِر ہوندا اے۔‏ عبادت گاہواں دی تعمیر دا کم یہوواہ خدا دی پاک رُوح تے اوہدے خادماں دی جی توڑ محنت دی وجہ توں ای ہو پاندا اے۔‏—‏زبور 127:‏1؛‏ کُلسّیوں 3:‏23‏۔‏

  • اَسی عبادت گاہواں کیوں بناؤنے آں؟‏

  • دُنیا بھر وچ ساڈیاں عبادت گاہواں کیویں بنائیاں جاندیاں نیں؟‏