معلومات چھیتی وکھاؤ

مینیو چھیتی وکھاؤ

مضموناں دی لسٹ وکھاؤ

یہوواہ دے گواہ

پنجابی (شاہ مُکھی)

اَج کون یہوواہ خدا دی مرضی تے چل رہے نیں؟‏

 سبق 17

حلقے دے نگہبان ساڈی مدد کیویں کردے نیں؟‏

حلقے دے نگہبان ساڈی مدد کیویں کردے نیں؟‏

ملاوی

منادی لئی رہنمائی

منادی دے دوران

بزرگاں نال ملاقات

بائبل دے یونانی صحیفیاں وچ کئی وار برنباس تے پولس رسول دا ذکر آؤندا اے جیہڑ‌ے پہلی صدی دیاں کلیسیاواں دا دورہ کردے سن۔‏ ایہناں تجربےکار نگہباناں نُوں اپنے مسیحی بھین بھراواں دی دلوں فکر سی۔‏ پولس رسول نے کہیا کہ اوہ اوہناں شہراں وچ دُبارہ جا کے بھین بھراواں دا حال چال پتہ کرنا چاہندے نیں جِتھے اوہناں نے منادی کیتی سی۔‏ اوہ اوہناں دا ایمان مضبوط کرن لئی کئی سو میل دا فاصلہ طے کرن لئی وی تیار سن۔‏ (‏اعمال 15:‏36‏)‏ اَج کل وی حلقے دے نگہبان جدوں کلیسیاواں دا دورہ کر دے نیں تے ایہو ای جذبہ ظاہر کردے نیں۔‏

اوہ ساڈا حوصلہ ودھاؤندے نیں۔‏ اِک حلقے دا نگہبان لگ بھگ 20 کلیسیاواں دا واری واری دورہ کردا اے۔‏ اوہ سال وچ دو واری ہر کلیسیا دا اِک ہفتے لئی دورہ کردا اے۔‏ اَسی حلقے دے نگہباناں تے اوہناں دیاں بیویاں دے تجربے توں بوہت کجھ سکھ سکنے آں۔‏ اوہ کلیسیا دے جوان تے بُڈھے بھین بھراواں نُوں چنگی طرحاں جانن دی کوشش کردے نیں۔‏ اوہ ساڈے نال خوشی خوشی منادی کردے نیں۔‏ اوہ اوہناں لوکاں نُوں مِلن لئی تیار رہندے نیں جنہاں نُوں اَسی بائبل کورس کرانے آں۔‏ حلقے دے نگہبان کلیسیا دے بزرگاں نال بھین بھراواں دے گھر جاندے نیں تے اوہناں نُوں حوصلہ دیندے نیں۔‏ ایہدے علاوہ اوہ عبادتاں تے کنونشناں تے تقریراں پیش کردے نیں جنہاں نُوں سُن کے ساڈا ایمان مضبوط ہوندا اے۔‏—‏اعمال 15:‏35‏۔‏

اوہناں نُوں ہر اِک دی فکر ہوندی اے۔‏ حلقے دے نگہبان چاہندے نیں کہ کلیسیا دی خدا نال دوستی پکی ہووے۔‏ اوہ بزرگاں تے خادماں نُوں مِلدے نیں تے اوہناں نُوں فائدےمند صلاح دیندے نیں۔‏ اوہ منادی دے کم نُوں پھلدار بناؤن لئی پہل‌کاراں دی مدد کردے نیں۔‏ اوہ نویں مبشراں نُوں جانن دی کوشش کردے نیں تے اوہناں نُوں سچائی وچ ودھدے پُھلدے ویکھ کے بوہت خوش ہوندے نیں۔‏ ایہہ نگہبان اپنا آپ مار کے ساڈے بھلے لئی محنت کردے نیں۔‏ (‏2-‏کُرنتھیوں 8:‏23‏)‏ سانوں وی اوہناں وانگوں پکے ایمان تے لگن نال خدا دی خدمت کرنی چاہیدی اے۔‏—‏عبرانیوں 13:‏7‏۔‏

  • حلقے دے نگہبان کلیسیاواں دا دورہ کیوں کردے نیں؟‏

  • تُسی اوہناں دے دورے توں کیویں فائدہ چُک سکدے او؟‏