معلومات چھیتی وکھاؤ

مینیو چھیتی وکھاؤ

یہوواہ دے گواہ

پنجابی (شاہ مُکھی)

ایہہ دُنیا کدے ہتھ وچ اے؟‏

ایہہ دُنیا کدے ہتھ وچ اے؟‏

تواڈے خیال وچ .‏ .‏ .‏

  • خدا دے؟‏

  • انساناں دے؟‏

  • یاں کسے ہور دے؟‏

 پاک کلام دی سچائی

ساری دُنیا شیطان دے قبضے وچ اے۔‏—‏1-‏یوحنا 5:‏19‏۔‏

یسوع مسیح،‏ شیطان دے کماں نوں مٹان لئی آئے سن۔‏—‏1-‏یوحنا 3:‏8‏۔‏

ایہہ سچائی جان کے .‏ .‏ .‏

تُسی سمجھ جاؤ گے کہ دُنیا دے حالات اینے خراب کیوں نیں۔‏—‏مکا‌شفہ 12:‏12‏۔‏

توانوں امید ملے گی کہ دُنیا دے حالات ضرور سدُھر جان گے۔‏—‏1-‏یوحنا 2:‏17‏۔‏

 اَسی پاک کلام دی سچائی تے یقین کیوں کر سکنے آں؟‏

تِن گلاں تے غور کرو:‏

  • شیطان دی حکومت دا خاتمہ ہون والا اے۔‏ یہوواہ خدا نے پکا ارادہ کیتا اے کہ اوہ انساناں نوں شیطان دے قبضے توں چھڑائے گا۔‏ اوہنے وعدہ کیتا اے کہ اوہ اوس نقصان نوں بھرے گا جیہڑ‌ا شیطان دی بغاوت دی وجہ توں ہن تک ہویا اے۔‏—‏عبرانیوں 2:‏14‏۔‏

  • خدا نے یسوع مسیح نوں ایس دُنیا تے حکومت کرن لئی چنیا اے۔‏ یسوع مسیح تے شیطان وچ زمین اسمان دا فرق اے۔‏ شیطان اک ظالم تے مطلبی حاکم اے پر یسوع مسیح پیار کرن والے تے رحمدل بادشاہ نیں۔‏ خدا وعدہ کر دا اے کہ یسوع مسیح اپنی بادشاہی وچ غریب تے محتاج تے ترس کھان گے تے اوہناں نوں ظلم تے جبر توں چھڑان گے۔‏—‏زبور 72:‏13،‏ 14‏۔‏

  • خدا جھوٹ نئیں بول سکدا۔‏ پاک کلام وچ صاف صاف دسیا گیا اے کہ خدا دا جھوٹ بولنا ناممکن اے۔‏ (‏عبرانیوں 6:‏18‏)‏ جدوں یہوواہ خدا کوئی وعدہ کردا اے تے اوہنوں پورا وی کردا اے۔‏ (‏یسعیاہ 55:‏10،‏ 11‏)‏ ایس لئی اَسی یقین کر سکنے آں کہ دُنیا دے حاکم شیطان نوں ختم کر دتا جاۓ گا۔‏—‏یوحنا 12:‏31‏۔‏

 ذرا ایس سوال تے غور کرو

شیطان دے خاتمے توں بعد ایہہ دُنیا کیویں دی ہووے گی؟‏

پاک کلام وچوں ایہدا جواب جانن لئی ایہہ حوالے پڑھو:‏ زبور 37:‏10،‏ 11 تے مکا‌شفہ 21:‏3،‏ 4‏۔‏