معلومات چھیتی وکھاؤ

مینیو چھیتی وکھاؤ

مضموناں دی لسٹ وکھاؤ

یہوواہ دے گواہ

پنجابی (شاہ مُکھی)

اَج کون یہوواہ خدا دی مرضی تے چل رہے نیں؟‏

 سبق 11

اَسی کنونشناں تے کیوں جمع ہنے آں؟‏

اَسی کنونشناں تے کیوں جمع ہنے آں؟‏

میکسیکو

جرمنی

بوٹسوانا

نکاراگوا

اٹلی

ذرا ایہناں ہسدے مسکراندے لوکاں نُوں ویکھو۔‏ ایہہ اینے خوش کیوں نظر آ رہے نیں؟‏ کیونکہ ایہہ ساڈی اِک کنونشن تے آئے ہوۓ نیں۔‏ پرانے وقتاں وچ خدا نے اپنے خادماں نُوں سال وچ تِن خاص موقعیاں تے جمع ہون دا حکم دِتا سی۔‏ (‏اِستثنا 16:‏16‏)‏ اوہناں وانگوں اَسی وی ہر سال تِن کنونشناں تے جمع ہنے آں۔‏ سال چ دو واری اِک روزہ کنونشن ہوندی اے تے اِک واری تِن روزہ کنونشن ہوندی اے۔‏ اَسی ایہناں کنونشناں دا بڑی بےصبری نال اِنتظار کرنے آں۔‏ سانوں ایہناں تے آ کے کیہڑے فائدے ہوندے نیں؟‏

ساڈا بھائی چارہ ہور مضبوط ہوندا اے۔‏ جیس طرحاں اِسرائیلی وڈیاں عبادتاں تے جمع ہو کے خوش ہوندے سن،‏ اوسے طرحاں سانوں وی کنونشناں تے یہوواہ خدا دی عبادت کر کے بڑی خوشی ہوندی اے۔‏ (‏زبور 26:‏12؛‏ 111:‏1‏)‏ ایہناں خاص عبادتاں تے سانوں اوہناں بھین بھراواں نُوں مِلن دا موقع مِلدا اے جیہڑ‌ے دُوسریاں کلیسیاواں تے دُوجے مُلکاں توں آۓ ہوندے نیں۔‏ دوپہر نُوں اَسی مِل کے کھانا کھانے آں تے اِک دُوجے دی سنگت دا مزا وی لینے آں۔‏ (‏اعمال 2:‏42‏)‏ ایہناں کنونشناں تے اَسی اوہی پیار محسوس کرنے آں جیہڑ‌ا ساری دُنیا چ ساڈے بھین بھراواں نُوں اِک مُٹھ کردا اے۔‏—‏1-‏پطرس 2:‏17‏۔‏

ساڈا ایمان مضبوط ہوندا اے۔‏ بنی‌اِسرائیل نُوں وڈیاں عبادتاں تے پاک کلام دیاں گلاں چنگی طرحاں سکھائیاں جاندیاں سن۔‏ (‏نحمیاہ 8:‏8،‏ 12‏)‏ ایسے طرحاں سانوں وی اپنیاں کنونشناں تے خدا بارے ودھیا ودھیا گلاں سکھ کے بڑا مزہ آؤندا اے۔‏ ہر کنونشن دا موضوع بائبل وچوں لیا جاندا اے۔‏ دل نُوں چُھو لین والیاں تقریراں تے کئی ہور طریقیاں دے ذریعے سکھایا جاندا اے کہ اَسی خدا دی مرضی تے کیویں چل سکنے آں۔‏ ایہدے علاوہ اَسی اوہناں بھین بھراواں دے تجربے سننے آں جیہڑ‌ے ایس بُرے دَور وچ دلیری نال مشکلاں دا مقابلہ کر رہے نیں۔‏ ایہہ تجربے سُن کے سانوں بڑا حوصلہ مِلدا اے۔‏ تِن روزہ کنونشن دوران مسیحی ڈرامے وکھائے جاندے نیں جنہاں نُوں ویکھ کے اِنج لگدا اے کہ اَسی اوسے زمانے وچ پہنچ گئے آں جیہڑ‌ا ایس ڈرامے وچ وکھایا گیا اے۔‏ ایہناں ڈرامیاں توں سانوں بوہت کجھ سکھن نُوں مِلدا اے۔‏ ہر کنونشن تے اوہناں لوکاں لئی بپتسمے دا انتظام کیتا جاندا اے جیہڑ‌ے اپنی زندگی خدا دے ناں کر دیندے نیں۔‏

  • کنونشناں تے جا کے اَسی اینے خوش کیوں ہنے آں؟‏

  • کنونشناں تے جا کے توانوں کیہڑے فائدے ہون گے؟‏