معلومات چھیتی وکھاؤ

مینیو چھیتی وکھاؤ

مضموناں دی لسٹ وکھاؤ

یہوواہ دے گواہ

پنجابی (شاہ مُکھی)

اَج کون یہوواہ خدا دی مرضی تے چل رہے نیں؟‏

خدا دی مرضی کیہہ اے؟‏

خدا دی مرضی کیہہ اے؟‏

خدا چاہندا اے کہ اَسی ہمیشاں لئی فردوس وچ سُکھ چین نال زندگی گزارئیے۔‏

پر تُسی شاید سوچو کہ ایہہ کیویں ہو سکدا اے؟‏ پاک کلام دسدا اے کہ خدا دی بادشاہی زمین نُوں فردوس بنا دوے گی۔‏ خدا چاہندا اے کہ سارے انسان اوہدی بادشاہی بارے سکھن۔‏ نالے ایہہ جانن کہ اوہ انساناں لئی کِنّے ودھیا کم کرن والا اے۔‏—‏زبور 37:‏11،‏ 29؛‏ یسعیاہ 9:‏7‏۔‏

خدا ساڈا بھلا چاہندا اے۔‏

جیس طرحاں اِک پیار کرن والا باپ چاہندا اے کہ اوہدے بچے چنگی توں چنگی زندگی گزارن،‏ اوسے طرحاں ساڈا اسمانی باپ وی چاہندا اے کہ اَسی ہمیشاں خوشیاں بھری زندگی گزارئیے۔‏ (‏یسعیاہ 48:‏17،‏ 18‏)‏ خدا نے وعدہ کیتا اے کہ جیہڑ‌ا اوہدی مرضی تے چلے گا اوہ ہمیشاں زندہ رہوے گا۔‏—‏1-‏یوحنا 2:‏17‏۔‏

خدا چاہندا اے کہ اَسی اوہدیاں راہواں تے چلیے۔‏

پاک کلام دسدا اے کہ ساڈا خالق ساڈی رہنمائی کردا اے تاکہ اَسی اوہدیاں راہواں تے چلیے۔‏ (‏یسعیاہ 2:‏2،‏ 3‏)‏ خدا نے اِک قوم نُوں چُنیا اے تے اوہنوں اپنا ناں دِتا اے تاکہ اوہ پُوری زمین تے لوکاں نُوں اوہدی مرضی بارے سکھائے۔‏—‏اعمال 15:‏14‏۔‏

خدا چاہندا اے کہ اَسی اِک مُٹھ ہو کے اوہدی عبادت کرئیے۔‏

یہوواہ خدا دی عبادت لوکاں نُوں سچے پیار دے بندھن وچ بنھ دیندی اے۔‏ (‏یوحنا 13:‏35‏)‏ اَج دُنیا بھر وچ لوکاں نُوں سکھایا جا رہیا اے کہ اوہ اِک مُٹھ ہو کے خدا دی خدمت کیویں کر سکدے نیں۔‏ ایہہ کم کون کر رہے نیں؟‏ ایس کتاب وچ توانوں ایہدا جواب ملے گا۔‏